video 中所見2隻貓 - 黃貓不知所為何事不停向黑貓"疑似怒吼"......
喺我地人類眼中，就活像一段親密男女關係既女方黃貓捉姦在場後，向有食軟飯嫌疑既男方黑貓不停怒吼~ 而男方只可頭葺葺默默受責.....
Internet 之大臥虎藏龍，真係好佩服加上對白字幕既人!
對白有真實感得來好切合情境，非常搞笑!!! 尋晚睇到我笑到肚痙攣 + 眼淚直流~~~~ 
不過我好想知其實果2隻貓究竟喺度做乜??
為方便所有網友，我特別將對白譯成中文! 紅色大字為黃貓怒吼既部份~width="480" height="390">
話比我知點解要背叛我...點解? 點解????
我weekends 去打工支持你...你就喺我張床度同個賤女人鬼混! 賤種!
黑貓: Sorry..... 黃貓: 我要閹咗你...睇吓到時佢(賤女人)仲要唔要你? 我好後悔當日識到你...我仲捉老鼠比你! 黑貓: 係既....... 黃貓: 我好憎你...好憎你...你知唔知? 我件婚紗已經比咗一半錢...$500! 無Q哂......我本來係處女來! 本來係!!! 你快d同我死開~ 快d走...趁我仲未報警~
你係咪聾架? 定係蠢? 去搵你果個死姣婆~ 走!!!
真係好切合情境~
回覆刪除不過有少少覺得隻黑貓好可憐呀....
[版主回覆12/02/2009 19:58:00]我都覺得隻黑貓好慘~~~ 佢又係無鬼用既，就咁棟喺度比人兇!!
個2隻貓响度爭地盤 , 我相信隻黑貓路過, 隻黄貓發惡要佢走, 隻黑貓裝聾, 瀨死唔走
回覆刪除[版主回覆12/02/2009 20:15:00]爭地盤? 強弱好懸殊喎........咁隻黑貓都幾夠薑~~~
係身形上面好明顯黃貓壯過隻黑貓好多，黑貓走又唔係，打又唔夠打，慘慘慘 ~
回覆刪除[版主回覆12/02/2009 20:17:00]男人做錯事係咁架啦!
其實我都覺得隻黑貓好慘......不過佢又係無鬼用既 - 企喺度比人兇到隻狗(?)咁，一係走一係還拖嘛!!!!!
好攪笑﹗多謝分享﹗
回覆刪除[版主回覆12/02/2009 20:18:00]you're welcome~
好返哂未呀?
haha... 幾搞笑... 隻黑貓好似做錯野咁 ... 聲都唔聲喎.....
回覆刪除[版主回覆12/02/2009 20:19:00]咪似哂果d食軟飯但又要偷食比人拆穿果d死佬囉!
隻黑貓好慘好可憐～～
回覆刪除[版主回覆12/03/2009 19:04:00]雖然我都覺得佢可憐.....不過佢自己又係無鬼用既，企喺度比人兇!!!
D 對白好鬼抵死同攪笑 .
回覆刪除[版主回覆01/01/2010 09:46:00]