無錯 - 我唔係開鑊...係開煲! 而且仲係開一隻已經用過既煲!!!
早幾日見一位網友開一隻已用咗十幾年既生鐵鑊，令我唸起依隻從未被開，但又無琺瑯搪瓷塗層既生鐵煲~~~~
西方人既產品，點會有開鑊依家野架? 佢入宮之後我係咁二用洗潔精加熱水洗洗佢......之後就一直當佢普通煲咁用~
經過歲月既洗禮 (其實1年都未夠...)，當日油潤 + 充滿光澤既內裡已經變得異常乾旱! 我仲以為只係因為佢年華老去，係正常現象......
不過今日同V媽媽傾電話時講到生鐵鑊既問題.......
V媽媽: 生鐵鑊唔可以用洗潔精洗果喎!
我: 吓??????????????????????????????????? V媽媽: 係架~ 妳嗲哋次次用洗潔精洗鑊都比我話鬼佢!
我: 咁每次用完後應該點呀? V媽媽: 用完咪就咁用熱水 + 布整乾淨佢，跟住抹返乾囉! 咁得架嘞，咁隻鑊就有油水 + 越用越靚~
我: 唔怪得之我個煲會乾鬼哂啦!! 咁我而家先來開個煲仲趕唔趕得切?? V媽媽: 應該得既~ 妳果度有無韭菜賣?
我: 有~ 咁啱仲有棵喺雪櫃添! V媽媽: 咁妳有無肥豬肉? 
我: 無呀......(我點會無啦啦有舊肥豬肉呀
...韭菜都係咁啱有之嘛~ ) V媽媽: 咁唔洗嘞~ 用煮餸果d油啦! 於是V媽媽教咗我以下開生鐵鑊 / 生鐵煲既方法:
1. 加油進鑊 / 煲，開火燒熱。
2. 加一札仔韭菜進鑊 / 煲炒。
3. 韭菜渣當綿花咁將油捽勻鑊 / 煲內裡。
4. 炒至韭菜全淋 + 捽勻鑊 / 煲內後，熄火讓鑊 / 煲自然攤涼。
5. 待涼後用熱水沖去油份 (不要用洗潔精!!!)，抹乾就搞掂~~~~
炒韭菜時好鬼香呢~~~~~~~
真係神奇!!!其實......
V媽媽~ 我返香港時幫妳洗碗......洗隻生鐵鑊時都有用洗潔精架!
我呀婆都有話唔好用洗潔精洗wok , 我試過用用熱水 + 布整乾淨佢，跟住抹返乾, 但重係覺得有陣餸味, 因為我唔係日日炒餸，個 wok 收埋幾日再攞出來用, 就有的油益味, 你知我 la , 有超級潔癖 ma , 唔低得，又洗佢, 佢又乾哂, 跟住再無用生铁 wok 而用non- stick pan. 我個妹成日話, 個的易潔wok 冇鑊氣, 点煮餸，佢鍾意炒菜炒到大排檔咁, 的火幾尺高, 下次話俾我知V 媽媽教你方法得唔得？
回覆刪除[版主回覆12/11/2009 19:13:00]個鑊長期乾既話，好易會生锈架!
佢教得我既方法就一定係得既! 香港V媽媽用緊果隻生鐵鑊好得呀!
V 媽媽呢個方法真係wORK 嫁....
回覆刪除[版主回覆12/11/2009 19:10:00]係呀~ 係呀~ 但係我要記住唔可以再用洗潔精洗個煲!
我地d(靚)妹真係唔識,成日以為鑊/煲因為耐左先咁,仲成日懶乾淨咁用洗潔精一日洗幾勻...我都攞d鑊/煲開開先...用豬油work唔work?
回覆刪除[版主回覆12/11/2009 19:01:00]淨係生鐵做既鑊 / 煲先要開架!
哎!!!! 比妳一言驚醒呢.......我雪櫃其實有舊豬油用來整包架!!! 當然可以用豬油啦~~~
very good - I will copy this method. Thank you.
回覆刪除[版主回覆12/11/2009 18:59:00]you're welcome~~~~
點解要用"九"菜開鑊既??不過開完鑊之後,真係成個靚仔曬喎!!
回覆刪除[版主回覆12/11/2009 22:23:00]我都問過V媽媽點解要用韭菜....不過佢都話唔知! 佢話傳統係咁做喎~ 不過佢話如果唔想浪費既話，用菜頭菜尾來開鑊都得!
開完煲之後真係成個唔同哂! 未開之前有少少啡啡地好似生锈咁，又乾又無光澤.....最衰唔記得影張相來做對比!!!
