2009年10月5日星期一

立立雜雜中秋晚餐 (附食譜)

大家中秋煮咗咩野靚餸做節呢?

中秋節喺英國唔係假期,所以我來咗英國咁多年都唔太重視! 除咗往年會返6299度做節之外,印象中好似無試過自己煮飯做中秋......

不過今年99返咗香港,所以唔洗做節; 咁啱中秋又撞正係weekend - 我weekend 係絕少煮飯既! 多數出街食,就算自己煮都係煮簡單野~

今個中秋weekend,我同老公既晚餐完全同中秋節無關! 都幾9唔搭8......._1272.gif image by veronica_tsim

 先有菜肉雲吞,要沾香醋來食喎!

見泗和行既白菜大大棵 + 肥嘟嘟好鬼靚~ 加上喺硬櫃搵到2包就快過期既雲吞皮,就買咗pack 白菜包咗一大盒菜肉雲吞!

依大盒野食咗3個回合就搞掂哂咯~~~~~


其實62上星期四 (10月1日)都煮咗餐叫我地返去當做節,不過星期四晚老公有OT,所以我地無去食飯,老公放咗工返去62度攞咗大盒燒牛肉返來~

逢就99去咗旅行唔喺英國過節,62要做節既話就會整燒牛肉!

依盒野實在太大盒,食咗2餐先食得哂!

2008111213530154.gif image by veronica_tsim依個weekend 老公有份下廚!!!

基本上老公可以話係完全唔識煮野食既~ 不過老公曾經煮過2樣野比我食,而依2樣野我雖然都煮過,不過我永遠整得唔夠老公整既好食!
第1樣係老公第一次整比我食,就令我食上咗癮既"火腿杯焗蘑菇蛋";204830367.gif image by veronica_tsim

第2樣就係簡簡單單既奄列!

依2樣野雖然簡單,但老公煮得永遠比我煮既moist + 好食~ 所以我每次想食依2樣野,都會由老公下廚! (平時就唔好嘞 - 廢事佢搞亂我個廚房!!! )

 今次老公整咗BBQ 雞蘑菇芝士奄列~ presentation 就無乜架嘞...不過味道好正架!!



9 則留言:

  1. 個雲吞好掂呀,好似出去買果D咁呀!!!我都好想食呀~~下次我要包韮菜餃先得~~
    [版主回覆10/05/2009 19:01:00]多謝!  我都好鍾意食雲吞、水餃,不過食完好快又會再肚餓~~~
     
     

    回覆刪除
  2. 嘩! 好味味的雲吞呀! 見到張相好吸引...真係好想食...
    同埋燒牛肉上面o個件係乜東東呀?
    [版主回覆10/05/2009 19:56:00]多謝~ 不如妳又包埋一份吖? 上面有食譜條link!
     
    燒牛肉上面果個係yorkshire pudding (約克郡布丁)~ 雖然叫做布丁,不過係鹹食來既! 係英國好常用來配燒牛肉既傳統食物,味道有少少似我地中國既油炸鬼~ http://hk.myblog.yahoo.com/veronicams_tsim/article?mid=19758
     
     
     

    回覆刪除
  3. 見到妳包雲吞我都好想食呀
    [版主回覆10/06/2009 03:17:00]妳又包埋一份~
     
     

    回覆刪除
  4. 原來妳老公都係廚藝高手
    [版主回覆10/06/2009 03:14:00]佢係蛋既廚藝高手至啱!
     
     

    回覆刪除
  5. 乜你老公識煮架..真係睇吾出喎....
     
    [版主回覆10/06/2009 03:10:00]咪淨係識煮上面我講既焗蛋火腿杯、奄列 + 我病時煮一pat pat 既快熟通心粉比我食囉~
     
     
     
     

    回覆刪除
  6. 菜肉雲吞包得好靚, 好飽滿 我初時以為你出去買呀
    你買左部壓麵條機,雲吞皮應該可以自己一手一腳包辦晒都得喎
    [版主回覆10/06/2009 16:29:00]多謝! 我好鍾意食依種雲吞,不過依度無得賣......
     
    整雲吞都幾花時間! 又要預備餡料又要包......自己整埋雲吞皮既話,我唸仲耐!!!! 不過我都幾有興趣自己碌埋張皮~~~
     
     

    回覆刪除
  7. ☜♡ 肥貓♡☞2009年10月5日 下午6:33

    雲吞好靚呀!隻隻都見嘟嘟! 我有時間都想試下整!!
    [版主回覆10/06/2009 16:26:00]多謝!
     
    我好鍾意食依種雲吞架~ 不過可能因為多菜,食完好鬼快又會肚餓......
     
     

    回覆刪除
  8. 雲吞真係包得好靚呀 ~
    而家流哂口水~ 正呀
    [版主回覆10/07/2009 17:51:00]多謝讚賞! 好易包架咋~ 不過都要包幾耐,但食完好快又會肚餓.....
     
     

    回覆刪除
  9. 雲吞包得好令仔唷...唔知以為出面買ga... 唉...香港天氣開始轉了...我日日都包=.="===>雲吞... 唔知你個到又點呢....入秋後要多點注意唷... 好以凍親ga =]
    [版主回覆10/07/2009 23:16:00]多謝~ 雲吞算進步咗.......我以前包得好肉酸架!
     
    我會注意架嘞~ 妳又病呀? 而家d感冒菌好鬼強!! 妳都要小心身體呀~~~
     
     

    回覆刪除

Related Posts Plugin for WordPress, Blogger...