2009年12月14日星期一

鹹魚蝦乾肉餅煲仔飯


1. 蝦乾浸軟備用; 米洗淨後浸30分鐘。

2. 免治豬肉 (或最好自己剁豬肉餅!)用胡椒粉、生抽、魚露、糖和清水少許拌勻醃最少30分鐘。

3. 梅香鹹魚2片煎香兩面,將其中1片鹹魚去骨,拆肉並弄碎備用; 另1片保持完整。

4. 將(3)拆出的鹹魚肉和(2)之免治豬肉拌勻,再加入少許粟粉搗成肉餅備用。

5. 生鐵煲掃上少許油,將米放入煲內,加入適量清水。

6. 煲至水大滾,略略搞拌後轉小火加蓋煮至飯開始收水。

7. 將肉餅放在飯上,將完整的鹹魚片放在肉餅上,再放上少許薑絲。

8. 蝦乾瀝乾水份,和少許生油拌勻後放在飯上,放少許剁碎蒜蓉在蝦乾上。

9. 以小火煲至肉餅熟透和飯收乾水份(約10至15分鐘),期間不要開蓋。

10. 熄火後焗10分鐘,淋上煲仔飯豉油或蒸魚豉油即成。




13 則留言:

  1. 見到都流曬口水....暖立立唷=)
    [版主回覆12/15/2009 18:47:00]一陣去叮返熱剩低果d做午餐~~~~~ 正!
     
     

    回覆刪除
  2. 我又要食呀~~不過要好番先食得,我而家變左男人聲呀!!
    [版主回覆12/15/2009 22:23:00]變咗男人聲咁嚴重!!!!!
     
    緊係啦 - 病又唔戒口,仲去食韓國燒烤.......
     
     
     
     

    回覆刪除
  3. 又有殘忍飯食呀 ,  不過我唔食鹹魚架, 你D 鹹魚是香港帶去嗎?
    [版主回覆12/15/2009 22:22:00]係呀~ 不過我依個唔算殘忍 - 因為我個煲都幾大架,唔係煲仔來!
     
    我好鍾意食鹹魚架! 尤其係梅香~~~~  我返親香港都叫V媽媽整梅香鹹魚頭比我食架!
     
    不過依樽鹹魚係喺依度中式超市買架! 我為咗整依煲飯先買既,冇唸過竟然會咁正喎~~~~
     
     

    回覆刪除
  4. 鹹魚中我都只買梅香喎 , 我以前多數整鹹魚雞粒豆腐 , 我就只鐘意食那梅白味囉....
    [版主回覆12/16/2009 01:39:00]梅香鹹魚真係極品~~~~ 鹹魚雞粒豆腐好正啊! 仲可以整魚香茄子呢~~~~
     
     

    回覆刪除
  5. 咁香既煲仔飯我都係要忍口 ~今日真係咳到嘔
    [版主回覆12/16/2009 01:37:00]妳咳千其唔好食煲仔飯呀!!!!
     
    妳成日都咳既~ 係咪氣管弱?
     
     

    回覆刪除
  6. 今次啲飯真係好鬼死靚,一粒一粒咁,睇完妳一次又一次既煲仔飯,攪到我越來越身痕(買煲)
    [版主回覆12/16/2009 01:36:00]好過上次果pat 啊可? 上次我睇咗阿蘇個video呀.......第一次煮煲仔飯唔識,唸住參考吓佢囉~ 佢話水要過手背......就係咁賴咗野!!!!!
     
    快d去睇煲啦! 我尋日先嗲老公買多1個16 / 18cm 細煲 + 1個26cm oval casserole~~~ 不過依兩個好難撞啱色 - 我見而家都有貨,但係粉紅 + 粉綠......我唸要等一輪先有其他色!!
     
     

    回覆刪除
  7. 好好味喎,加埋土魷就真係要坐飛机來吃
    [版主回覆12/16/2009 20:11:00]我唔鍾意就咁食土魷果喎.....土魷我多數用來煲湯~
     
     

    回覆刪除
  8. 其實係咪因為cast iron個蓋夠密,啲水份蒸發得少啲,但係阿蘇係咪用瓦煲,瓦煲好快就乾水,所以妳跟佢落一樣咁多水,就變咗多水得滯
    [版主回覆12/16/2009 20:12:00]咦......又可能係喎!
     
     

    回覆刪除
  9. 其實我都好少咳,上次病一星期就好番,不過今次嚴重左氣管敏感真係咳得犀利時就嘔
    唉~今個月都係黑仔!!
    [版主回覆12/17/2009 09:19:00]有冇睇醫生呀? 記住妳妹妹喺英國帶來比妳既零食,暫時唔好食住嘞~~~ 加油啊! 要快d好返過聖誕呀!!!
     
     

    回覆刪除
  10. 我好鐘意你個鐵煲ar~ 之前見你用個鑼煲煮好多餸都得 整煲仔飯一定仲好味...而且個鐵煲係平底,岩曬加拿大d用 我成日都想買番個生鐵鑊,但係加拿大好多都係用電磁爐,用唔到 唔知你個鐵煲向加拿大買唔買呢? 好想整咸魚煲仔飯比我男朋友試下....唔知佢鐘唔鐘意食呢..hehe
    [版主回覆12/17/2009 09:26:00]妳好~ 歡迎妳!
     
    外國比較多無火煮食,好多時都要用平底鍋架嘞~
     
    我唔知加拿大有冇Chasseur 依個牌子賣喎! 妳可以上網搵搵~ 不過就算冇,都一定會有Le Creuset!
     
    妳男友有冇食過 / 鍾唔鍾意鹹魚? 若佢未試過,妳咪整比佢試吓囉~~~~
     
     

    回覆刪除
  11. 我岩岩check左toronto無chasseur ar.... 不過le creuset屋企附近有 等我聽日無咁大雪揸車買番個鐵煲先 不過唔知我男朋友鐘唔鐘意食咸魚 佢同你老公一樣都係個假鬼佬 我上次整蝦膏蒸豬肉佢就唔鐘意食la 但係佢鐘意食飯...好怕佢頂唔頫浸咸魚味唔食ar
    [版主回覆12/17/2009 18:21:00]唔一定要佢都食妳先可以整架!
    佢唔食妳都一樣可以整比自己食架~~~~
     
     

    回覆刪除
  12. 我已經打錯左3次,我已經咳到死點解都要蝦我
     
    [版主回覆12/17/2009 18:19:00]因為Yahoo 係一個死性不改既賤人!!!!!
     
     

    回覆刪除
  13. 我上星期五開始病,已經睇左1次西醫,今日又睇中醫都睇左3次
    可能天氣凍氣管敏感會難好D,而家唔敢食熱氣野,同飲凍野啦!
    我就係食太多亞妹俾我既零食出事
     
    [版主回覆12/17/2009 18:19:00]我都估到係妳妹妹既零食架嘞........  忍吓口啦!
     
     
     

    回覆刪除

Related Posts Plugin for WordPress, Blogger...