頭先老公喺香港機場入閘後打比我，佢話買咗好多禮物比我~~~ 呵呵!!!!
好緊張啊~~~) 仲有好開心既係 - 佢個喼夠大放得落舊年喺香港影既婚紗相油畫，所以帶咗返來!!!
(要唸吓掛喺邊好呢???
) 不過台灣影既婚紗相油畫 + 果張5呎真人size 海報就太大~ 帶唔到返來
......唯有等今年遲下我同老公一齊再返香港時，
先唸吓有乜方法啦~~~~~ 老公啱啱先同我confess - 佢喺香港又唔見咗個相機!!!!
好彩當時我醒目帶埋個舊既Casio 去，先不至於冇相機用!!
之後返到香港先買番個一樣既Panasonic~~~
今次我已經特登比個Casio 佢帶返香港，我想佢同我屋企人影吓相帶比我睇~~~
但佢都可以第一日就已經唔鬼見咗我個相機，但又唔鬼出聲! (醒咗好鬼多喎!!!!)
不過都算佢~ 識得走去買番個新款既比我! (但我個Casio 係limited edition colour 來架!!!!!)
但係如果佢冇唔見到相機，佢咪又會有多d錢買禮物比我囉!!!?!??
老公話今日佢去尖沙咀幫我買書，有個袓國佳麗向佢問路~ (條街咁多人又會咁啱問正個唔識中文既???)
老公話袓國佳麗越問越多野...問問吓問佢有冇去過中國......老公feel 到有袓國佳麗過於熱情~ 於是同佢講 "中國就未去過，不過同太太去過台灣~~~"
佢話即時見到袓國佳麗黑面 + 好大反應咁話"台灣係中國既一部份!!!!"
跟住一輪咀連環同老公講野，仲要越講越火.....
不過老公話好大部份聽唔到佢講乜! (究竟袓國佳麗點解要發爛咋呢?? 係因為佢撐袓國?? 定還是老公向佢表明有太太呢?????
) 老公話見到袓國佳麗咁既款，唔想街既人有誤會，於是唔鬼理袓國佳麗走鬼咗......
仲有12個鐘左右，就可以見到老公嘞! (& 收到禮物~~~) 希望聽日唔好落雨啦! 我要自己搭車去機場接佢架~~~~~~~~~~~~
我結婚幅油畫相掛係床頭側邊牆,因為我習慣面向個邊,所以成日都可以望到幅相 戥你開心,時間好快過,甘就一個禮拜,......有甘多禮物,真係
回覆刪除[版主回覆04/28/2008 05:40:00]老公話台灣果幅油畫大過香港果幅好多!!! 攞唔到返來住.....只攞到香港果幅返來.......不過我唸住今年遲d返香港時再唸辦法~
但我而家又唔知台灣果幅究竟有幾大! 我要預埋位掛台灣果幅麻......
有個袓國佳麗向佢問路~ 這是常有的ｏ你先生做得對。
回覆刪除我試過有一名西裝友滿身名牌向我弟卡片，乜义總經理，話比人打荷包冇咗幾十萬。唔緊要喎,Ｄ錢滙緊過嚟聽朝到，不過今晚冇飯食，問我借住幾千蚊食飯喎！
又有一名北菇雞話佢唔shut kai Marco Polo酒掟Ｄ民叫令仔仙腥喎教佢點Kai！
[版主回覆04/28/2008 16:59:00]咁我都知袓國人問路係常有~ 我自己都比人問過......問題係我老公話佳麗一問佢，佢已經即表明自己唔喺香港住 + 唔識中文! 但佳麗越來越熱情 + 不斷扯開話題.......佢唔係唸住想溝我老公吓哇??
佢想do some business
回覆刪除[版主回覆04/28/2008 21:30:00]我都有問過老公依個問題~ 不過老公話佳麗既打扮言談唔似"生意人"......好旅行樣喎! 所以好有可能純粹想溝我老公!!!!