2009年12月25日星期五

我們的平安夜和聖誕 (2009年12月24 + 25日)


往年平安夜老公會放半晝,所以會出街食晚飯; 但今年老公要返足全日,放工返來後又要趕頭趕命攞禮物返去比6299......所以今年平安夜喺屋企煮!

23日唔記得買平安夜晚餐......

 好彩平安夜超市關門前都比我買到2塊西冷 + 1隻龍蝦!

 龍蝦係已煮熟咗既急凍野~

 斬開一半用牛油grill 吓佢,每人一份Surf n' Turf~ 都幾豐富架!!!


 當日收到朋友寄來既聖誕咭~ 朋友古惑地用膠紙封住郵票 - 等郵局揼唔到印! 哈哈~~~ 個郵票可以再用啊!!!_1272.gif image by veronica_tsim

12月25日


204830318.gif image by veronica_tsim  今年我好乖 - 我等到聖誕節先拆禮物!

(往年平安夜一過咗12點我就拆架嘞~ )


 set up 咗聖誕樹,老公返到來即刻將包好哂既禮物放喺聖誕樹下面!  老公返完去6299度,又攞多幾份禮物返來~~~

 今年有12份禮物! 比舊年多咗1份......


- 靚衫2件 - 2件都係之前睇中咗,不過因為太多衫所以無買到~ 估唔到老公會記得........

- 兔仔電話繩1條; 絹質化妝袋1個 + 熊仔買餸環保袋1個 - 日本訂返來~ 老公話熊仔袋係比我買餸用......(我買餸用乜袋你都要理???)

- 英文袖珍黏土食物手工書 - 係時候要開工整返袖珍黏土嘞......;

- 30色印台 - 正! 我之前睇中咗套10色,不過嫌太貴所以無買.......(咁30色緊係正過10色啦!!!)

- 白色珍珠耳環1對; (大佬~ 我有好多對白珍珠耳環嘞!!
不過我都好鍾意~~)

- 黑珍珠頸鍊 + 手鍊各1條; (條手鍊太長要攞返去改短啊.......)

 特別要講講依個豬仔曲奇模!  因為某個原因,老公一向唔會買豬形既物件比我~ 今次竟然例外!!

超cute~~~~~

數來數去都係得11份之喎......
_1278.gif image by veronica_tsim

正如我往年所講 - 禮物大部份係小野傻野,堅既只得1份~ 今年堅果份要遲d先claim 到......因為係去旅行!
204830550.gif image by veronica_tsim 地點有待決定~~~

 99 + 姑仔送既養珠手鍊 + 香水~ (唔知係乜香水......不過係我鍾意既花味 + 幾香~ )

 晚餐如計劃整咗聖誕火雞餐......

 要讚讚自己今年隻火雞燒得唔錯!

 整親咩家禽都好 - 我第一時間會先斬咗個pat pat! (火雞連pat pat 都大隻過人!! 好核突~~~

 如往年一樣 - 用懶人stuffing! 加水加油就用得~

都幾好食架!

 brussels sprouts 用牛油、煙肉 (買唔到pancetta...)、火雞包埋既心 + 肝炒~

 加埋Waitrose 買既現成"Pigs in Blankets" (煙肉卷腸~)

 加埋自製cranberry sauce + gravy.....開餐!!!

 咁鬼大隻火雞,個骨竟然得咁細個......

隻火雞for 6個人,我地兩丁友緊係食唔哂啦! 其餘入哂雪櫃留返聽日食~~~



 聖誕燒火雞 Classic Roast Christmas Turkey 食譜click here~

 Cranberry Sauce for Christmas Turkey (聖誕火雞紅莓果醬)食譜clcik here~


15 則留言:

  1. Gaileは林家歐巴桑2009年12月25日 下午10:25

    未都boxing day妳就拆禮物,妳真係好心急~~~~
    火雞大隻骨細咪岩T生囉,所以妳係買到好野,點都好過大骨少肉啦!
    今日要再聲Boxing Day快樂喇
    [版主回覆12/26/2009 19:58:00]根本聖誕禮物係應該聖誕當日拆既!  Boxing Day (節禮日)根本完全唔關聖誕禮物事! 唔知邊條moron 將Boxing Day 譯做"拆禮物日"?  不過我發現多數係香港人先會錯......
     
    Happy Boxing Day! 出面大減價我遲咗起身!!!!!!!!!
     
     

    回覆刪除
  2. 妳隻火雞燒得好靚,聖誕節食自己燒既火雞一定特別好味
    妳就好啦有12份禮物拆真開心
    [版主回覆12/26/2009 20:00:00]多謝! 自己燒既火雞符會哂自己口味,而且燒完即食,特別juicy~~~~
     
    年年拆好多份神秘禮物,真係好有抽獎feel!
     
     

    回覆刪除
  3. 隻火雞燒得好靚喎! 個製法真係有心機!! 係吾係隻隻火雞都係咁細骨, 又幾抵食喎!!
    [版主回覆12/26/2009 20:03:00]隻火雞我23號買既~ 點知我24號去超市買扒,竟然比我見到依隻med size 減價!!!! 而且仲有好多隻.....激死!!! 唔知係咪今年經濟唔好,少咗人買火雞? 往年我23號買都好忟水.......好彩比我揀到隻細朤補返數!
     
    Happy Boxing Day~
     

    回覆刪除
  4. haha, 唔係boxing day先拆禮物ge咩?! 睇得出你老公好鍚你, 會將你ge野記喺心~ 好幸福啊你~
    [版主回覆12/26/2009 20:11:00]當然唔係啦! 聖誕節係歐美節日,緊係跟歐美傳統 - 聖誕節當日拆禮物啦! 根本Boxing Day 同聖誕禮物完全無關係~ 唔知邊條moron 將Boxing Day 譯做"拆禮物日"? 我發現錯既大部份係香港人! 而且有典型香港人壞習慣 - 一個人錯,就個個跟住錯,無人會主動求証.......
     
