香港人的驕傲 (2012年8月3日)

尋日我一睇到Yahoo HK 即時新聞update，
得悉李慧詩喺倫奧得到Women's Keirin 銅牌，雖然我一場奧運賽事都無睇，
不過我心情同好多香港人一樣好興奮!
拿拿林第一時間轉台，剛好趕得切睇頒獎~

當年我師姐李麗珊喺亞特蘭大奥運會得到金牌時，
(抽吓水先...我 + 李麗珊讀同一間小學!  
我係佢小小小師妹啊!! 嘻嘻~~~)
曾經講過一句說話: 香港運動員唔係垃圾!

事緣李麗珊得奧運金牌前有次參加歐洲滑浪風帆錦標賽，
後來該賽名額已滿，
一班條氣唔順既歐洲運動員就指香港運動員係垃圾，
點解仲要來爭參賽資格......

結果係點大家都好清楚，李麗珊證明咗比果班曾經睇小香港運動員既人，
甚至證明比全世界人知道 - 香港運動員唔係垃圾!
以實力去prove 做得到，永遠係最好既方法~
今日真係好多謝李慧詩再一次印證依句說話.......
"香港運動員唔係垃圾"!
身為香港人都為李慧詩感到好驕傲!

今朝網上睇返香港電視台既片段......比賽後佢興奮地同教練相擁，非常感人;
及後接受電視台訪問，李慧詩直言: 我其實唸住攞第一架......如果輸咗我會喊......
坦白率真充滿自信，佢真係好可愛呢!


我自己喺香港土生土長;
十幾歲來英留學，之後後一直喺英國定居;
香港 + 英國同時都係我既家~
回歸後洋人並唔會理你渣BNO或特區護照或中國護照，
只要你有一副東方面孔，對佢地來講一律係"Chinese"......

睇住依3枝關係千絲萬縷，又同自己息息相關既旗緩緩升起，
百感交雜.......


---------------------------------------

尋日去超市買餸眼尾立到金果咋奧運限量版鋁樽裝可樂......
好似有d唔同咗既?

明明我之前買果枝係游水來果喎......

睇清楚先發現依隻限量版係有3款: 游水、體操 + 跨欄!!

橫掂都係......就買哂一套啦!
(後來喺eBay 見到有人一套開價£18 喎!! )

今日又食咗餐麥麥，換咗隻唔係好靚既綠色! 2 to go~~~