我屋企有個花樽~ 不過唔係用來插花，係用來放銀仔!
我同老公成日喺街都會執到錢，尤其喺超級市場~ 依度好多人好怪 - 就算明知自己跌咗一兩個銀仔，佢地會由佢都唔會執番! 以前返學，tea break 時仲見過有人用1p or 2p 銀仔掟白鴿!!!! 掟完又唔執番........
事源我仲返緊大學時，有日我喺課室執到幾個1p + 2p，放咗學同老公去KFC 食野，又喺洗手間執到幾個! 果日夾夾埋埋總數執到10p~~~ 於是我 + 老公決定，喺街執到既銀仔全部唔用儲起佢，睇吓遲d有幾多錢~
起初只係用一個好細既布袋裝住d銀仔，後來入滿咗個袋仔，於是走去買咗個廚房用來裝糖既玻璃樽......就係咁執咗幾年，執執吓有一日個糖樽閊唔到蓋，個樽底仲裂咗 - 又入滿咗! 於是我地將銀仔入咗銀行我同老公既joint A/C~ 有幾十英鎊架!!!!! 之後就換咗而家依個花樽 - 貪佢唔洗開蓋............
而家我同老公出街時，都會留意吓有冇銀仔執~ 我地仲會玩"鬥執得多"!!! 我最勁執過一張20英鎊銀紙(200幾蚊港紙架!!!!) 老公都試過喺停車場泊車時分別執過5英鎊紙 + 20英鎊紙 - 不過當時未開始儲，所以佢自己用鬼咗~~~~
平時多數係執到1p, 2p + 5p 既銀仔，可能因為細個，跌咗都唔多覺~ 臨近聖誕節時係執錢既最好時候!!! 個個都出街買聖誕禮物，越多人出街就越多錢執! 而且銀仔銀碼會加大 - 已經執過十幾個1英鎊銀~~~~~
不過執到既銀仔唔係時時都係英鎊來，間唔中都會有歐羅或者美元..........執咗幾年，唔知有冇100英鎊呢?
雖然唔係好多錢，但全部係不勞而獲喎!!!!!最多銀仔執既就係超級市場~ 幾乎次次去都有錢執!!!! 我尋日去買餸又執到7個p嘞 - 一個5p + 一個2p!!!!! 哇哈哈~~~~~~~~~~~~
嘩~好犀利喎!我尋日在惠康都執到$10呀!
回覆刪除到年尾話我知你今年執到幾多$吖
[版主回覆04/25/2008 08:52:00]快d去買個 玻璃樽啦!!!!
哈~ 會唔會由今日開始，妳去街時成日頭"dup dup"咁望吓有冇錢執呢???? 小心撞親人呀!!!!
年尾記得話我知喎~~~~~
好,等我都試吓學你搵個樽入起佢先,但一定無你咁多啦~
回覆刪除[版主回覆04/26/2008 07:25:00]咁係架嘞! 我年頭尾會記得問妳架~~~
不過我都覺得妳一定冇我咁多! 因為我都覺得香港冇咁多錢執......不過我都執過十蚊銀~~~
我都有哩鋪隱㗎 , 我都 快d去買個 玻璃樽啦!!!!
回覆刪除[版主回覆04/26/2008 11:07:00]咁加拿大多唔多錢執架?
我試過執到十文紙, penny就好多時都見到,我無執,因為d人將D bad luck放係個penny人道碇走佢,所以唔敢執
回覆刪除[版主回覆04/26/2008 11:59:00]係咩? 但依度既人如果執到penny，會將個penny 比人 e.g. 老公執then 比我 咁樣叫做lucky penny 喎!
你真係好 lucky 呀!有個甘錫你既人 & 有個你個你會成日掛住既人 .......hehe 我都有......肉麻哩
回覆刪除[版主回覆04/26/2008 12:37:00]lucky penny <----- 我講真架! 如果我唔係同老公一齊行街係同朋友~ 咁我執到penny 然後比我朋友 - 咁都係lucky penny 來架! (不過我唔會比朋友囉~~~~)
頂..我都想係街執到錢呀...點解我冇你咁好運成日有錢執架....
回覆刪除[版主回覆04/26/2008 15:47:00]香港都少錢執.....更何況係澳門!!! 我唸好多人身上就算只得番1蚊都會攞來賭埋佢......
Hi, My girlfriend and I went to Edinburgh in 2006. We somehow received a silver one pound coin. I thought i might be a 2 pound coin but my girlfriend was dead sure its a one pound. Have you seen anything similar up north (scottish currency are different from the currency used in england). Thank you. Chong
回覆刪除[版主回覆12/17/2009 19:26:00]have you checked the coin? im sure you can find out whether it's a one pound or a two pound on either it's head or tail side!
btw Edinburgh is Scotland's capital, thus the currency is also scottish pound! and Glasgow is located in the west of Edinburgh, not "up north"! and the different currencies issue only apply to the notes~ coins are the same!