Maksim Mrvica

來自克羅地亞既流行鋼琴演奏家~ 專演奏古典音樂crossover 流行音樂~~~~ Maksim 既外表好型!!! 只著黑色衫...染髮又有紋身 - 有別於一般西裝畢挻既鋼琴家.........


2003年暑假返香港，我同老公喺尖沙咀HMV 買野，我買咗Maksim 既第一隻專輯"The Piano Player"，比錢時售貨員話我知Maksim 晏d會來同fans 簽名影相!!!

當時我同老公已買咗飛睇"Battler Royale II"~ 不過我地睇咗一半就走人 - 一來套戲好屎; 二來我好恨見Maksim 真人!!! 不過老公呷醋唔肯陪我入去HMV............當時我冇相機在身，排隊時我問前面一個單獨一人既女仔可唔可以幫我影埋...個女仔好好人應承咗! 仲叫我幫佢揸機影番.......不過我其實都唸過佢唔會寄返d相比我 (我真係衰!!!)

但個女仔唔單止將相寄返我香港既屋企，仲另外寄咗好多張佢影既Maksim 單人照比我!! 但我冇機會多謝佢~~~ 唯有而家喺度多謝佢啦!!! Thank you 啊~~~其實我自己都有彈鋼琴~ 不過學到6級就停鬼咗冇再學.......一來我心散......二來我過鬼咗來英國.......

Maksim 既琴技真係出神入化!!! 令我嘆為觀止~~~ 佢手指既速度真係可以稱佢做"摩打手"!!! (好犀利啊!!! 人體既構造真係奇妙~~~) 我唸我依世都冇可能彈琴彈到好似佢咁......我已經買齊哂Maksim 所有既專輯! 但我最鍾意既就係第一張 - 因為有佢親筆簽名~~~ 嘻嘻!!!

最衰我miss 咗佢舊年倫敦既演奏會啦!!! (激死!!! )
 
老公應承話一定會帶我去架!!! 下次都唔知要等到幾時!?!?!?

我自己最鍾意Maksim 彈Franz Liszt 既作品"Totentanz";

仲有Rimsky Korsakov 既"The Fight of the Bumble-Bee"...........Maksim 真係好叻呀!!!!!!!! (唉~ 佢只大過我1年咋........)

Totentanz

The Flight of the Bumble-Bee