鐵煲冬菇滑雞煲仔飯 & 白灼油菜
見到網友整煲仔飯，而家天氣咁鬼凍，最好就係食熱辣辣煲仔飯!
睇到我流哂口水~~~~~
即時買雞 + 浸冬菇!老公麻鬼煩唔鍾意累骨，唯有將雞起骨切塊~~~~
不過網友用瓦煲來整煲仔飯! 我都有瓦煲......但我用無火煮食，用瓦煲好易爆煲! 而且我2個瓦煲都好鬼細個，只係平時懶靚用來裝餸......
所以本來唸住好似平時咁 - 整蒸飯! (冬菇滑雞蒸飯食譜click here~)
Wait a minute.......突破醒起我個Chasseur!!
之前有網友話用Le Creuset 都整到煲仔飯~ 我買咗個同Le Creuset 幾乎一模一樣既Chasseur，不過從來未試過整煲仔飯......今次一於試吓!
真係得喎!不過我忘記咗雞有汁會出水!
今次飯稍為加多咗少少水，飯煮出來太淋!! 頭一碗飯真係好淋 ......不過第二碗可以焗長d時間，所以好好多~
下次整時一定要記得放少d水!!!
我無煲仔飯豉油，又懶唔想自己整.......
所以用微甜既蒸魚豉油代替，一樣好好食!
一大煲22cm 煲仔飯清鬼哂啊~~~~
冬菇滑雞煲仔飯 (生鐵煲版)食譜click here~
正呀，妳嗰邊天氣咁凍真係最好食煲仔飯
回覆刪除[版主回覆12/08/2009 19:33:00]係呀~ 雖然今次飯太多水太淋，不過老公話食起來熱辣辣，好正~~~~
我老公又係好麻煩,食雞最好冇骨...佢地真係唔知有骨雞肉先正
回覆刪除[版主回覆12/08/2009 19:32:00]我老公仲要食難拆骨既雞脾.......佢地都唔識貨! 我留返d雞骨來煲粥~~~
我老公都一樣，單吃去皮雞胸, 我都鍾意食蒸飯, 土魷肉餅是我至愛，因老公唔吃,很多時蒸完一鍋又食唔哂, 留返第ニ日又唔好食，多數蒸餸跟白飯 , 香港有賣李錦記仔飯豉油，寄枝俾你？
回覆刪除[版主回覆12/08/2009 19:31:00]我老公真識食呀 - 鍾意食去骨雞上脾!!! 雞脾去骨難過雞胸去骨嘛.......
唔該哂妳先! 不過我今朝先醒起 - 其實我有枝珠油! 係甜豉油來，用來整煲仔飯應該好正~ 等我過幾日再試過先!
好好味呀~~~我又要一碗丫,唔該!!
回覆刪除[版主回覆12/09/2009 08:40:00]一大煲自便要幾多裝幾多!
我搵日都要係煲仔飯～要加腊腸
回覆刪除[版主回覆12/09/2009 08:38:00]腊腸我反而麻麻地.....都係潤腸啱我多d!
係食煲仔飯重要加埋潤腸
回覆刪除[版主回覆12/09/2009 08:38:00]今次太多雞肉~ 下次先加埋潤腸! 正~~~~
天寒地凍~食碗煲仔飯, 真係暖好多架
回覆刪除[版主回覆12/09/2009 19:48:00]係呀~ 係呀~ 我依度咁鬼凍，一定要整多幾次!
你唔怕肥既, 搵次試下用曬各式腊味 (腊腸, 腊肉, 腊鴨........) 去煮煲仔飯, 重點係 d 飯, 腊味油入曬 d 飯度勁香, 連咬粒飯既口感都唔同左 ga, 完全唔洗落煲仔飯豉油都超級好味!!! 係我食過最好味既煲仔飯!!!
回覆刪除但....我唔夠膽再煮第二次, 真係太唔健康 la!!!
我只係用 16cm 煲來煮, 你地2個人食得曬 22cm 煲, 真係勁勁勁!!!
[版主回覆12/10/2009 20:36:00]我試過整腊味飯呀! 不過果時未買生鐵煲，所以整腊味蒸飯囉~~~ 真係好香好正!!!
http://hk.myblog.yahoo.com/veronicams_tsim/article?mid=9961
22cm 剛剛好夠哂~ 我唸16cm 應該唔夠我地食......
我都好想食呀!
回覆刪除[版主回覆12/11/2009 20:44:00]妳又整吖~ 乜都放哂落個煲度煲熟佢，好快有得食架咋!