2009年10月19日星期一

自製Al Dente 意大利粉 (更新)

早幾日自製既意大利粉雖算成功,不過外表口感都似公仔麵多過意粉  - 雖有公仔麵彈牙既口感,但並無意粉應有果種嚼勁.......





_964.gif image by veronica_tsim 為咗可以做出口感食味都正既意大利粉,我特別去咗超市一趟,研究吓超市售賣各種pasta 既材料成份!


我發現無論係spaghetti, linguine, penne, fusilli, lasagne etc......幾乎所有超市售賣既pasta,材料都一定有durum wheat / semolina!!!



 之前喺意大利買返來既墨魚汁黑意粉,材料都係semolina!_1301.gif image by veronica_tsim

 就係佢嘞!


_342.gif image by veronica_tsim 杜蘭小麥 - Durum Wheat; 亦即Semolina~

杜蘭小麥粉係製作pasta 既主要材料! 蛋白質成分 + 筋性都高; 由於受水性低,令做出來既pasta 有al dente 既口感!

 而意大利粉既金黃色,亦係來自顏色微黃既杜蘭小麥粉~

不過好奇怪 - 網上大部份自製pasta 既食譜,
_381.gif image by veronica_tsim唔知點解都好少用到semolina......

今次我用咗semolina,混合上次自製意粉既食譜,做出咗外表 + 口感都唔再公仔麵既spaghetti!

另外我將材料份量增加咗少少......

 00麵粉150g, Semolina 150g, 雞蛋3隻, 橄欖油1 1/2茶匙, 海鹽少許。

_1561.gif image by veronica_tsim 做法同之前意大利粉基本麵糰一樣!

 不過要注意因為semolina 較難受水,所以搓時加入溫水既份量亦要較多; 而且麵糰較硬,搓揉時間亦較耐少少~

加咗semolina 做出來既麵條,顏色果然比上次既麵條金黃~

今次我將做好咗既意大利粉,攤平用蛋糕架來風乾,避免再曲成一堆公仔麵!

 今朝我急不及待用現成蕃茄pesto 煮咗1小碟做早餐,試試效果如何........

今次外表唔再公仔麵,而且亦做到al dente 口感~  食落仲非常似Tesco 出品既Egg Spaghetti!

不過就無咗第一次整時滑溜既質感! 我唸可能要調較一下麵粉 + 杜蘭小麥粉既比例!

Internet 或食譜書都有無數不同材料份量配方......

_917.gif image by veronica_tsim 我一定要試到可以做出令自己100%滿意既pasta!!!!!

i1.gif picture by veronica_tsim

(10月20日更新)

哈哈~~~~ 原來我又擺烏龍......

 其實今次做既意粉已經成功咗嘞!!!

尋日朝早煮果1小碟質感粗糙,原來係因為我煮得唔夠耐!

Semolina 難受水; 加上意粉唔係做好即煮,風乾咗一晚......所以尋日朝早果碟我煮得3分鐘係唔足夠既! monkey2069.gif image by veronica_tsim

尋晚將剩低既手做意粉,用雞肉、車厘茄 + 茄膏快手地煮咗來做晚餐~

因為意粉份量較多,所以我今次煮咗5分鐘......

出乎意料之外,今次食落口竟然同超市買既意粉一模一樣! 除咗al dente,仲好滑滑呢~~~~

下次再做pasta,我都會依上面既材料配方~ 不過可能會嘗試唔同材料比例......

試多幾種方法無壞吖~~~monkey2085.gif image by veronica_tsim

 


15 則留言:

  1. 你真係好好恆心,整得好靚呀,期待你下一次既成功意粉!!
    [版主回覆10/20/2009 17:29:00]多謝讚賞!
     
    不過原來煮耐d 等麵條吸夠水就好滑架嘞!
     
     
     

    回覆刪除
  2. 整得好靚
    [版主回覆10/20/2009 17:28:00]多謝讚賞!
     
