鹹魚蝦乾肉餅煲仔飯; 蝦仁炒蛋 & 蒜蓉小棠菜
完完全全fall in love with 煲仔飯~~~~
今次整咗我好鍾意食既鹹魚肉餅飯~
見Asda d免治豬肉啡啡地又多水唔多新鮮既樣 (好恐怖~~~)，唯有買盒半肥瘦來自己剁肉餅......
今次係第一次我自己剁肉餅 -
原來真係好食過用現成免治豬肉好多果喎!!! 唔怪之V媽媽咁鬼忙，但整親肉餅都堅持要自己剁啦!!! 我以後都唔可以懶~
每次去泗和行飲茶，我都一定會點鹹魚肉餅飯! 而老公都會食 - 因為果舊鹹魚得丁屎咁大塊，基本上影響唔到佢......
自己整就緊落重料啦!
老公依然唔掂上面果大塊鹹魚; 不過佢就超鍾意個手剁肉餅~ 佢話好食過泗和行!
老公仲話: I'm not just saying that because you're my beautiful wife, I'm saying that because it's true!
鹹魚我鍾意食梅香既......
喺英國依個整中國菜資源勁缺乏既鬼地方，竟然可以食到咁正既梅香鹹魚......真係感動到想喊~~~~
上次失手加太多水，搞到飯太鬼淋......
仲有2盒買一送二既大蝦喺雪櫃 - 用咗一盒來炒蛋，另一盒入咗硬櫃; 再炒多個小棠菜......今次多咗2個餸，所以今次煲飯食唔哂 - 聽日餐lunch 有著落咯!
鹹魚蝦乾肉餅煲仔飯食譜click here~
蝦仁炒蛋食譜click here~
嘩~嘩~嘩~~~ 個煲仔飯真係 "掂! 掂! 掂!" 雖然仲有个幾鐘先食lunch, 但俾你呢餐飯攪到我 依家 好鬼肚餓 呀! 我都想食呀!
回覆刪除[版主回覆12/15/2009 18:44:00]咁妳lunch 係咪食咗鹹魚肉餅飯?
雖然話咸魚無益,不過,咸魚,銀魚仔,咸魚仔,都係我至愛,我超鍾意....
回覆刪除[版主回覆12/15/2009 18:43:00]係呀~ 係呀~ 我同妳一樣呀!!!!!
之前我唔知依度都有咁正既梅香鹹魚賣 (我係為咗整依個飯先買依樽鹹魚架!)，所以返親香港先有得食 - 叫V媽媽整梅香鹹魚頭比我食~~~~
好好味的煲仔飯~
回覆刪除[版主回覆12/15/2009 18:39:00]多謝來訪 + 多謝讚賞!
e個煲仔飯...好暖立立啦....過幾日我又試下先=)
回覆刪除[版主回覆12/15/2009 18:39:00]係呀~ 依個好惹味好正架!!!
記得要用梅香鹹魚喎~~~
煲仔飯煮得好靚, 你就嚟係整煲仔飯高手
回覆刪除[版主回覆12/15/2009 18:38:00]多謝讚賞!
我上次整得唔係好好，飯太淋.......今次第二次整，我自己都覺得唔錯! 但又不至於係高手......
哈哈 ~ 冇呀 , 我食咗薯粉咋 , 但夾咗小小同事的梅菜肉餅食囉~ hehe
回覆刪除[版主回覆12/15/2009 19:26:00]薯粉係咩來架?
梅菜肉餅正喎~~~~ 唸起我又想食!!! V媽媽早排寄咗d正梅菜比我都未食過.......搵日整梅菜肉餅先!!!!
鹹魚肉餅我又係好鐘意,但我屋企冇鹹魚,問老公有冇食過,佢話冇,我一直都唔敢煮,驚有浸味佢地唔知慣唔慣~~~但我見到你整挑起我條癮添
回覆刪除真係自己剁既肉會好味過玩成架,我下次整都自己剁先
[版主回覆12/15/2009 22:17:00]如果妳老公未食過鹹魚的話，佢就一定要試吓嘞! 佢都未食過，點知鍾唔鍾意??
