我既袖珍黏土書(2) - 日文

日文既袖珍黏土書真係冇得頂!!!! 裡面show 出來既袖珍食物製成品真係真既一樣!!!!! 就算自己唔學整，只係睇吓本書都已經係賞心樂事~~~~~~~

雖然係日文來，但當中好多製作步驟都係圖示既~ 所以唔識日文都唔係大問題，都可以好易跟住學!

可惜既係 - 好多食物都係日式食品來.........

 咁多本日文書裡面，依本既製成品最真最靚!!! 而且中、西、日式食品有好多好多!! 唯一美中不足既係，裡面既製作步驟係畫出來而唔係相片 - 所以唔多清楚~ 但只睇製成品既相，可以有好多靈感! 比較適合已整咗袖珍黏土一段時間 + 已有基本技巧既朋友~~~~~

 一向唔買二手野既我，比依本書吸引咗我喺eBay 買佢返來! 果時仲係新手 + 賣家講大話 - 話依本書已絕版買唔到!!!  不過我都冇後悔買咗~ 因為依本書真係好好好有用 + 易學! 裡面既製作步驟係真相來(有少部份係畫既~)，好易跟 + 好啱初學者! 而且全部都係食物，開正我果瓣!!!!

 依本同第二本係同一系列來~ 今次我醒咗 - 網上書店買既!  其實同第二本差不多，但除咗教整食物，仲會教埋整其他小配件~ 另一本初學者心水之選 - 一樣咁靚 + 咁易跟 + 咁好用!!!!!!

 依本算係最近新出既黏土書~ 除咗教整食物，仲會教整其他小場景~ 雖然食物方面唔係太靚...不過就教你好多變化e.g. 用整好咗既袖珍食物做雪櫃磁石or 書夾~~~ 仲有其他黏土小手工，將袖珍黏土食物實用化! 都係一本好黏土書來!

 依本其實唔係黏土書來! 只係一個叫"小島隆雄"既日本人整既袖珍場景作品集...死人網上書店將依本書放埋喺黏土書果類!!! 唔識日文既我就係咁比佢呃咗.......不過話說回來，佢既作品都好靚~ 只係唔關食物事..........

 依本係就係黏土書，之但係佢個封面真係呃鬼囉!!!! 入面完全冇教整食物既 - 我唸住封面大大隻麵包咁實冇死啦......點知原來個主角唔係麵包....係裝住麵包個籃!!! 書裡面係教黏土花、黏土相架...etc 既小手工，而且做法簡單~ 唔係只整食物既朋友應該都啱用!