紐約芝士餅

雖然我自己唔鍾意食甜品~ 但T生係甜品怪獸來!! 依個"紐約芝士餅"，係我第一個特登學來整比T生食既甜品~ 每次有朋友來屋企食飯，我都會整個來招呼朋友! 有朋友食過後，每次再來食飯，都特別落order 要我整比佢食.......

我用電動打蛋器既! 唔係用手~~~~~

1. 預備1個直徑約8" + 高約2"的Loose base cake tin (底部可拆開的蛋糕焗盤)。

2. 剪出直徑約8"的圓形鍚紙鋪在焗盤上。

3. 麥維他原味消化餅乾8塊打至粉碎，加入已放室溫至軟身的牛油拌勻成泥狀。

4. 將餅乾和牛油混合物用湯匙平均地壓實在焗盤底部造成餅底。

5. Whipping Cream 約250ml 打至企身。

6. 雞蛋1隻分開蛋白和蛋黃打勻，蛋白要打至企身。

7. 卡夫Philadelphia Full Fat Cream Cheese 300克打至軟身，加入砂糖95克再打勻。

8. 加入蛋黃在Cream Cheese 內打勻後，再加入蛋白打勻。

9. 加入青檸汁1個和之前打好的Whipping Cream 打勻。

10. 最後魚膠粉2湯匙，加入和暖水4湯匙，加入Cream Cheese 內打勻。

11. 將混合物倒入焗盤內，用蛋糕刀修飾表面至平滑，放入雪櫃內雪最少4小時至凝固為止即成。