2009年10月20日星期二

一個人嘆早餐 - 2009年10月20日 (附食譜)



蕃茄薯仔湯; 雞肝醬 & 甜餐包

 星期日喺Dobbies Farm Foodhall 買咗新鮮整既雞肝醬 + 鴨肝醬......
尋日(星期一)已經好想食~~~~ 不過屋企無麵包!_2289.gif image by veronica_tsim

雖然我prefer 就咁空口好似食雪糕咁食雞肝醬,不過舊雞肝醬其實好鬼細舊,無麵包伴住食,好鬼快就會食哂!!!

而且雞肝醬與麵包同食,"心理上"好似無咁多膽固醇......


 於是尋晚臨瞓前,拿拿林走去焗咗8隻甜餐包仔,咁今朝一早起身就有得食嘞!


_2069.gif image by veronica_tsim 雞肝醬香滑,食完齒頰留香; 甜餐包仔叮一叮香甜鬆軟; 再9唔搭8加碗熱辣辣蕃茄薯仔湯 (尋日煲既!)......
朝早起身凍到打冷震,嘆完依份早餐,即時成身暖笠笠~~~ _2107.gif image by veronica_tsim

 蕃茄薯仔湯食譜click here~

 


 甜餐包(參考食譜)click here~ (依照甜麵包部份做法,造型後進行第二次開酵,放入焗爐烤焗即成! )




13 則留言:

  1. Gaileは林家歐巴桑2009年10月20日 上午6:40

    真係識歎...話時話我琴日都買左好多雞肝煮鹹湯圓食,我仲要專揀d雞肝出黎食,食完我都驚膽固醇黎搵我,不過唔係成日食都ok(唯有自我安慰)!見到你煲蕃茄湯我都想飲,之但你前兩日去街市想買幾個返黎煮,點知我揀3隻仔就要100蚊(果3隻真係細到乜咁)我最後見咁貴唔鬼買佢!睇怕要等自己種先有得食喇...
    [版主回覆10/21/2009 01:22:00]雞肝鹹湯圓好似幾得意喎! 點整架??
     
    妳講緊台幣100蚊? 不過廿幾蚊得3隻都真係貴喎!!!!
     
     

    回覆刪除
  2. 甜餐包整得好靚喎  
    [版主回覆10/21/2009 01:37:00]多謝! 跟<香港麵包>整之嘛~
     
     
     
     

    回覆刪除
  3. o i m having this siup as well for tonight wakakak ~
    [版主回覆10/21/2009 20:25:00]heehee~~~~ 
     
     

    回覆刪除
  4. Gaileは林家歐巴桑2009年10月20日 下午6:18

    鹹湯圓係我媽咪教我整既,想用咩材料都可以,我鐘意食雞肝/鴨肝(當然如果有曬乾既仲好味啦)不過我依邊冇就用新鮮雞肝
    材料有: 雞肝.蝦.黃牙白.大蒜....
    所有材料分別用蒜頭大蒜炒熟(我有加豉油)然後所有材料mix加水(最好有雞湯)煮滾落冇餡既湯圓煮熟落鹽調味即成(因為我唔識調較麵粉既份量,所以買現成既湯圓)
    以前一過年我媽咪就會煮依個食,佢會煲一煲雞/鴨湯煮,味道梗係好過我煮既多多聲啦,仲有我個人鐘意食隔餐or隔夜,d湯圓會更入味
    [版主回覆10/21/2009 20:28:00]Thanks! 好似好好食咁~~~~ 等我搵次都試吓! 不過依度都唔係成日買到新鮮雞肝......
     
    不過想問清楚 - 湯圓用麵粉定糯米粉搓架??
     
     

    回覆刪除
  5. 除左煎鵝肝同鴨肝之外 .. d什麼肝醬真係唔係好啱我 ..... 但見你講到咁鬼想食 .. 等我下次有機會再試下先
    [版主回覆10/21/2009 20:24:00]妳講既係foie gras,食法 + 風味都同pate 唔同~ 我兩種都鍾意食!
     
     
     
     

    回覆刪除
  6. 對我來講, 嘆一頓美味既早餐, 心情都開心D, 而且又有飽足感架
    [版主回覆10/21/2009 20:20:00]係呀~ 尤其天寒地凍既時候!
     
     

    回覆刪除
  7. 個包包好好味喎,等我整比晴晴食下先,晴晴一定會好鍾意,加條腸仔落去,等佢變腸仔包都好WOW!!
    [版主回覆10/21/2009 20:20:00]腸仔包食譜喺依度:
    http://hk.myblog.yahoo.com/veronicams_tsim/article?mid=18845
     
    一樣都係用依個甜包底!
     
     

    回覆刪除
  8. 妳好叻女呀!識整咁多野食.
    [版主回覆10/21/2009 20:16:00]歡迎來訪 + 多謝讚賞!
     
     

    回覆刪除
  9. Gaileは林家歐巴桑2009年10月21日 上午5:36

    我真係唔知喎,要問返我媽咪先知...你一係上網搵下!我都未試過自己整湯圓,我係用現成架
    [版主回覆10/21/2009 21:01:00]我之前都整過甜既湯圓~ 甜湯圓係用糯米粉搓架!
     
    但我見妳之前個回應講"麵粉".....所以咪問清楚妳係麵粉定糯米粉囉.........
     
     

    回覆刪除
  10. Gaileは林家歐巴桑2009年10月21日 上午6:13

    唔好聽我講...應該係糯米粉!我以為係粉就你麵粉 千其咪聽我講用麵粉呀!咁樣我下次就可以用糯米粉試下自己整啦
    [版主回覆10/22/2009 06:58:00]雖然我唔好甜~ 但我都幾鍾意食淨糯米湯圓,用薑 + 片糖煮糖水.........
     
     

    回覆刪除
  11. 你D餐飽真係好正呀, 我喜歡用脆多士來配肝醬, haha
    [版主回覆10/22/2009 06:56:00]多謝!
     
    其實我最鍾意就咁空口食肝醬!  不過就咁食哂成舊會好鹹.......
     
     

    回覆刪除
  12. 我今日大家樂既早餐都有甜包,不過想食妳整既多d
    [版主回覆10/22/2009 06:54:00]我反而好恨食大家樂早餐!!!!
    尤其係果條雞肉腸.....
     
     
     
     

    回覆刪除
  13. D 雞肝醬,鵝肝醬,我都係麻麻地,我覺得口感唔多岩我,可能我 D 平命,唔適宜食貴野喇.
    [版主回覆10/22/2009 21:03:00]其實都唔關平定貴事既,只係個個人口味唔同啫~ 每樣食物都有人鍾意食or 唔鍾意食架啦!
     
     

    回覆刪除

Related Posts Plugin for WordPress, Blogger...