一個人唔知食乜好~ 星期一(4月21日)既晚餐，我竟然一連食咗兩個"合味道"杯麵 - 仲要係唔同口味既!!!! 已經好耐冇食過杯麵，所以覺得好好食~~~~~~
經過咗星期一既杯麵之夜，尋晚整咗一大碗魚蛋瀨粉做晚餐~ 今次我買咗泗和行既雜菜魚蛋...麻麻地啦~ 都冇乜味道既，雜唔雜菜都冇乜分別..........
我食魚蛋粉一定要有埋辣椒油~ 仲要食好多好多至夠!!!!! 而我最鍾意既辣椒油，就係冠益華記既桂林辣椒醬~ 香港V家都係食開依隻，好彩依度都有得賣~~~ 雖然個名叫辣椒醬，但其實係辣椒油來! 以前試過其他牌子，但覺得冇依隻咁勁辣 + 香...............
魚蛋粉食譜click here~
你鐘唔鐘意食墨魚丸架? 我最近搵到隻好好食既墨魚丸呀~~ 如果唔嫌遠既, 叫你老公入黎元朗買丫~~ (48蚊1kg) 元朗又新街, 怡豐大廈地下, "兒興泰肉食公司", 入黎元朗(比如你老公係沙田入黎, 搭269D)係過左大欖隧道既第3個站, "元朗又新街"站落, 行入內街, 果條就係又新街, 問下人就知"兒興泰"係邊架啦~ 好近好近架咋~ 記得唔好太夜去, 佢係一間好似人地d批發公司咁, 有好多乜扒物扒, 仲有鵝肝呢~
回覆刪除[版主回覆04/26/2008 07:29:00]墨魚丸我都鍾意食架! 不過多數只用來打邊爐囉~ 因為煮"墨丸瀨"好似有少少怪.......
叫我老公買? 點攞番來英國呀??? 都入唔到口啦! 但聽妳講兒興好似好多野賣喎~~~ 如果我住喺香港就好嘞.......!!!
你一個人食都搞到甘鬼吸引,真係服咗你 ,賣相& 擺放好有心思, 正 呀!!!!
回覆刪除[版主回覆04/26/2008 11:00:00]食落自己肚架麻!!!!
我都好中意食瀨粉架...
回覆刪除[版主回覆04/26/2008 16:05:00]放湯既話，我只鍾意瀨粉或米線! 河粉、米粉...依d麻麻地~ 我反而鍾意食炒既多d...
我都淨係食冠益華記既桂林辣椒醬, 其他唔食架~~~~~
回覆刪除[版主回覆11/29/2009 13:34:00]gimme5~~~~ 其他辣椒油完全唔夠辣!