紅綠燈炒飯

又一個我既懶人餐! 我美其名為"紅綠燈炒飯"，其實只係普通既午餐肉雞蛋炒飯~ 改個懶特別既名，係想人一望落會唸: E~ 咩野來呢? 因為炒飯裡面有午餐肉 - 紅; 雞蛋 - 黃 + 蔥花 - 綠...十足馬路交通燈一樣! 哈哈~~~~

1. 預備冷飯(最好係隔夜冷飯!); 午餐肉切粒; 雞蛋打拌; 青蔥切碎待用。

2. 用少許油將午餐肉炒香盛起。

3. 猛火燒紅油鑊，先加下蛋液，隨即加入冷飯快手兜勻。(可參考下面"黃金炒飯"方法!)

4. 午餐肉和飯炒勻，用生抽少許調味。

5. 炒至飯香 + 乾身，灑上切碎蔥花兜勻上碟即成。

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

黃金炒飯

早排睇過一個NHK World 台節目 - 長達1小時既節目係專門集中研究最完美既炒飯 - 黃金炒飯!

其實黃金炒飯即係最簡單既蛋炒飯......節目中分析3種不同既蛋炒飯方法:

1. 先炒冷飯，後加蛋;

2. 先炒蛋至全熟，再加入冷飯;

3. 先加入蛋，隨即加入冷飯~

之後用先進儀器去測試炒飯質感!

結果顯示方法(3) - 先加蛋，隨即exactly 2秒後加入冷飯同炒，炒出來既飯除咗色澤金黃之外，飯粒維持完整口感最好!  係精細鏡頭下仲會見到飯粒好有彈性!  咁就為之最完美既黃金炒飯嘞~~~

記住一定要加蛋exactly 2秒後加入冷飯喎!!!! 大家不防試試吖~ (真係得架!!! )