2012年10月19日星期五

Pot-Roasted Brisket in Red Wine (紅酒汁慢燒牛胸肉)



1. 預熱焗爐140C。


2. 細洋蔥4個、細紅蘿蔔4條、韭蔥1條切塊備用; 另預備蒜頭數瓣(不用去皮!)。


3. 燒紅油鑊,快速將原塊Brisket (牛胸肉,約1kg)表面煎至金黃微焦鎖住肉汁,盛起牛胸肉放在一邊備用。


Brisket 牛胸肉


4. 在一個可入焗爐的炆鍋中燒熔牛油,下(2)的蔬菜炒至微微金黃。


5. 下牛肉清湯500ml和紅酒120ml,香葉(bay leaves)2塊和bouquet garni 香草包1個,以海鹽和黑胡椒調味,拌勻煮滾。
P.S. 若找不到
bouquet garni 香草包,可用一束百里香(thyme)代替~


6.
將(3)煎好的牛胸肉放在蔬菜上面,蓋上鍋蓋,整鍋放入焗爐烤2.5至3小時。

P.S. 牛胸肉烤焗時間計算方法(以140C計算): 每500g 烤1小時,額外再加1小時
以我今次依塊牛胸肉912g.......
912 / 500 = 1.824小時 + 1小時 = 2.8小時,即約2小時48分鐘



7. 烤好後,先將牛胸肉和蔬菜撈起盛上碟,牛胸肉切片。


8. 將煲中紅酒肉酒放在爐頭煮滾,加入牛油和麵粉拌勻煮至汁稠。


9. 食時在牛肉上淋上肉汁即成。





Photobucket

11 則留言:

  1. 妳寫得好詳細真細心
    [版主回覆10/23/2012 03:19:25]Thanks Andrea! 我自己都要睇架嘛,緊要清楚啦~

    回覆刪除
  2. 試做成功!!...哈哈
    唔係想讚你(其實好想)....
    你 d recipeee真係好清楚!!
    出書啦靚太!!
    [版主回覆10/23/2012 03:17:54]多謝讚賞! 不過無人搵我出書喎.....