好似我老公咁，有好多食物佢根本唔係唔鍾意食，只係佢未試過，有人話核突，佢又話核突.......不過我老公都係唔鍾意鹹魚，但佢只係唔會就咁食塊鹹魚，混咗鹹魚肉既肉餅佢就覺得好正!
真係唔親手剁過肉餅都唔知有咁大分別!!!
好好味既煲仔飯,引死人喇~~~~我要快D好番,我又要食呀!!!
回覆刪除[版主回覆12/15/2009 22:13:00]有冇好少少呀? 感冒要休息多d + 飲多d水架! 快d好返整返煲煲仔飯來食啦~~~~
我都淨係鐘意食梅香咸魚 我鐘意梅香入口即溶
回覆刪除妳老公唔食咸魚，妳溝埋入肉餅佢又咁鐘意食，佢食唔到有咸魚味咩???
[版主回覆12/16/2009 01:28:00]其實實肉鹹魚都有好食既~ 不過有得揀就一定揀梅香!!! 而且依個餸係要用梅香先好食既~~~
我依樽喺度買既油浸鹹魚梅香到妳唔信!!! 超正~~~~
其實我唸老公係唔鍾意鹹魚陣味! 就咁塊鹹魚佢唔食，不過佢話肉餅好好味!
俾你幾個煲仔飯攪到心癢癢想買返個生鐵煲整返個食吓添~~ 嗰底飯焦易唔易處理呀?? 係咪要浸吓先洗得甩????
回覆刪除[版主回覆12/16/2009 20:27:00]唔洗架..... 妳買cast iron 煲 e.g. LC or Chasseur 都會有2種 - 磨砂霧面or 琺瑯搪瓷面~
我果個係霧面~ 個人覺得就算黐底，都係霧面會較黐! 不過我今次落米前塗咗少少油喺煲，飯焦好易甩，仲甩得好乾淨呢! 我唸琺瑯搪瓷面用依個方法一樣冇問題~~~~
的飯煮得很好靚喎，蝦仔飯、整到我心思恩，今日再去ハ吓的 LC 先！
回覆刪除[版主回覆12/16/2009 20:22:00]我都覺得今次煮得唔錯! 上次真係一pat pat......
想問下油浸鹹魚係途到有得買啊??? THANKS!!!
回覆刪除[版主回覆12/16/2009 20:20:00]中式超市~
依樽我唔記得喺泗和行定中英行買既.....
妳啲煲仔飯攪到個個blog友都身痕想買cast iron呀
回覆刪除[版主回覆12/16/2009 20:19:00]傳染哂妳地!!!! 等妳地睇死我繼續買cast iron 鑊吖啦!!!!
我咪話想買多隻細煲既? 就係唸住有時一個人食lunch 都可以整煲仔飯食! 唔洗煲一大煲~~~~~
我好畸型，我除咗梅香之外，其它咸魚都唔鐘意食，蒜子肉都可以接受，實肉至唔鐘意
回覆刪除我發覺樽庄咸魚好多時都夠梅架喎，上次我媽咪買過一樽都係又香又梅，不過應該係港產
[版主回覆12/16/2009 20:16:00]咁我最最鍾意既都係梅香! 我只係有得食既話，就算實肉都唔介意啫~~~
係? 我唔知呀! 因為之前我認定依度d鹹魚唔會好食，所以我喺依度都冇買過 + 冇食過~ 係返開香港先叫V媽媽整梅香鹹魚頭比我食!
今次係為咗整依煲飯先買依樽鹹魚，估唔到咁鬼正!!!
引死人喇~~~
回覆刪除[版主回覆12/17/2009 19:02:00]多謝來訪!