比v媽媽講一講，都記得細個我婆婆屋企嗰隻生鐵鑊都係長期油立立咁，我嗰時成日以為係因為洗得唔乾淨添，明明見我媽咪洗完，唔明點解模上去都好似係有啲油咁，原來係唔用得洗潔精洗鑊
回覆刪除[版主回覆12/12/2009 03:59:00]我個煲開完後今朝仲係好油潤~ 但摸落去完全冇油喎! 裡面變咗8、9成新一樣!!!
要記住以後唔好用洗潔精至得~~~~
原來要咁樣開鑊架!!!! 我99教我煲水開鑊...... 所以呢, 我之前果隻生鐵鑊就咁香左! 比佢扇左我一野添!
回覆刪除[版主回覆12/13/2009 02:12:00]妳比佢跣咗鑊金嘞! 我都未聽過有人用水開鑊.......
係喎... 我聽D SALES 講... 用暖水洗就得咖啦... 真係太肥膩就用D中性洗潔精洗一次......
回覆刪除[版主回覆12/13/2009 02:11:00]聽完V媽媽講我先明白點解之前個煲咁乾旱~ 好彩仲救得切個煲咋!!
嘻.....你講緊個位網友開一隻用左十幾年既鑊係唔係我呢
回覆刪除我都係以前無人教，原來生鐵鑊係唔可以用洗潔精洗，睇完V媽媽教路後，我以後要跟住呢個方法保護隻鑊，因為我要用佢一生一世
[版主回覆12/14/2009 05:25:00]除咗妳之外.....仲有邊個會用咗隻鑊十幾年先去開鑊架?
我聽朝又要開再開 - 今次係鑊嘞!
V女你好
回覆刪除睇咗你上一篇的回應
今日專登出咗去太子大廈睇睇
見你呢隻款的黑色18cm煲都係6百有找呀
本來好想買架
但個售貨話唔用得金屬工具，會整花，
咁又令我猶豫喇！
會整花，咁咪即係有塗層？
我好怕有塗層的煲具，我一直唔買Le Creuset ，都係對琺瑯質有保留
而家睇呢隻黑色的，唔知係咩塗層？
你會用金屬工具來煮食嗎？
見你話要開鑊，仲以為一定無塗層添！
唔知我睇嘅，係咪就係你呢款？
還是香港沒有你這個型號？
[版主回覆12/24/2009 10:29:00]根據Le Creuset blog 所講，裡面黑色好似磨砂咁既質地既，其實都係有琺瑯塗層，只係造成"霧面琺瑯塗層"~ 不過琺瑯塗層係 唔會 好似易潔塗層咁 - 甩咗繼續用會產生毒素! 我見有人話Le Creuset 普通琺瑯塗層(滑面)甩咗，Le Creuset blog 主話仍然可以安全地繼續用~
我用咗個黑煲咁耐，之前未開煲時試過乾到有少少生锈 - 因為我果時用洗潔精洗佢.......不過冇見過個煲甩野! 開咗煲後每次洗完都好似新既一樣~ 因為以前用開易潔鑊，所以我一直都係用竹鑊剷! 我唔用金屬剷架!!!
香港有咩型號我唔知呀......而且就咁聽妳講，我都唔敢肯定妳睇果個係咪同我果個一樣型號......(我果個係22cm 來~)
多謝你咁詳細答覆呀！
回覆刪除原來都有琺瑯質，咁我唸唔啱我喇
因為老公始終都唔讚成買呢類煲！
我上網搵到一啲無琺瑯質的鑄鐵煲呀
外國的有Lodge，不過香港應該無代理
還有一些祖國的OEM，百零蚊有交易，我打算試試呢！
anyway，多謝你分享，就係睇咗你的試用報告，先令我「的」起心肝去搵鑄鐵鍋的資料呀！
[版主回覆12/26/2009 08:48:00]唔洗客氣~ 其實琺瑯層主要都係用來保護個廚具，防止生锈 + 防酸鹼~ 據我所知酸性同某d金屬製品會產生化學作用! 琺瑯層同一般易潔層完全唔同，其實反而有利無害~
以我所知Lodge 應該只得美國有得賣! 因為我喺英國都無聽過 + 見過~ 我都係上次幫美國扑友搵cast iron cookware 先知有依個牌子......至於祖國既就唔知嘞! 但個人總覺得琺瑯層會好過祖國出品~ 成千銀一個煲，緊有佢既理由~
我想問呢隻生鐵煲係咪好似易潔咁手,又唔痴底呢? thanks
回覆刪除[版主回覆01/05/2011 11:32:00]cast iron cookware 有2種 - 一種裡面有層平滑白色搪瓷層，依種都會黐底，不過好易潔; 另一種係黑色啞面無搪瓷層，要開煲 + 最初會黐底，但保養得宜就會越用越唔黐~
多謝你答左我咁多問題, 我仲想問吓你呢隻黑色煲買左幾錢呢?