     

    回覆刪除
  3. 繼續努力 ....... 但係今次都唔錯丫 !!
    [版主回覆10/20/2009 17:28:00]thank you~ 不過原來煮耐d 等麵條吸夠水就好滑滑架嘞!
     
     

    回覆刪除
  4. 好野,終於得咗啦  
    人地為咗學武功就上山,妳為咗整好啲意粉就去超市,厲害厲害
    [版主回覆10/20/2009 17:26:00]多謝~ 多謝~
     
    哈哈~~~~ 其實我幾乎日日都去超市咁滯! 去格價、去搵平貨、執平貨、無聊去行吓.......
     
     

    回覆刪除
  5. Gaileは林家歐巴桑2009年10月19日 下午7:40

    真係唔再公仔麵喎,期待你既100% perfect既pasta
    [版主回覆10/20/2009 17:24:00]唔敢話係perfect~ 不過口感粗糙,原來只係因為我煮得唔夠耐! 煮耐少少等麵條等麵條吸夠水份就會滑滑架嘞~~~~
     
     

    回覆刪除
  6. 今次做的意大利粉似樣個上次,繼續努力鑽研啦
    [版主回覆10/20/2009 17:23:00]Thanks~ 我已經知道問題所在 - 我煮得唔夠耐!
     
    加咗semolina 做出來既意粉,要煮耐少少等麵條等麵條吸夠水份就會滑滑架嘞!
     
     

    回覆刪除
  7. 我都覺得用邊種粉係好大影響, 之前試過用00FLOUR整. 真係唔好食, 希望你研究好. 等我參考下
    [版主回覆10/20/2009 17:21:00]我覺得用00 flour整出來好食喎~ 麵條質感好幼滑,只係似公仔麵多過意粉啫!
     
    我上網做research 見semolina 原來先係做意粉既主要材料,所以我唸唔可以齋用00 flour~
     
    我今次都有用00 flour,其實我今次已經成功咗~ 做出來既意粉要煮耐少少,等麵條吸夠水份就會滑滑架嘞!
     
     

    回覆刪除
  8. 我都覺得用邊種粉係好大影響, 之前試過用00FLOUR整. 真係唔好食, 希望你研究好. 等我參考下

    回覆刪除
  9. 收到你寄來既包裹嘞....多謝晒....
    [版主回覆10/20/2009 17:16:00]唔洗客氣! 我都見到細靚女放咗相上FB~
     
     

    回覆刪除
  10. 厲害厲害.... 不過今次都好成功啦.... +油唷 =)
    [版主回覆10/20/2009 17:15:00]過獎嘞~ 其實係成功咗架嘞! 原來係我煮得唔夠耐所以鞋口.......
     
     

    回覆刪除
  11. 可能我個分量唔好. 所以整出來唔好食
    [版主回覆10/20/2009 18:47:00]又可能每個人口味唔同呢!
     
    如果妳買到semolina,妳都試吓兩溝吖~ 同街買既意粉冇乜分別架!
     
     

    回覆刪除
  12. 其實細靚囡吾識放架...其實係我放架...佢只係識玩 GAME 咋..哈哈....
    [版主回覆10/22/2009 21:10:00]OIC! 係囉~ 我都唸緊 - 點解細靚女識打咁多中文字既呢??
     
     

    回覆刪除
  13. 好靚呀
    [版主回覆10/26/2009 07:16:00]Thanks!
     
     

    回覆刪除
  14. 00面粉係咩?
    [版主回覆10/13/2010 17:34:00]意大利麵粉粗幼度標示分為1, 0 & 00; 當中以1最粗,而00最幼細~ 所以做出來既麵條質感最幼滑!
     
     

    回覆刪除
  15. 請問杜蘭小麥粉系邊買?找過好多地方都沒有?help me ! Thx
    [版主回覆03/18/2013 08:57:49]我住喺英國,間間超市都有得賣~ 不過我唔知香港邊度有,妳可以試吓CitySuper or ThreeSixty

    回覆刪除

Related Posts Plugin for WordPress, Blogger...