二人世界熱辣辣 (附食譜)

今個夏天真係好鬼熱~~~~~~~~~~
晚晚一滴風都無，齋坐都不停標汗!

冰格keep住有2盒甜筒，
因為熱到平時唔多好雪糕既我都要食埋一份先降到溫!

已經熱到食都唔想食，對住熱騰騰既爐煮飯就仲加辛苦!
有時真係一路煮，d汗一路沿住條頸流落來......

所以依排總會有杯港式凍檸茶伴住我煮飯!
如果唔係會熱到連我自己都煮熟埋!!

V記港式凍檸茶做法click here~



不過飯始終要食，但暫時二餸一湯好嘞.......

8月8日: 花旗參無花果煲瘦肉; 檸蜜豬扒; 節瓜炒蝦乾 & 自製爆油鹹蛋

其實真係熱到唔想煲湯，不過又好想飲老火湯喎......
咁就煲個清潤既花旗參湯啦!

老公又話要食豬扒! 天氣咁熱仲啖啖肉.......
不過好在檸檬蜜糖酸酸甜甜都好開胃~

花旗參無花果煲瘦肉食譜click here~

檸蜜豬扒食譜click here~自製鹹蛋做法click here~

8月9日: 花旗參無花果煲瘦肉; 檸蜜烤雞腿 & 露筍草菇炒魚柳

又係檸蜜...不過今次換咗來烤雞腿!
一路焗緊一路聞到勁香噴噴~~~~~
上星期洗雪櫃喺其中一格冰格搵到包就快過期急凍魚柳，
熱屎辣辣緊係唔想開油鑊整炸魚啦......

有露筍又有罐頭草菇......就炒魚柳啦!
老公勁鍾意依味!
因為啖啖魚肉完全無骨嘛!! 哈哈~~~~

So far 每次開親罐頭草菇，100%緊有大大條草附送!

檸蜜烤雞腿食譜click here~

露筍草菇炒魚柳食譜click here~

8月13日: 瑞典肉丸花邊闊麵 & 蒜蓉炒椰菜

尋日去咗躝街~ 身水身汗返到屋企，
好彩屋企有餸唔洗再出街買~

好味飽肚，仲要超級快手話咁快就有得食!

今次試吓依隻花邊闊麵，
味道其實同其他所有pasta 一樣! 只係個樣比較靚~

瑞典肉丸花邊闊麵食譜click here~