V記千島海鮮薄餅
除咗豬扒 + 漢堡包，老公第二最鍾意既食物非pizza 莫屬!
自從學識咗整pizza 之後，一直好恨試整海鮮pizza!!! 無乜特別原因 - 只係喺Internet 睇到海鮮pizza 既相覺得好正;
亦唔係想回味海鮮pizza 既味道 - 因為我都無食過海鮮pizza......
之前2次整pizza 時已好想試吓海鮮口味! 無奈老公反對再反對!!!
佢話海鮮 + pizza 依個組合好怪...(怪得過你有依種唸法!?!?
)海鮮pizza 實在太吸引嘞~~~~
不過就算再問老公，佢都一定會覺得怪 + 再反對! 於是我決定先斬後奏......
前晚喺Morrisons 買牛扒，我見fishmonger 有大大隻好鬼靚既king scallops...
吼老公去咗洗手間，我拿拿淋叫人包起最大果6隻!
等緊包裝既時候，老公突然喺我身後出現......
老公: 妳買scallops 來做乜?
我: 整pizza 囉!! (有少少心虛......) 老公: ......咩pizza? 
我: Seafood pizza 囉! 你未食過就無資格話唔好食!!!!! 總之我聽晚就整seafood pizza，你唔食既話就淥麵食啦!!! (一輪理直氣壯地! 完全唔比機會老公反駁!!!
)
老公: ..............
最終尋晚結果係......
pizza 仍然焗緊時又不停問: Honhon~幾時食得呀? 仲有幾耐呀??
食緊pizza 時一路食一路講: Honhon~ 好正好好味呀! 妳真係好叻呀!!
每人2大塊食鬼哂一大個pizza! 最恐怖係 - 我第一塊都未食完，老公已經食哂佢果兩塊!!!
(又話怪? 又食得咁快??
)Honhon~ 今次我仲唔剝哂你棚牙? 哇哈哈~~~
V記千島海鮮薄餅食譜click here~
睇到你同你老公D對話真係好搞笑呀~
回覆刪除唔想話你叻叻都唔得~自己未食過都可以整到出嚟~~遲D你可以開間私房菜呀~哈哈~~
你係咪年頭返HK 呀?如果同蓄薯媽去整蛋糕個時, 可唔可以預埋我呀?
[版主回覆12/12/2009 03:48:00]唔知係咪架? 暫定架咋~ 要睇老公頭請唔請到假.......不過如果係既話，預埋妳當然冇問題啦!
(其實就算我唔返香港，妳都可以約佢架! )
似乎妳老公棚牙都未剝晒喎，唔係既話點會食pizza食得咁快呀
回覆刪除食過今次之後，佢應該好快叫妳整第2次、第3次、第……
[版主回覆12/12/2009 03:45:00]哇哇哇衰鬼~~~ 我啱啱pat pat 坐落來咋!!! 真係較鬧鐘都無咁啱時間!
我一定會再整依個! 不過我一定要放帶子~ 但新鮮帶子要撞啱先有得賣.......
可能你老公未試過, 所以覺怪. 香港好多海鮮PIZZA. 用新鮮海鮮仲正到不得了. 你成功啦. 一睇就知正啦. 以後你老公愛上海鮮PIZZA
回覆刪除[版主回覆12/13/2009 01:39:00]係呀~ 英國真係冇海鮮pizza 架! 不過我自己都冇食過呀，我睇到張相覺得應該好味之嘛~~~
都話你+我既老公唔識貨架啦....我老公都係同我一齊之後先知道魚頭湯咁鬼好飲!
回覆刪除我都鐘意食海解pizza,但我食pizza一定要有菠蘿,事關我係人稱"菠蘿怪"
[版主回覆12/13/2009 01:38:00]台灣人唔興飲魚頭湯既咩? 鬼咩~ 英國都冇海鮮pizza 食既，連意大利餐館都冇.......所以我老公咪覺得怪囉!!!
除咗木瓜、蘋果 + 雪梨用來煲湯之外，其他水果我 + 老公都唔鍾意熱食~~~~
海鮮PIZZA好正架，妳老公食過之後一定會成日叫妳整
回覆刪除[版主回覆12/13/2009 01:33:00]老公頭先問我 - Honhon~ 妳幾時再整burger 比我食呀?
個PIZZA 好正...不過你把PINK PINK 刀呢.... 想引死人咩...黎個CLOSE UP 睇下好嗎???
回覆刪除[版主回覆12/13/2009 01:32:00]咪依套囉: http://hk.myblog.yahoo.com/veronicams_tsim/article?mid=19792
妳見過啦，妳都有留言架~ 套刀我見過一次咋! 如果下次再見到買套比妳吖!
海鮮 + 千島醬既pizza絕對係無敵組合
回覆刪除下次會整D咩拿手好菜剝晒你老公棚牙啊
[版主回覆12/14/2009 05:20:00]我老公一向好少會反對我整咩食物......因為我整乜佢都話好食 + 次次幫我清哂既......除咗菜之外!!!
你真係好叻叻呢, 我都有試過整pizza架, 不過就唔係海鮮囉, 其實我覺得海鮮+pizza同千島醬係好夾架, 因香港pizza hut都有呢個pizza啦......really good ^_^ 真係要多多向你學習下。
回覆刪除我有成日睇你個blog架, 不過我自己好懶呢, 成日都唔update...hehe~
[版主回覆12/14/2009 05:18:00]多謝讚賞! 我未食過海鮮pizza~ 因為依度冇海鮮pizza賣; 返香港時我又唔會食pizza hut....唯有自己整啦!
其實我整到既食物都好容易! 個個都會整到架~ 所以妳都試吓啦!
我都有想過用海鮮焗 Pizza, 但怕海鮮會出水、 e. g. scallops...
回覆刪除[版主回覆12/14/2009 18:25:00]易出水既海鮮先拖拖水，就唔會焗到一灘水架嘞!
佢話海鮮 + pizza 依個組合好怪 ...( 怪得過你有依種唸法 !?!?)
回覆刪除呢句好好笑~~~
我去到 pizza hut 都係食千島海鲜 pizza 架 , 最好味 ! 你好掂呀 ! 整得好靚呀 ! Yummy~
[版主回覆12/14/2009 18:23:00]咁係吖嘛! 有幾咁怪啫?? 意粉都有海鮮意粉啦! 咪又係麵粉 + 海鮮既組合，又唔見佢話怪??
我未食過pizza hut 既千島海鮮pizza~ 我都好想試吓 - 睇吓自己整得似唔似! 不過返到香港我又唔會食pizza hut.......
你係得既!!!
回覆刪除[版主回覆12/15/2009 22:41:00]多謝!
好好味呀~~~我好鍾意食SEAFOOD PIZZA架,用千島醬更加一流!!
回覆刪除[版主回覆12/15/2009 22:41:00]我之前未食過海鮮pizza，不過今次整完我都好鍾意!