    多謝~ 我都覺得自己好幸福! 老公好細心~ 有時我自己鍾意既野,連自己都唔記得咗,反而佢會記得!
     
    Happy Boxing Day!
     
     

    回覆刪除
  5. 收到好多禮物喎,今年聖誕真係好開心!!個聖誕餐好好味呀,隻火雞燒得好靚呀~~~~
    [版主回覆12/26/2009 20:21:00]我年年都收到好多份禮物架! 因為以前同老公拍緊拖時,老公仲返緊大學,聖誕節果晚62餐館好忙,所以老公聖誕要返去幫手,零晨12點幾1點先收工過去我屋企陪我~ 老公為咗氹我開心,所以每年都會預備好多份聖誕禮物,收工時陪我一齊拆! 禮物大部份都係小野傻野,只得一份係堅既~ 不過逐份拆好有抽獎feel!
     
    隻火雞係比4至6人,但我 + 老公已經食咗大半隻....
     
    Happy Boxing Day!
     
     

    回覆刪除
  6. 隻火雞燒得好靚! 要燒幾耐?
    [版主回覆12/27/2009 02:58:00]多謝! 依隻med for 4-6人,大約燒咗2個半鐘~  
     
     

    回覆刪除
  7. 我都覺得你隻火雞焗得幾靚.... 我仲已為你地KO左成隻火雞添.... 原本起起左個壳.......
    快D出去掃貨啦~~~
    [版主回覆12/27/2009 02:57:00]多謝! 我都覺得咁多年,今年依隻燒得最靚!
     
    尋晚同老公睇碟睇到好夜,今朝好多店開7am,但我地瞓到好晏! 成點幾鐘先出到去....不過今日店大部份收5pm! 好彩果幾粒鐘都有d收穫~~~~
     
     

    回覆刪除
  8. 厲害呀,估唔到好唔只搶到兩件扒,仲搶到隻龍蝦
     
    隻火雞好正喎,整件胸黎得唔得呀
     
    妳就好啦,年年都收到咁多禮物,仲件件都好實用,Mr. T真係有心思,年年都可以買到咁多份禮物 ~
    [版主回覆12/27/2009 02:51:00]今年好似無往年咁誇張! 我平安夜果日去買扒,都仲見到有全火雞賣,仲開始減價呢!!! 往年平安夜真係想搵隻火雞脾都幾難.......
     
    咦~ 妳真係鍾意食胸果喎! 舊年妳又係話要件胸 !
     
    老公話其實本來仲有幾份禮物想買比我,不過果幾日落大雪,放工渣車要渣好慢,所以無時間去買.........
     
     

    回覆刪除
  9. 雞胸/ 鴨胸/鵝胸都係我既至愛
    [版主回覆12/27/2009 03:21:00]雞我鍾意雞脾; 鴨鵝就胸 + 脾都鍾意!
     
     

    回覆刪除
  10. 兩個人食曬成隻火雞, 好恐佈呀.................唔通你哋有超能力..............
    [版主回覆12/28/2009 05:18:00]無食哂呀! 尋晚扑星day 煮咗一大煲leftover~
     
     

    回覆刪除
  11. 隻火雞燒得好靚, 嘻......我以為你地真係食晒隻火雞
    年年的聖誕節都收咁多禮物,真係收到手軟喇
    [版主回覆12/28/2009 05:13:00]多謝! 我都覺得燒咗咁多年火雞,今年依隻最靚靚~
     
     

    回覆刪除
  12. 你燒隻火雞好靚呀,你今年都大風收喎,有成12份禮物.......
    [版主回覆12/28/2009 05:12:00]多謝讚賞~  
     
    我年年都大豐收架! 雖然好多係小野來,但最緊要啱用~
     
     

    回覆刪除
  13. 嘩...隻火雞勁勁靚!!
    [版主回覆12/28/2009 05:10:00]多謝讚賞!
     
     

    回覆刪除
  14. 隻火雞燒得好靚 呀!  嘩~ 好多禮物 喎, 好難得一個男人咁有心思諗到咁多禮物架~ so sweet~~~
    [版主回覆12/28/2009 20:40:00]多謝Ayesha~ 我自己都覺得燒咗幾年火雞,今年依隻最靚!
     
    我年年都收到老公好多份禮物架! 因為以前同老公拍緊拖時,老公仲返緊大學,平安夜 + 聖誕節果2晚62餐館好忙,所以老公要返去幫手,零晨12點幾1點先收工過去我屋企陪我~ 老公為咗氹我開心,所以每年都會預備好多份聖誕禮物,收工時陪我一齊拆! 禮物大部份都係小野傻野,只得一份係堅既~ 不過逐份拆好有抽獎feel!
     
     

    回覆刪除
  15. 嘩, 好多聖誕禮物, 又精緻, 真開心.
    隻火雞真係好靚呀, 出面食嗰d都唔香既, 睇見你呢隻一定又香又好味, 不過hk真係小d人整, 唔知係唔係個爐一般都唔夠大呢...keke!
    [版主回覆12/29/2009 19:07:00]多謝~ 自己整火雞真係好食過出街食好多架! 出街食果多數乾哂,但自己整真係一d都唔乾!
     
    不過真係 - 火雞細隻極有限~ 除非唔燒全隻啦,否則無返個吓上下大既焗爐都燒唔到!
     
     

    回覆刪除

Related Posts Plugin for WordPress, Blogger...