我就肆無忌憚將屋裡面既窗有咁大開咁大!
可能因為咁，再加上近日每日都有小雨，
突然多咗好多蟲蟲失驚無神走入來嚇我!!
7月25日9.34am，佢喱埋咗喺我部netbook底下，
我一拎開部netbook就見到佢，
電光石火間未睇清楚佢係乜野，比佢嚇到彈起!
定神後見到佢反咗肚又唔郁，
我仲以為係我拎開部netbook時唔為意整死咗佢，
本來對佢有少少歉意........點知原來佢只係咋死!!
當我鼓起勇氣準備用紙巾包起佢時，佢突然奮力掙扎!!!
又被佢嚇到再次彈起~~~~
其實我唔太怕飛蛾，而且見佢肥嘟嘟毛絨絨尚算可愛~
不過佢既size有少少超出我可以接受既底線.........
Mr.T返咗工，最後我唯有深呼吸一下用紙巾拎起佢，
有驚無險總算捱到窗邊放走咗佢!
8月4日11.39pm，長腳蚊1號突然出現於客廳!
基本上我完全唔驚長腳蚊，
不過佢一入到來就發哂癲咁不停亂飛!
我怕走漏眼一陣佢喱埋屋企隱閉處，之後再突然出現嚇我.......
Mr.T喺屋裡面"追"咗佢一陣，佢終於乖乖落網，
由Mr.T does the honour喺窗邊放走佢~
2號有對特長後腳，外型有點恐怖........
唔知係咪佢對腳太長，佢動作有點論盡，
而且睇佢個款好似仲驚過我!最後都係由Mr.T溫柔地放走佢~
佢一入到屋圍住廳燈亂飛! Mr.T眼明手快收伏咗佢~
8月12日9.26am........
前一晚臨瞓被飛蛾2號嚇一嚇，
估唔到第二朝喺浴缸發現依隻大佬! 今次我除咗嚇到嗌，
仲嚇到流咗馬尿! 因為咁多蟲蟲之中，我最怕蜘蛛!!
又唔係驚蟄，究竟乜解救? 最慘既係 - Mr.T返咗工!!
怕佢會周圍走，唯有用個喱笠住佢，等Mr.T放工返來處理......
走廊有隻大佬2號，我即時尖叫~~~~~~~~~~~~
頂! 係咪太誇張呀!! 究竟想點? 係咪真係要嚇死我為止??
Mr.T: 今次我喺度，妳係咪無咁驚呢?
2隻大佬太過恐怖!
就咁放窗邊恐妨佢會好似蜘蛛俠咁爬返入來，
Mr.T將佢地攞出街有咁遠放咁遠...........
Hello,V.唔知點解我屋企最近都多左好多昆蟲,有蜜蜂,飛蛾同蜘蛛.
回覆刪除我都最驚蜘蛛!我琴日打死左隻蜘蛛,本來想趕佢去窗口等佢走,不過佢死都唔走,仲彈下跳下,我趕住返工,用拖鞋打死左佢.
[版主回覆08/22/2013 02:14:04]之前既夏天可愛d，唔係飛蛾蜘蛛長腳蚊，而係ladybird bumblebee 依d可愛昆蟲~
除咗烏蠅之外，任何擅自闖入我屋企範圍既蟲蟲，我都盡可能唔殺佢地 (唔小心整死咗唔計!) 因為我只係怕佢地個樣，但佢地唔係害蟲~
咦乜scotland 冇紗窗架??
回覆刪除我住美國呢度基本上每個可以開既窗都會有層紗網,就係防止開左突之後d蟲蟲飛入屋
不過當然heater出風口/門縫之類個d位避唔到...所以我有時都會嚇到驚叫...我最怕最憎都係蜘蛛...T__________T
[版主回覆08/22/2013 02:09:36]唔係無，其實點會無? 只係一我無見過有人屋企裝紗網，喺英國蟲蟲出現既日子唔會長，二就算有我都唔會裝，因為唔美觀~
其實我唔憎蜘蛛，只係怕佢地......
好古惑呀...咋死都識....
回覆刪除[版主回覆08/22/2013 17:53:57]我拎起部netbook佢已經反咗肚 + 完全無郁過，咁我咪以為佢一早死咗或我唔小心用netbook 整死咗佢囉! 點知我張紙巾一掂到佢即時發狂! 放佢走時都不知飛得幾精神!!
嘩,咁多野捉,好忙啫,如果係我就死梗,我無論係飛0既,爬0既,我都會嚇過半死,我連蜻蜓都好驚,如果見到小強,我直情會失控!真係,唉!
回覆刪除[版主回覆08/27/2013 21:27:51]這個當然啦!
[Concon 煮意回覆08/24/2013 15:16:25]小強唔見就吧喇,哈!
[版主回覆08/22/2013 17:51:18]我無捉呀，Mr.T捉之嘛!
上面果咋除蜘蛛外，其實我全部都唔驚! 我只係怕佢地突然出現 + 發癲掙扎亂飛，只要佢地靜靜地停落來，我捉佢地其實完全無問題~
託賴我來英國咁多年都未見過小強!
