上星期四(8月1日)Mr.T返工前有空檔陪我食早餐.........
是日我唔想食麥麥早餐，又唔想食大大份既英式早餐，
我想食egg benedict!
但從來未去過既意大利餐廳Carluccio's~
短短一段路Mr.T把傘隊哂過來遮我，我好乾爽，但Mr.T就淋到個頭濕哂.......
前店後餐廳~ (店賣意大利食品、調味料、少量廚具)
但我份Egg Benedict就唔包，我要另外點個Earl Grey，
以為會有一壺啦，點知都係一杯來!
幸好杯茶好香~ 
Mr.T既Colazione Magnifica
Free range煎蛋2隻、烘意大利吐司1塊、炒蘑菇、
Smoky pancetta煙肉 + 半個燒蕃茄，包茶承惠£9.75!
雖然好好味，不過我要比個唔合格佢!
唔係因為佢貴，而係2隻水煮蛋當中有一隻已煮得太熟，
個黃雖未至於變實變粉，但已經唔係流心，Egg Benedict流心水煮蛋係基本野來，我自問一定煮到好過佢既水準，
所以佢地收得咁貴就更加唔可以原諒!
加埋我杯Earl Grey，依餐早餐要£22，好鬼貴!
好食但唔抵，下次唔會去食早餐，
會去試吓lunch or dinner~
真的好鬼贵
回覆刪除[版主回覆08/06/2013 05:46:17]印象中好似未食過咁貴既早餐......
super super expensive breakfast
回覆刪除[版主回覆08/06/2013 19:08:06]nice but too expensive.....
"短短一段路Mr.T把傘隊哂過來遮我，我好乾爽，但Mr.T就淋到個頭濕哂"<-----好錫你呀
回覆刪除[版主回覆08/06/2013 19:07:18]試過突然落大雨無遮，個傻佬用手掌幫我遮雨......
雖然好細微，不過我好冧架!
有老公咁愛自己冧晒,好偉大的Mr.T讚呀,又貴又唔係咁有水準就可以唔食啦,但係又真係可以試下晚餐,連晚飯都唔掂,咁就省回食第二間啦
回覆刪除[版主回覆08/06/2013 19:04:20]其實依餐係好食既~ 不過咁既份量材料，價錢真係貴囉，依個價錢我去酒店食自助式早餐都得! 就係因為佢收得貴，我認為水準應該要更高先合格
真係幾貴喎... 仲要呢D早餐係英國係咪好common架?
回覆刪除[版主回覆08/06/2013 19:02:12]依d早餐唔算好common，英式早餐先common，英式早餐周圍都食得到!
mr t真係好好呀
回覆刪除[版主回覆08/06/2013 19:00:14]因為佢好我先肯嫁比佢嘛!
餐早餐真係貴咗D喎.....不過有 Mr. T 不怕淋濕晒...陪你食早餐....冇所謂啦.....
回覆刪除[版主回覆08/06/2013 18:59:21]雖然貴，但係我地都好enjoy~
一餐好貴,但好冧既早餐...
回覆刪除[版主回覆08/06/2013 18:58:32]咁又真喎! 雖然貴，但都係好食，而且坐得舒服，好有拍拖感覺~
食個早餐隨時貴過lunch
回覆刪除[版主回覆08/06/2013 18:57:31]咁既價錢喺酒店食自助早餐都得嘞!
我係勁鐘意食你果份, 成日係屋企都整黎食!!
回覆刪除[版主回覆08/06/2013 18:56:09]我都整過Egg Benedict，不過果時Mr.T喺南下出緊差，所以佢仲未試過我整既~
我都記得妳之前整過Egg Benedict，一於自己整多次
回覆刪除[版主回覆08/06/2013 19:29:59]果日出咗街先唸食乜，整唔切~ 不過我都唸住整比Mr.T食，佢成日都話想食我整既!
好難得你煮野食咁叻都咁willing出去比錢食, 你要整都整得好過佢地啦~~!! hahaa~!! ^^
回覆刪除[版主回覆08/08/2013 00:22:49]自己整同出街食兩種感覺唔同架嘛! 鍾意煮野食既人大都鍾意食野，鍾意食野就會鍾意出街食飯!
其實我已經過，而且的確整得好過佢地~
真係都幾豐富下咁喎!
回覆刪除[版主回覆08/08/2013 00:19:56]豐富? 豐富未輪到佢，貴就有份.....
我住個TOWN都有呢間， 但只幫襯過一次， 覺得有點貴而味道不是十分。
回覆刪除[版主回覆08/08/2013 20:02:36]之前喺Birmingham見過但無幫襯，後來發現Glasgow開咗分店~
佢地既早餐我覺得ok，不過真係貴
22磅真系禁住搶哦！而且仲要連茶都吾包！間野多人嘛？
回覆刪除[版主回覆08/13/2013 02:08:52]連埋我地得3枱人~ 不過閒日上班時間(10am)少人係正常既