    回覆刪除
  3. 緊張大師-小女人2012年10月20日 下午5:53

    Mrs.T 唔係得我一個讚你啦,以為我講大話,其實你清楚地分析講解我們不懂的人真係受惠不少,所以下面那位讚你真係無錯,你無私地分享將自己所識的都教了我們,超讚....like
    請問牛胸嫩唔嫩架?第一次聽到呢個名.
    [版主回覆10/23/2012 22:13:11]係呀~ 其實我都唔係乜野都識煮,我唔明都一樣會問人地,我覺得咁先交流到心得,過程好開心!
    不過果幾個人就唔係嘞,佢地唔明又唔問,最慘係好似我得罪咗佢地咁...煮野食煮到咁,都唔開心既,咁又何必呢?
    1杯 = 1量杯 = 250ml,依d真係好基本既常識,學妳話齋上網篤幾下已經搵到! 但偏偏就係有人怪我寫1杯麵而唔寫幾克.....都係果句 - 我寫食譜最緊要我自己睇得明! 佢唔明可以問我,唔問就唔好跟我整! 我最緊要係方便自己,唔會為咗遷就佢改變自己方式~
    [緊張大師-小女人回覆10/23/2012 22:02:03]咁就好啦,你鐘意煮食我又鐘意睇你煮既美食,雖然無得食但有得睇一樣咁開心.可以同你談談怎去弄食物係一開心事.,希望你會整更多美食給我們欣賞.
    網上只係一個平台,有緣可以講幾句,唔鐘意睇可以唔好到訪,因為只係他們入來,你無強迫所以你完全無所謂的,唔明就上網找答案,一個量杯這些youtube多的是,對嗎?
    [版主回覆10/23/2012 21:39:43]好坦白有好多網友睇完我食譜無問過我任何問題,結果佢地仲整得好過我! 若真係睇唔明,我真係唔介意佢地問,只要問得有禮貌,我係一定會回覆既! 就算問得無禮,我只會唔答,而唔會鬧佢地~ 佢地唔明又唔問咪唔好跟我食譜整囉,就係咁簡單,我都唔知佢喺自己blog 話我寫得唔清楚對佢有咩幫助?
    我寫麵粉一杯佢地都睇唔明,係都要我寫幾多克先睇得明...眾所周知1量杯份量係250ml,粉都一樣可以用量杯來量,即係好似1湯匙生粉咁,我唔明點解1湯匙生粉佢地又睇得明囉!
    所以緊張大師妳講得啱 - 係佢地領悟力既問題!
    不過妳太過獎嘞~ 其實我唔係大方,只係我太鍾意煮野食,所以我好鍾意同其他人交流一切同煮食有關既問題!
    [緊張大師-小女人回覆10/23/2012 07:36:07]我覺得每個人的領悟力都不一樣,如你寫得清清楚楚但睇唔明就唔係寫那個人的事,唔明咪唔好做最好,為何怪責於人,同時我覺得人家無必要去教你,你要學就去學校比錢搵老師教或比少少錢買本書囉,無必要咁無口德,一句啦,乜人都有,我鐘意你呢句講得十分好...超讚:要清楚要明白最好去買食譜書,佢地無比錢我,若佢地睇唔明我無欠佢地!!.....對你無欠任何人既...我好感恩感謝你咁大方無私地和我們分享教我們一步一步去明白,我唔明係我既事同你一點關係也沒有,但我唔明我會睇好多次去了解或再打擾你問一下,咁多次你都好耐性告訴我,謝謝,
    [版主回覆10/23/2012 03:16:07]過獎嘞緊張大師! 同時多謝妳讚我寫既食譜清楚~
    其實當初我喺討論區同網友們討論煮食心得,係網友提議我開始寫食譜網誌方便分享食譜,加上我都想記低自己煮過既食譜,方便自己翻查~
    不過唔止一次有人批評我寫既食譜唔夠清楚睇到佢地一頭濛水,仲要喺佢地自己個blog 度話我....其實佢地睇唔明我根本唔介意佢地問,佢地唔問就最好唔好跟我食譜來整,反正唔係得我一個識煮野食! 要清楚要明白最好去買食譜書,佢地無比錢我,若佢地睇唔明我無欠佢地!!
    牛胸肉係要低溫長時間去煮先會軟腍~

    回覆刪除
  4. 睇到都流晒口水...
    如果我唔用oven用slow cooker整,有冇咩分別??
    [版主回覆10/23/2012 03:04:04]我無slow cooker,唔知有咩分別喎! 不過我覺得依個可以用slow cooker 整~

    回覆刪除
  5. 嘩...食飽飯都忍唔住吞口水...Mrs. T煮既餸菜實在係好多花款, Mr. T真有口福...
    [版主回覆10/23/2012 03:03:12]過獎嘞Ivy! 妳煮果d都好鬼正啊~

    回覆刪除
  6. 呢味野要用好多電呢
    !!!
    [版主回覆10/23/2012 03:02:00]我平時煲湯都係用返傳統方法煲3粒鐘~ 除非出街食既啫,否則自己煮唔多唔少都係要用電或gas 架啦!

    回覆刪除
  7. D牛胸肉好軟腍喎,,,
    [版主回覆10/23/2012 02:55:37]牛胸肉要低溫長時間去煮先會軟腍架~

    回覆刪除
  8. 正呀~~~我唔應該半夜黎睇你個BLOG, 越睇越餓........好似自己攞黎衰咁~~哈哈
    [版主回覆10/23/2012 02:54:42]半夜係唔應該睇任何同食有關既野! 包括書、電視 + blog!!

    回覆刪除
  9. 正呀!!簡直食指大動
    [版主回覆10/31/2012 08:08:41]Thanks Angel!

    回覆刪除
  10. 好想食~~
    [版主回覆11/27/2012 01:51:42]咁快d去買材料啦!

    回覆刪除
  11. 好正~~EEE~~乜烤牛肉都計得咁講究~~唔知可唔可以直接切細燜熟佢算呢~?

    回覆刪除

Related Posts Plugin for WordPress, Blogger...