好鍾意書既英文名 - "The Red String"......
李碧華係我最鍾意既女作家~ 之前去依度既圖書館，都有借過佢既書，但只限佢既散文 - 因為依度圖書館可借得到佢既著作，就只有佢既散文......真正留意李碧華既作品，係由我睇完電影版既"霸王別姬"開始(驚為天人~)! 加上我一向比較鍾意睇長篇，於是開始揾佢既長篇作品來睇~~~~
已經好耐未試過睇一本書睇到喊出來! (睇到"想喊"既就大把!!!!) 仲喊咗幾次~ 不過睇到後半part，已經再喊唔出，剩低既只有無奈......數一數，當年同分開咗38年既丈夫重逢時，已77歲既袁婆婆，今年已經86歲~ 大半生以來都背住"慰安婦"依個充滿恥辱既身份，一個人硬撐落去......
我一路睇一路唸 - 如果我係袁婆婆既話，我會點呢? 分開咗咁多年，自己一個人硬撐咗咁多年，受咗咁多苦 + 委屈...經過咁多波折先可以見番對方，係咪真係只要望對方一眼 + 知道對方生活得好，就可以離開得安心 + 放得低呢?
我又唸 - 廖伯伯而家既合法妻子姜婆婆...佢都好慘喎! 喺自己晚年，先突然間知道自己老伴既原配尚在人間，仲要來相認...果種幻得幻失"佢會唔會就咁揼低我返去佢身邊呢?"...既心情真係難以形容咁難頂!
袁婆婆走後，廖伯伯朝思暮想掛住袁婆婆...但現實又冇可能可以三個人一齊生活咁理想~(講真，如果咁，對姜婆婆好唔公平啊!)，而家三個人: 廖伯伯、袁婆婆 + 姜婆婆都咁痛......我跟住唸 - 如果我係李碧華，我會唔會後悔幫廖伯伯 + 袁婆婆重逢呢?
我感受好深! 佢地三個人既過去 + 遭遇，完全身不由己，好不幸! 我好慶幸自己唔係生於一個咁動盪既年代/社會~ 亦好appreciate "red string" 將我 + 老公綁埋一齊......感受最深既都係 - 珍惜眼前人!
睇煙花三月,我都哭了幾次,呢本係值得睇既書,不過好少人會留意. 可能一來太厚,二來又比佢平時既書貴D. 李碧華以前所寫的散文或小說,好多我都有買. 除散文外,佢寫既鬼異故事都好好睇. 推介"凌遲" 同"新歡". 呢2本都好舊架啦,可能你都睇過.
回覆刪除[版主回覆11/15/2010 02:50:00]感人既真人真事，由李碧華寫出來最適合不過!
妳講果2本短篇我都睇過! 不過我好少買李碧華既散文 + 短篇，因為依度圖書館都有得借，所以我多數只會買長篇! "霸王別姬"始終係我最鍾意既李碧華作品，書 + 戲既劇情有d唔同，不過我書 + 戲都一樣咁鍾意!