我們的非屎卜 (特長!)

唔知大家既FB friend list 裡面有無以下依類人?
平時日日喺FB New Feeds 撞口撞面，
但基本上你同佢係零交流，
大家唔會互like post 又唔會留言吹水，
不過對方會突然失驚無神出現喺你page，
仲會一次過like 勻哂你最近幾日所有既post!
通常依類人一出現，
我就可以肯定會係以下兩種情況其中一種......


(1)  過幾日就係對方既生日(或對方有喜慶事)

對方可能覺得平時同你無交流，
佢生日恐防你都唔會留言同佢講生日快樂，
所以"臨急抱佛腳"like 勻哂你最近既post，
或突然變到好有興緻同你吹水，
以一連串"實際行動"去突顯你 + 佢之間係"朋友關係"，
目的係提醒你過幾日記得去佢page 留個生日祝福!

不過待佢既生日過後，佢就會立即消失於你FB page，
直至下一年佢生日前又會突然再次出現，循環不息......

其實我覺得幾好笑!
不過我又無咩所謂，畢竟生日係一件好事，
而且生日既人係應該開心既~
生日大哂，所以我唔介意留言同對方講一聲生日快樂!

至於其他既喜慶事，我會視乎係咩事，
睇吓件事既私人程度先決定留言與否，畢竟祝福人地係應該出自自己真心先有意思~
若私人喜慶事而我根本同對方唔熟，要我好興奮雀躍咁去戥對方高興 + 祝福對方，
情感上我真係做唔到囉!
就好似我對明星宣佈結婚完全無感覺一樣，
與其好假咁去祝福人家，不如乾脆不祝!!


(2) 對方有事想你幫手

另一種突然出現你page 又like 又留言既人，
隨即你好快就會收到對方既pm，
pm 內容單刀直入要求你幫佢乜乜物物，
我對依種人真係非常反感!

因為我本身好抗拒"有事鍾無艷"既人，
平時click 個like 都懶得，但有事相求時，
就唔介意長篇大論打大段野同我講解佢既要求!
有人或者會覺得舉手之勞幫吓人何樂而不為?
但若果我話你知，我同對方完全未見過面，
對方就開口問我幫佢買名牌手袋 (仲要幫佢寄埋!)，
又或者想我提供非常個人既資料做佢擔保人(雖然唔係借錢)，
咁你又覺得點呢?

依類人有一點令我覺得更加反感......
平時佢地完全唔like post，
但佢地突然出現留言既內容，會極盡誇大其詞地去讚!
一張好普通既相片分享，會比佢地讚到好神奇......可能佢地認為咁樣會提高我答應佢地要求既機會?
不過真係唔好意思!
我應承唔應承; 或我幫唔幫到，
要視乎favour 性質 / 自己能力範圍 / 我同對方關係如何，
無可能個個三唔識七走來美言我幾句，
我就要為對方赴湯蹈火!
否則我會好唔得閒 + 會覺得自己好戇居!!

通常我應付依種人都係當睇唔到，
對方通常都會醒扒咩事~
但有時對方會再盡最後努力like 多兩like，
企圖扭轉局勢，當然我會繼續ignore!
不過同時間我控制唔到自己覺得佢地好老土!!
無論朋友好網友好，
我都希望大家既相處中唔連帶任何特別目的~

除咗以上果類人之外，
我最想講既其實係我 + Mr.T 既FB最近發現以下依幾類人........

- FB page 空頁人
FB page 完全無update 過，
無post 無activity 無likes 無朋友留言......相簿裡面相都唔多張，就算有都只係得幾張無關重要既相，對方開咗個FB AC，似乎除咗不停add friends 之外，
根本完全無用過，點睇都唔似係一個真AC!

我從來好少主動去add 其他人，
所以偶一為之accept 咗幾個空頁人唔出奇，
不過問題來嘞......
有一個我N年前accept 既空頁人，
最近連環向我幾位交流得最多既朋友發出 friend request，
當中包括我老公!
朋友向我查問對方係咩人時，
我先醒起對方存在喺我fd list!
我先至留意到依個人既FB page 係全空既!!
佢既行為實在太古怪，
於是我 + 老公 + 依幾位朋友一齊block 咗依個空頁人!
為此我特別將自己fd list 由頭檢查一次，
將裡面發現其他空頁人一拼block哂，一了百了!!
- 自私mutual friends

最近連續有幾個人add 我FB，
我收到佢地既friend request email 時，
睇到我同佢地之間至少有一個mutual friend......

我未accept 對方時，睇唔到對方page 既內容都好正常;
不過當我accept 咗對方之後，
見到對方既page仍然係空既，
甚至連我同佢之間係邊個mutual friend 都睇唔到，
我就覺得: 妳add 我來托呀?

佢地既page 未必係空頁，
好有可能對方只係set 咗特別唔比我睇!不過想睇我既野，但又唔比我睇返佢d野，
遇到依種自私既神秘人，
就算我accept 咗都會即時remove，仲會順手block 埋佢!!
我唔知道空頁人 + 自私神秘人既動機係咩?
不過如果佢地以為add 咗我FB會睇到我d"私人秘聞"既話，
咁佢地真係大可以慳返click add friend 依個動作! 
例如唔知會唔會有人期望睇到我 + Mr.T喺FB嗌交? (我估呀吓!)
如果真係有的話就一定令佢地徹底失望，
莫講話我同老公好少嗌交，就算有我都唔會放上FB!
基本上我係唔會將所有自己認為係私隱既事擺上網，
我既FB 只係當作一個mini blog 咁用，
所以我大部份post 都係public or friends of friends，而內容可以話比我個Yahoo blog 更加瑣碎無聊!!
我從來都唔係果種乜人都add / accept 一餐，
Friend list 越add 得多人，
就以為自己相識滿天下既人來!
Don't get me wrong - 我絕對歡迎任何blog 友add我FB!

Add 咗我既人亦唔一定要留言比我或like 我既post，
好坦白我fd list 裡面既人，並非每一個都會有交流，並非每一個人既page 我都會去睇~
但我希望大家可以公平地交流，
若我去睇既時候，唔會睇到係空頁!

- 自稱我粉絲

依類人其實之前已經遇過，但最近好似又再重臨，
不過佢地既對象係Mr.T 而唔係我!

曾經有人pm Mr.T 自稱係我blog 粉絲，
跟手add 咗Mr.T，
通常依個情況下Mr.T都會直接accept 對方~

但奇就奇在......自稱係我blog 粉絲，竟然只add Mr.T 唔add 我;
而對方喺Mr.T wall 留言或貼post，
又set 咗只有Mr.T先睇到，我就完全睇唔到，
點睇對方都似係Mr.T 粉絲，多過係我粉絲囉!

我一向視所有睇我blog 既人 - 無論鍾唔鍾意我blog 都好，
一律都係blog 友!
(後來發展成為朋友另計~)
從來我都唔鍾意粉唔粉絲依個concept!!

我唔知依類藉住自稱係我粉絲，
而走去暗啞底add 我老公既人究竟想做乜?
不過我喺度好鄭重咁講一次，
妳地要add 我老公就自便，
但請妳地唔好借我來過橋!

不過我老公accept 妳地與否就係另一回事嘞~
因為當佢唔知道add 佢既人係乜水時，佢就會走來問我!
最終結果就係我 + 我老公都會同時block 咗妳地!!

P.S. 我只係針對話就話係我粉絲，但只走去add 我老公既人! 已同時add 咗我 + 我老公既FB朋友仔不在此列，請勿對號入座啊~