2013年8月7日星期三

二人世界8月頭三餸一湯 (附食譜)

話咁快今日已經立秋!
近一星期氣溫有點回落,陽光柔和咗好多,
大太陽間中先出下來,氣溫徘徊於17、18度之間,
但唔知點解咁既溫度仍然覺得好翳焗?
不過始終無之前咁熱屎辣辣,終於可以煲老火湯~



8月2日三餸一湯:青紅蘿蔔煲日月魚; 香茅魚露雞翼; 豆角炒蛋; 蒜蓉菜心



真係好耐無煲過老火湯嘞,好想飲青紅蘿蔔湯,
今次唔用鱆魚乾,用日魚月,啖湯甜到完全唔需要再加鹽~ 正!
青紅蘿蔔煲日月魚食譜click here~



之前已經好想整雞翼,不過早前超市賣哂雞翼先焗住轉整梅頭肉!
太陽收歛咗少少天氣涼返d,就即時少咗人BBQ,
雞翼終於回歸超市!!
香茅魚露雞翼食譜click here~



雖然另外有碟炒菜心,不過豆角減價,
而且真係好想食豆角炒蛋! 多dd蔬菜都無妨吖!
豆角炒蛋食譜click here~


最近睇新聞上海天氣熱到,
廣場石屎地熱到可以煎熟一塊五花腩!
蘇格蘭天氣當然無上海咁誇張,
不過當大太陽間中出現時.........



超市門口都可以將一隻跌爛咗既雞蛋煎至半熟!



依個時候最好整返杯smoothie歎吓!
老翻麥Strawberry & Banana Iced Fruit Smoothie食譜click here~


立秋後即好快又到中秋........
最近已見月餅廣告空群而出!
又開始要準備整月餅~



一個月前醃既鹹蛋........


隻隻起哂砂滴哂黃油 ,對阿V來講,要依d水準既鹹蛋黃,
整出來既月餅先見得人嘛!
自製鹹蛋 - 鹽水浸製法click here~



8月5日: 大蝦帶子墨魚汁意粉



上個禮拜喺Itailan Market買既墨汁長意粉........




加埋大大隻肥美新鮮帶子 + 大蝦.........




墨汁意粉本身有墨魚汁鮮味,同海鮮非常配合!
依碟意粉勁好味~~~~~

依碟意粉去意大利餐廳一定食唔到! 因為.......
一來一定唔會有咁多料; 二來一定無咁大碟;
三來唔知點解洋人煮帶子一定會搣走橙色果塊"帶子卵".......
我好鍾意食架嘛! 
自己煮就完全無依個問題嘞!!
大蝦帶子墨魚汁意粉click here~


白松露油忌廉蘑菇湯食譜click here~

自從買咗枝Bamix神仙棒之後,一直都好想整依個!
自己整既蘑菇湯真材實料特別香濃,
我特別加咗少少香甜sherry酒,
再加上白松露油...菇香撲鼻~~~~
Mr.T仲大讚話依個係佢飲過最好味既蘑菇湯呢!



佢入宮未夠2個月,但已經成為咗我近期玩得最多既廚房玩具!
佢真係好好玩 + 好多玩法,我簡直愛屎佢~~~~~
有點後悔太遲迎佢入宮!!
後知後覺既我2個月後既今日先發現...........
原來依枝靚仔銀色,係Bamix 50週年特別版來喎! 呵呵~~~



Photobucket

9 則留言:

  1. v,我都好想飲果個磨菇湯呀
    Btw請問那裡有日月魚賣?
    [版主回覆08/07/2013 23:36:20]妳都試吓整個蘑菇湯,好簡單~
    日月魚係V婆婆喺長洲既海味檔買比我架! 不過我唸海味店都會有得賣~

    回覆刪除
  2. 你自己醃嘅鹹蛋....整得好靚
    咁你幾時開工整月餅呀?
    [版主回覆08/07/2013 23:33:06]Thank you 胡李媽媽! 多得屋企附近有間小店賣既大大隻新鮮靚鴨蛋~

    我都仲未決定幾時開工整月餅呀! 不過今年我決定減產~ 最緊要整V媽媽 + 99果2份!

    回覆刪除
  3. 今年夏天好多雨..好似無咩熱過就立秋....
    [版主回覆08/08/2013 19:59:42]香港今年真係成日打風 + 雷雨.....
    好多人同我講今年係英國歷年天氣最好既夏天~

    回覆刪除
  4. 蕙食廚房 - Cat's kitchen2013年8月7日 下午7:12

    澳洲凍到c...我都有stand mixer,超好用
    [版主回覆08/08/2013 19:57:57]係喎~ 而家澳洲冬天喎!

    依枝係stick blender~ mixer還mixer; blender還blender,用途完全唔同喎!

    回覆刪除
  5. 我成日都有睇你個BLOG嫁! 但都係第一次留言, 因為實在忍吾住要講句, 你整嘢食, 真係好......得呀!
    [版主回覆08/08/2013 19:53:57]好多謝妳支持 + 留言啊Sara! I'll keep trying my best~

    回覆刪除
  6. 枝神仙棒真係好好用, 又容易收藏, 但你打蘑蓉湯時冇飛彈晒出黎呀?
    我果支神仙棒係Kenwood, 其中一支棒係專for打湯, 個"罩"大D, 唔會彈到週圍係, 同埋果支係膠做, 唔會刮花個煲, 我都好鍾意用呢~
    [版主回覆08/08/2013 19:52:19]雖然Bamix大馬力,不過打湯時有向內既漩渦,完全唔會彈出來!
    我發現市面其他牌子stick blender設計大同小異,e.g. Kenwood, BOSCH, Philips, Krups...設計配件幾乎一模一樣! 打蛋就換枝bubble whisk; 打湯就用似蘑菇果枝.......
    Bamix 既設計同其他stick blender完全唔同 (我唸係佢地專利設計!) 只得一枝,唔同用法只需要換一個好細既頭(有4種!) 但烕力大到妳唔信!! 妳見到果枝4隻腳唔會轉架,只係個頭會轉,所以同樣唔會刮花煲!
    其實我好耐以前都用過一般設計既stick blender,不過用過一次我就揼咗,因為一放入湯就捲實哂材料.....Bamix 同其他stick blender真係好唔同,用過先知咁貴係有理由 + 值得!

    回覆刪除
  7. 緊張大師-小女人2013年8月8日 上午2:56

    Mrs.T你的花花枱墊同心型碟好搶鏡呀,你個新愛好出力喎,替你弄了好多美味食品,讚呀
    [版主回覆08/08/2013 19:34:11]心心碗係新買,枱墊買咗好耐,同塊枱布同一系列,不過之前枱墊擺埋咗一邊唔記得攞出來用.....

    回覆刪除
  8. 哇...隻咸蛋真係好靚喎..整月餅真係一流.......

    回覆刪除
  9. 我都要跟你食譜試下醃咸蛋至得!!! 街市買雖然平, 但香港D 咸蛋又係大陸入口, 大陸咩都假又用埋D化學野, 自己醃穩陣D!
    你真係好犀利呀好多野都識整!!
    [版主回覆08/13/2013 20:58:28]過獎嘞Kyra! 我都係邊整邊學呢~

    自家製鹹蛋包無化學野,仲好食過街買,食得安心又開心!

    回覆刪除

Related Posts Plugin for WordPress, Blogger...