其他都可以唔太驚....之但係.....飛曱甴 & 蜘蛛真係好....好.......好驚囉.....咁多年都克服唔到.....佢哋一出....我會周屋走 & 喊到收唔到聲 ga.....
回覆刪除[版主回覆08/22/2013 17:49:44]面果咋除蜘蛛外，其實我全部都唔驚! 我只係怕佢地突然出現 + 發癲掙扎亂飛，只要佢地靜靜地停落來，我捉佢地其實完全無問題....除蜘蛛外!!
仲有我都勁驚甴曱(唔係曱甴啊!) + 四腳蛇! 不過託賴我來英國咁多年，從未見過依兩樣! 希望將來亦唔會見到~
真係咩種類既昆蟲都有喎....其實我見到呢D昆蟲又未至於驚到嗌, 反而最驚係佢地半夜三更爬上我張床.... (係咪諗得太多呢?)
回覆刪除[版主回覆08/22/2013 17:47:35]上面果咋除蜘蛛外，其實我全部都唔驚! 我只係怕佢地突然出現 + 發癲掙扎亂飛，只要佢地靜靜地停落來，我捉佢地其實完全無問題....除蜘蛛外!!
哇...真係恐佈過睇鬼片....我都超驚任何蟲類..包括蝴蝶,蜻蜒...但而家屋企有我最驚既四腳蛇..我真係心臟病都似...你中意開大個窗,不如試下加個蚊網係窗到啦...減少好多心臟病發機會架...
回覆刪除[版主回覆08/22/2013 17:46:51]上面果咋除蜘蛛外，其實我全部都唔驚! 我只係怕佢地突然出現 + 發癲掙扎亂飛，只要佢地靜靜地停落來，我捉佢地完全無問題~
我唔會加蚊網，因為太肉酸! 反正英國天氣涼，每年佢地只出現好短時間
I can imagine how terrified you were cos I will be the same.
回覆刪除[版主回覆08/22/2013 17:44:35]actually im not afraid of any bugs above...apart from the spiders! i just hate they suddenly appear, scare the shit out of me!!!!
哎呀....見到都怕怕~我又唔係好驚，不過見完佢地就硬係周身痕、唔舒服咁，所以我唔啱住郊區啦
回覆刪除[版主回覆08/22/2013 17:34:43]見到怕怕....但又唔係好驚....好矛盾喎!
好恐怖！我屋企都係咁，乜蟲都有，搞到我成日疑神疑鬼，一有D黑影飛過就會嚇到成個彈起
回覆刪除[版主回覆08/22/2013 17:33:47]上面果咋除蜘蛛外，其實我全部都唔驚! 我只係怕佢地突然出現 + 發癲掙扎亂飛，只要佢地靜靜地停落來，我捉佢地完全無問題~
其實最乞人憎就係佢地無啦啦出現嚇到成個彈起!!
細個住新界咩昆蟲都有, 對佢地已無感覺, 最誇一次一晚捉3隻"臭屁辣", 捉走左間屋都仲會臭一陣, 但我咩都唔驚竟然怕長腳蚊!好似你呢種特長腳我會嚇到衝左出九龍
回覆刪除[版主回覆08/22/2013 17:23:55]上面果咋除蜘蛛外，其實我全部都唔驚! 我只係怕佢地突然出現 + 發癲掙扎亂飛，只要佢地靜靜地停落來，我捉佢地完全無問題~
買個電蚊拍對付佢地! 同佢地可以保持DD距離而且仲好好用.
回覆刪除[版主回覆08/23/2013 06:20:52]佢地唔係害蟲，我唔想整死佢地
我最怕昆蟲，特別是醜樣到暈嘅曱甴和蜘蛛，每次見到都嚇到各有各走，想起都毛管戙!
回覆刪除[版主回覆08/27/2013 21:18:52]我都係最怕依兩樣! 不過我來英國咁耐一隻甴曱都無見過! (係甴曱，唔係曱甴! )
我都好驚哩d 上次先同隻蜜蜂"打完交"
回覆刪除[版主回覆08/27/2013 21:20:02]其實上面果d我只驚蜘蛛，其他只係怕佢地突然出現果吓嚇親我!
我bf屋企都勁多昆蟲, 起初果陣好唔慣, 成日黎咁走/飛, 嚇到e呀鬼叫 但依家就比較淡定d~
回覆刪除[版主回覆08/27/2013 21:22:39]我唔會e呀鬼叫，因為除蜘蛛外我根本唔驚佢地，只係佢地突然出現嚇親我，我嚇一跳時可能會"吖"一聲咁囉....
我都怕昆蟲，每次見到都嚇到走來走去
回覆刪除[版主回覆08/27/2013 21:21:30]哈哈~~~~ 我唔敢走來走去，我要及實佢地，要清楚佢地位置! 我怕走漏眼佢地唔知去咗邊我就頭痕嘞!
好正呀你篇日記!我都好驚昆蟲,但睇左你生動的文字就唔多驚啦,仲笑左><
回覆刪除