今次我唔再用李錦記~ 而參考咗網友samchi 媽所提供既自製豉油雞汁食譜 (thanks 啊~
)，加上自己見解改良咗少少...果然係好食過李錦記多多聲!!!!! 由於我改良過食譜 - 改過吓份量 + 加咗d"玫瑰露酒" - 所以叫玫瑰豉油雞!!!! 所以依家變咗係我自己個食譜嘞!!! 呵呵~~~~~ 1. 豉油雞汁: 水5碗、生抽和老抽各半碗、片糖1又1/2塊、玫瑰露酒1湯匙，薑3片和蔥1條，放入鍋中煮滾備用。
2. 雞洗淨瀝乾，放入煮好之豉油雞汁內煮至回滾，煮5至10分鐘後熄火，再浸20分鐘
3. 取出斬待涼斬件即成。
P.S. 將剩下之豉油雞汁煲滾，存於清潔的樽內放入雪櫃，可再次使用數次。
V媽果碟個色真係"上"好多喎.......
回覆刪除[版主回覆01/08/2009 22:56:00]唔關手勢 + 所用材料事! 只係關英國既雞種事~ 其他英國網友都有同樣唔上色既問題......
我尋日都剛買了一枝玫瑰露酒用黎入廚用,可以試下整喎....我想問咁會唔會有陣玫瑰酒香味架?我尋日用黎炒豬肉唔係好覺有酒味,可能畀D金不換蓋過晒...
回覆刪除[版主回覆01/12/2009 18:12:00]玫瑰露應該香味好濃烈果喎! 如果妳話冇乜味，應該真係比金不換蓋咗!
因為玫瑰露陣味太勁，我只會用來整燒腊，平時煮餸我只用紹興酒!
就算用時都唔好落太多喎!
咩叫金不換?
回覆刪除[版主回覆02/19/2009 18:00:00]金不換即係basil，西菜會叫做羅勒; 中菜會叫九層塔~ basil 其實有好多種，而金不換係特別指Thai basil - 泰菜所用既! 香味比一般basil 更勁~ 但一般人唔會分得咁清楚! 羅勒 / 金不換 / 九層塔...全部都係一樣~~~
basil 用法好廣泛，中菜西餐都好常見~ 泰菜甚至係必需! e.g. 泰式咖喱; 意大利既綠pesto; 西餐既香草沙律.....我都有幾個用到basil 既食譜:
九層三杯雞: http://hk.myblog.yahoo.com/veronicams_tsim/article?mid=4427
泰國綠咖喱雞: http://hk.myblog.yahoo.com/veronicams_tsim/article?mid=5746
泰式辣椒椰汁蝦: http://hk.myblog.yahoo.com/veronicams_tsim/article?mid=7003