花膠猴頭菇紅蘿蔔湯; 客家白切鴨; 粟米魚柳 & 蒜蓉小棠菜
聽晚約咗朋友食晚飯~ 但今日落咗幾場超大雪，如果聽日好似今日咁落法既話，睇怕都要除消咯.....
好耐無煮過三餸一湯嘞!!! 發現屋企花膠存貨量好多，咁啱屋企仲有幾個猴頭菇，就用來煲花膠啦!
客家人會用白切方法來整鴨沾薑絲醋食，包括V嫲嫲 + 我初來英國時住喺親戚屋企，都食過依味餸~ 今次我係跟62既做法來整個薑絲醋 - 加咗檸檬皮香好多架!
依味白切鴨幾乎每次返62屋企食飯時都有得食~ 其實尋日返去食飯時都食過，不過太好食尋日唔係好夠喉! 所以今日再整多碟~~~~
最近喺Asda 見到一隻以前未見過既新野，大大塊好好肉地既新鮮魚柳，但價錢就明顯比cod or haddock cheap 好多既"River Cobbler"~ 今日見Asda 魚檔有好新鮮，買咗2大塊都係£2.80 咋~
River Cobbler 口感嫩滑，不過魚味就稍淡 - 可能因為佢係淡水魚啦! 不過用來整粟米魚柳又唔錯喎! 2鎊幾煮埋一大碟，我只食咗4塊，其他老公一個人清哂~ 佢話依個餸好好送飯喎!
連續幾個星期無去過中國超市，所以又無買菜~ 好彩而家西式超市有小棠菜賣啫，如果唔係食來食去得西蘭花........
花膠猴頭菇紅蘿蔔湯食譜click here~ 客家白切鴨食譜click here~ 粟米魚柳食譜click here~
沒有留言:
發佈留言