Mr.T & Mrs.T's New "T-Shirts"

孖T又有新衫著!

釣魚記@Loch Long Arrochar (2013年8月25日)

大約2星期前姑仔同男友去釣魚釣到十幾條鯖魚，
事後仲醒咗4條比我地;
之後喺FB見到有位住喺南下既blog友又釣咗40幾條鯖魚，
請教過對方，發現並唔需要sophisticated既工具，
鯖魚咁鬼易上當!
咁好玩~ 於是星期日(8月25日)我同Mr.T又去試吓!!

再戰"魷魚和鯨魚"plus 試新野Harvester

Last weekend食果2餐(韓國野 + Mexican-American)念念不忘，
巴不得快d再去幫襯!

魚與熊掌 (2013年8月17 + 18日)

我...我...我......又買鑊......今次仲買咗2隻! 是咁的.......

T家蟲蟲世界

自從我用掛咗水袋既方法趕走哂d烏蠅，
我就肆無忌憚將屋裡面既窗有咁大開咁大! 
可能因為咁，再加上近日每日都有小雨，
突然多咗好多蟲蟲失驚無神走入來嚇我!!

7月25日9.34am，佢喱埋咗喺我部netbook底下，
我一拎開部netbook就見到佢，
電光石火間未睇清楚佢係乜野，比佢嚇到彈起!

睇完唔流眼淚...我就話你好野!

唔知大家仲讀緊書既時候，有無試過上堂時覺得無聊得滯，
喺課本邊緣畫大咋公仔，再快速翻動書頁，
d公仔就會好似郁緊咁呢? 唔專心既阿V就試得多嘞!
(不過由於阿V畫功欠佳，只限火柴人公仔........)

一個美味滿分既weekend Part 2 - Squid & Whale (2013年8月18日)

Squid & Whale位於Glasgow 一條大馬路Great Western Road，餐廳都幾大，足足佔咗2個打通咗既舖位，
我 + Mr.T渣車經過無數次Great Western Road，
門面咁大我地當然知道依間野既存在，不過佢咁既門面裝修，
我地多年來一直只當Squid & Whale係一間普通既pub，
根本從來無唸過要入去食飯!

一個美味滿分既weekend Part 1 - Kim's Mini Meals@Edinburgh (2013年8月17日)

近兩三年蘇格蘭似乎多咗好多韓國人，
行行吓街周不時會聽到人講韓文，
連帶韓國餐廳亦多咗，以愛丁堡為例就有3間韓國餐廳嘞!

星期六(8月17日)Mr.T朝早又要返office，
我又例牌跟埋去行街shopping hea住等Mr.T工作完畢，
之後我地去Kim's Mini Meals食韓菜午餐~

新加坡 - 海南雞飯

整過好多次海南雞飯，不過以今次最滿意~
索性改良舊既食譜重新發表一次! 

今時今日應有既服務態度 (2013年8月10日)

上星期五喺Lakeland網站見到依套世界6大地標曲奇模，
我即時變咗心心眼 ，好想即時擁有!

The Conjuring (詭屋驚凶實錄) - 2013年8月11日

99、Mr.T + 我都係恐怖片迷!
不過3個人之中有一個係膽小鬼...果個就係我......(抱歉~ )
我自己一個人既時候絕對唔會睇鬼片，
每次睇完鬼片當晚，任何時候我都要Mr.T同我共處一室，
即係無論我去廚房定去洗手間，我都要Mr.T陪我一齊去，
若佢要去洗手間，我又會跟埋入去........
正宗又要驚又要睇!

二人世界食過乜 - 2013年8月9日至13日 (附食譜)

8月9日: 忌廉芝士煙三文魚意粉; 辣雞翼上星期五無買餸本來唸住等Mr.T放工後叫外賣，
不過對住咋餐牌來來去去都係印度咖喱呃洋人中國菜炸魚薯條，
唔想食依d野，但又唸唔到食乜!

咖喱三文魚頭

日本 - 照燒鯖魚 Teriyaki Mackerel

最強治療法 (2013年8月3日 + 4日)

我(又)拗柴了!

星期六(8月3日)朝早Mr.T要去愛丁堡office整少少野，
咁啱早一日Edinburgh Festival Fringe(愛丁堡邊緣藝術節)開咗幕，
於是我跟埋Mr.T去愛丁堡office，
等佢攪掂工作後，一齊去睇藝術節.........

沒有最荒謬，只有更荒謬!

新聞睇到香港有團體要求關愛基金擴闊資助範圍，
令綜援家庭子女可以接受資助去遊學........
之前有個家住板間房既小六女生開始學鋼琴又想學中國舞，
團體又幫佢要求政府津貼.........我睇完之後除咗想講句"唔係吓化?"，仲好想講粗口!今日學鋼琴要政府資助，難保他日........
學鋼琴要買座鋼琴來練習，政府要資助我買鋼琴!
鋼琴好大座，板間房唔夠大放唔落，政府要資助我搬大屋!!

二人世界8月頭三餸一湯 (附食譜)

話咁快今日已經立秋!
近一星期氣溫有點回落，陽光柔和咗好多，
大太陽間中先出下來，氣溫徘徊於17、18度之間，
但唔知點解咁既溫度仍然覺得好翳焗?
不過始終無之前咁熱屎辣辣，終於可以煲老火湯~

8月2日三餸一湯:青紅蘿蔔煲日月魚; 香茅魚露雞翼; 豆角炒蛋; 蒜蓉菜心

Cream of Mushroom Soup with White Truffle Oil 白松露油忌廉蘑菇湯

Squid Ink Spaghetti with King Prawns & Scallops 大蝦帶子墨魚汁意粉

青紅蘿蔔煲日月魚

一頓好貴既早餐@Carluccio's (2013年8月1日)

上星期四(8月1日)Mr.T返工前有空檔陪我食早餐.........
是日我唔想食麥麥早餐，又唔想食大大份既英式早餐，
我想食egg benedict!

麥當V - 老翻麥麥Strawberry & Banana Iced Fruit Smoothie

今個熱辣辣既英國夏天，
各大咖啡店快餐店都推出唔同口味既smoothie~
雖然我極少飲凍飲，不過有時喺街真係太鬼熱，
無理由仲整杯滾熱辣Earl Grey架嘛!

香茅魚露雞翼

豆角炒蛋

我好鍾意食依味簡簡單單既餸，
但唔知點解一直都無自己煮過.......