尋日(12月8日)我有一個重大發現!!!我係用hotplate 爐頭既 - 無火煮食; 我有好多隻鑊 - 幾乎全部都係輕身易刮花
，鋁或鋼造既28cm 易潔鑊; 我一直認為無火煮食係唔可能會有"鑊氣"既!
一向用開明火煮食既V媽媽過來探我時，都曾經話過: 死囉~ 依d爐點炒野呀?? 煮到d野出哂水，好似"吽"熟d野咁....
後來我買咗個Chasseur cast iron 22cm casserole (生鐵煲)，炆牛腩時用來爆牛腩，我曾經生疑 - 咦...點解依個煲咁強勁"好似"有鑊氣既??
不過始終"無火煮食唔會有鑊氣"依個觀念太根深柢固，所以我從來都無奢望過追求鑊氣......
由我發現依個震驚既事實果一刻開始，我就一直心癢癢坐立不安!
一來覺得自己一直錯怪咗個爐; 二來揼心口之前買咗咁鬼多隻易潔鑊
，仲要成日刮花哂!!!!
尋晚同老公呻咗成晚
......老公可能頂我唔順就話: 得嘞得嘞~ 妳睇啱邊隻就話我知啦! (奸計得逞! 嘻嘻~~~~
)
於是我就開始網上research...... 因為中國式既生鐵鑊係圓底，所以唸都唔洗唸!
而我亦發現喺英國可供選擇既平底生鐵鑊不多 - 最易買到既只有Le Creuset, Chasseur + Bodum!
不過Bodum 果隻雖然又平又靚仔，仲包埋個玻璃鑊蓋...但佢有層易潔塗層! 所以第一個回合就比我篩走咗......剩底Le Creuset + Chasseur~
睇唔啱就由自可，一睇啱就仲鬼心急!!!
不過網上order 又要等送貨 .......係時候洗出我既殺手鐧嘞~~~~
老公放工時打電話比我......
我: Honhon~~~~~~~~~~~~~~~ Honhon~~~~~~~~~~~~~~ (懶嗲咁
)老公: Honhon~ 咩事呀? (好似氹"靚"仔咁
)我: Honhon......erm....erm.......(欲言又止 + 懶係楚楚可憐咁
)老公: Let me guess.....妳係咪想要隻新鑊呢?
我: 係~~~~ but........(再來欲言又止 + 懶含羞答答
)老公: 仲有妳想一陣去TK Maxx 係咪?
我: YES! YES!! YES!!!
老公: 點解我咁醒會知道妳唸乜既?
我: 係囉~ It's like you can read my mind!!!!!
老公: Yes I can!
就係咁老公返來後我地就去咗TK Maxx~ 不過其實我都係唸住碰吓運氣架咋，因為TK Maxx 係賣散貨既，所以唔一定會有我想要既野!不過事實証明我既嗲老公殺手鐧用得合時!
依個其實係另一個我好啱心水，但網上價都太貴既款 - Le Creuset + Chasseur 網上價同樣係£90! 咁貴我唔捨得啊~~~~~~~~~~~~~
TK Maxx 只售£50! 雖然比我之前睇啱既28cm frying pan 貴少少，但真係好啱心水啊~~~
仲有雖然依個墨綠色襯唔返我個22cm 黑色煲......不過平咁多而且只得返2隻 - 另一隻係芥辣黃.......墨綠點都好過芥辣黃!!!
有老公喺度，話咁快就到......手! 哇哈哈~~~~
今日我喺依篇blog 度鄭重宣佈......請在看各位見證 - 我以後都唔會再買鑊!
開心既事仲未完喎......
- 買一送一.....我以為!
即時跑返去攞多盒! 
沒有留言:
發佈留言