蘇格蘭的金光閃閃倫敦奧運

今屆倫敦奧運已於星期日(8月12日)圓滿結束，
東道主英國共奪29金，位列第三名~

之前Royal Mail 公佈GB 隊每贏一面金牌，
就會將該名奪金運動員既hometown 一個郵筒油成金色，
以示紀念及表揚!
英國郵筒一向都非常有特色，
我認為真係一個好有創意 + 心思既idea!!

 GB 29金當中，有7金係由生於蘇格蘭既運動員奪得，
順理成章蘇格蘭境內有7個金郵筒~

蘇格蘭既7金，有2金都係由來自愛丁堡既Sir Chris Hoy 所奪得!


所以愛丁堡有2個金郵筒......

(1) Hanover Street - 男子單車團體爭先賽金牌;

(2) Hunter Square - 男子競輪賽金牌~
英國其他金郵筒位置詳情: http://www.goldpostboxes.com



Glasgow George Square 有個巨型奧運標誌 (網誌);

愛丁堡Royal Mile 山坡上亦有個彩色版!

不過依個只可遠觀不可褻玩......




雖然依7金運動員無一位來自Glasgow，但Glasgow 貴為蘇格蘭最大城市總要有點表示!

Clyde 1 Radio 特別將Glasgow 最具代表性既landmark - 位於Glasgow Gallery of Modern Art 外面既Duke of Wellington 銅像......

頭上既交通雪糕筒油成金色!


銅像本身頭上緊係無雪糕筒架啦! 雪糕筒係由來頭既......
In fact 我來咗Glasgow 咁多年，
只見過依個銅像2次頭上無雪糕筒!

其餘時間銅像一直都係咁既樣!

甚至咁既樣都試過!!

原本依個只係d死仔既頑皮惡作劇，
但無論清道夫將雪糕筒攞返落來幾多次都好......
第二日都一定會有人將雪糕筒放返上去銅像頭上!

久而久之雪糕筒成為咗銅像既一部份，
連Glasgow Council 都不成文地鼓勵將雪糕筒留喺銅像頭上，雪糕筒象徵住Glasgow 人既幽默感，
從此成為咗Glasgow 出名既landmark!

話時話...個金雪糕筒真係好襯Duke of Wellington!
無論邊個角度睇都好高貴兼型仔~

Well done Clyde 1!



對運動完全無興趣，且一場奧運賽事我都無睇過!
不過一個倫敦奧運之後......

柴娃娃效應下我多咗一大咋限量版!

4枝將唔會開既鋁樽裝限量版可口可樂;

食麥麥食到口都wer哂，
終於喺倫奧閉幕果日儲齊哂成套可樂杯!
(不過2012內我都唔再食麥麥咯........)

最鍾意黑白依2隻~ ♥

雖然我一場倫敦奧運賽事都無睇過，
不過星期日既閉幕典禮我睇足全場喎!
(因為唔舒服全日留喺屋企.......)
大家有無睇閉幕呢?
好老實......個閉幕典禮都幾悶!
同上屆京奧閉幕就一定無得比架嘞，
但總算都有可取既地方.......

開頭唱歌跳舞搞咗好耐真係悶到抽筋.......
直至George Michael 出場開始有d睇頭!
唱live 依然強，果然寶刀未老!!

Fashion 依part 好有驚喜啊!
一班supermodel 著住金色色系既名師設計行catwalk~

我最鍾意Kate Moss 所著既Alexander McQueen! ♥

What an amazing dress!!

好唔鍾意係Lily Donaldson 著既Vivienne Westwood!
迪士尼咩........

最唔鍾意係Georgia May Jagger 著既Victoria Beckham!
款式唔夠隆重，同其他model 著既款式格格不入~

另外係當名咀Russell Brand 出場時，
連同好耐無見既英國小提琴女子組合Bond 一齊表演!
(Classical x Pop)
不過好可惜各大報章 + 網站報導時完全無提過Bond，
似乎無咩人知佢地係乜水......

閉幕典禮尾聲見到Take That 出現真係好驚喜!
因為Gary Barlow 女兒上星期不幸胎死腹中，
好多傳言話佢唔會再出席閉幕典禮，
見到佢出來表演，仲非常專業，由衷地respect 佢~