回覆刪除原來以前我在香港用開的berndes 都係頪以呢啲cast iron. http://www.amazon.com/Berndes-674103-Tradition-10-Piece-Set/dp/B00008DGOQ/ref=sr_1_1?s=kitchen&ie=UTF8&qid=1294216584&sr=1-1
[版主回覆01/05/2011 22:37:00]依隻煲我買咗好耐，唔記得幾錢!
我唸妳其實唔係好清楚cast iron 係點! 妳條link 依套 唔係 cast iron 來，係cast aluminum! 無聽過berndes 有cast iron cookware~ 如果依套野係cast iron，無可能成套300幾蚊美金! 1隻300幾就差唔多!
V女~ 我找到這個但竟然原價4百幾蚊set咋喎 http://www.amazon.com/Creuset-Essential-Enameled-Cast-Iron-Caribbean/dp/B000PT0TQG/ref=sr_1_93?s=kitchen&ie=UTF8&qid=1294272789&sr=1-93 , 個大煲仲要$40 http://www.amazon.com/Creuset-Enamel-6-Quart-Stockpot-Caribbean/dp/B000Q5VXB4/ref=pd_bxgy_k_img_b 因為我不太熟, 所以想向你賜教一吓, 你可否幫我看一看是否你那一隻lc thanks
回覆刪除[版主回覆01/06/2011 11:09:00]我之前都講過美加物價平，喺香港2千幾蚊買一隻LC煲就差唔多!
妳搵到依套300幾美金既LC，係因為(1) LC 喺歐美賣得比香港平; (2) amazon - 歐美網上購物一般比直接去店買既平，換句話說歐美上網買LC一般會平上加平 ; (3) 依套只得3隻只係starter set 來! 英國一樣有一set 3隻只賣百零鎊既LC，但打散買就一定唔會咁平，而且唔同大小唔同價錢; (4) 依隻色係比其他顏色平! (我唔知加拿大係唔係，不過喺英國依隻色係平d既!)
另外果隻大煲雖然係LC，不過並 唔係 cast iron，只係steel 來，咁緊係平啦!
似乎妳真係好似唔知cast iron 係點......我suggest 妳直接去店先睇睇實物，畢竟網上睇相同實物會有出入，又睇唔到大細，齋睇價錢無意義!
若妳要網上買，咁妳最好先學會睇清楚Product features! e.g. LC 最出名既product 係cast iron，但佢地亦有另出不锈鋼、搪瓷包鋼、陶瓷、矽膠etc 既廚具，product features 會話妳知係咩物料 + 大小尺寸~
另外提一提妳 - 妳條amazon link 300幾美金依套野話一set 5件，完全係取巧! 妳只要細心睇清楚product features 就會發現佢地連煲蓋都當係一件! 所以佢標題話就話有5件，但實際上只得3件廚具，唔小心睇清楚product features 咪賴野囉!! 網上店都要小心選擇 - 好似依d以平價錢 + 取巧技倆來吸引客人，我個人唔會幫襯!
唔同人唔同需要喎! 我唔知妳隻煲想點用，妳又唔係好知cast iron 係點，所以最好妳自己去睇睇實物，睇吓邊隻啱妳先決定啦! 妳買煲之前應該先要知道自己打算點用嘛~ 依點我比唔到意見妳架!!
多謝晒你的意見~ 我明白了, 我諗住用來炆野, 同埋煲湯, 仲有煎野 ,我而家有隻30cm lagostina 的易潔鑊, 所以想買呢個囉~
回覆刪除[版主回覆01/06/2011 14:21:00]炆野 + 煲湯都可以用同一個煲，但無理由用個煲來煎野吓哇!!?!?
好彩你提一提, 原來係美國網, 原來去番加拿大個網要成cnd450一個煲架~
回覆刪除[版主回覆01/06/2011 14:20:00]之前已經講過幾錢係要睇個煲大細! 而且妳之前條美國link 果套一set 3件係starter kit，係特別平既~ 450加紙一個LC並唔貴!
你誤會了, 煎野我 會買多個frying pan 的
回覆刪除[版主回覆01/06/2011 17:09:00]我諗住用來炆野, 同埋煲湯, 仲有煎野 ,我而家有隻30cm lagostina 的易潔鑊, 所以想買呢個囉~ <//// 我誤會因為妳寫得唔係好清楚!
據美國甚麼局的標準，搪瓷煮食用具要小心，超過100ｃ高溫會釋出鉛毒，查清楚才再用！
回覆刪除[版主回覆01/24/2011 19:24:00]咁不如你先查清楚係"美國甚麼局的標準"先啦?
而且你究竟係講緊搪瓷廚具，定係生鐵搪瓷層廚具呢? 兩樣野來果喎!
再者for your information - 上面依個煲係 無 搪瓷層既!