令綜援家庭子女可以接受資助去遊學........
之前有個家住板間房既小六女生開始學鋼琴又想學中國舞，
團體又幫佢要求政府津貼.........我睇完之後除咗想講句"唔係吓化?"，仲好想講粗口!今日學鋼琴要政府資助，難保他日........
學鋼琴要買座鋼琴來練習，政府要資助我買鋼琴!
鋼琴好大座，板間房唔夠大放唔落，政府要資助我搬大屋!!
綜援家庭本身已經花緊納稅人既錢生活，
點解納稅人仲要負擔埋佢地既課外活動 + 外遊??Since when d人覺得想要既野得唔到，
就可以攤大手板問政府任攞???果d所謂團體既人究竟係食乜野大? 白痴到無朋友!
同大家分享一下以下2件事:
(1) 此事由V媽媽致電親自口述........
大約2星期前有一對形似嫲孫來到V媽媽既店，婦人約60; 男孩約十零，
男孩攞起一袋大白鯊來欣賞，該袋魚售價$38大洋，男狀甚嗒糖 + 想買，
但婦人在旁不斷叫喊: 唔好買唔好買，咁核突! 我唔幫你換水架!!
男孩依依不捨放低袋魚，跟隨婦人離去~
Later that day婦人+男孩再次來到店，
男孩再次攞起之前果袋大白鯊........
婦人: 唔好買啦!!
V爸爸(終於頂婦人唔蒲): 佢想買，妳就係咁叫佢唔好買，咁買來都無意思啦!
V媽媽(溫和地): 係呀~ 佢鍾意妳唔鍾意，咁真係唔好買，無謂買咗返屋企嗌交嘛!
婦人(老奉地): 咁平d啦!V媽媽(明顯係串佢): 如果妳鍾意既我送比你都得! 妳都唔鍾意，我計平妳都無意思!
婦人聽後悻悻然行過隔離舖頭........
男孩決定要袋大白鯊，V爸爸幫佢入緊袋時.......
男孩竟然走去問V媽媽: 可唔可以送比我?
V媽媽呆咗無回答; V爸爸問男孩收錢，
男孩乖乖付上38個大洋.......
男孩臨走前，V媽媽忍唔住問佢: 你讀幾年級?
男孩: 我讀緊中學架嘞!
V媽媽: 你第日點樣出來社會做事?
男孩無回答，離開店........
(2) 之前喺FB分享咗以上依件"送比我男孩"既事，
有blog友回應分享佢自己另一個遭遇........
一個下午Blog友去超市，
有個著住校服約高一高二咁上下既男生問Blog友可否幫忙，
Blog友問男生咩事，
男生回答想blog友請佢飲可樂........
Blog友: 點解?
男生: 我口渴囉! Blog友: ......................
男生: 咁得唔得?
最後blog友當然拒絕咗啦~原本無打算喺blog分享以上2件事，
但睇完要政府資助遊學既新聞後我真係有感而發，
而家d年青人事事都咁老奉.........
如果你係HK,日日都見唔少荒謬野.
回覆刪除依家既公屋,大部分係拎綜援,新移民, 我唔明點解佢地可以用不適應香港生活,加快處理. 佢地既福利好過我多多聲. 最荒謬係好多係大陸有樓有資產,香港政府就CHECK唔到. 所以佢地CLAIM咩福利,都好易批.
[版主回覆08/08/2013 20:24:42]多得班政棍支持撐佢地幫佢地爭取囉! 越來越畸形
香港真係病了, 事無大小, 都將責任推比人, 買唔到樓都要上街遊行
回覆刪除[版主回覆08/09/2013 23:20:35]簡直匪夷所思.....
無野ar!!! 自己要飲可樂當然係自己要俾錢買la 點會叫個3唔識7既人請你飲!!!! 香港真係越來越多lee d 事
回覆刪除[版主回覆08/09/2013 23:18:12]如果唔係3唔識7，我寫出來妳都唔會覺得奇怪啦!
香港現在D新聞日日新鮮鑊鑊金,事事都嘈一餐,班政棍系度搞搞震,睇見都煩!
回覆刪除香港系染左病..被人傳染左無賴無知癲狂症....
[版主回覆08/09/2013 23:17:30]真係好唔明而家d人點唸野? 完全唔合邏輯......
我諗,係因為香港而家乜野事都有團體出尼幫你申請,所以令到啲人咁..而啲團體就以為自己咁樣叫做有做野,有幫到人,但真係唔會理後果囉...
回覆刪除好似啲乜乜議員成日走出尼大嗌大叫,我諗其實佢地對件事係無感覺既,只係覺得,要做啲野比人睇,等多啲人支持自己啫...所以..做show囉...唉...
[版主回覆08/09/2013 23:15:29]其實個point唔係幫唔幫人，而係幫到咩程度既問題! 無可能要乜都攤大手板問政府攞囉!
政棍做show，市民就要用吓個腦，究竟對方係咪真係為社會做野!
the world has changed alrdy, all those who rely on Govt aids always think it is their rights to entitle this kind of aids and wants more and more. They never thought some lower class people without any aids from the Govt are living in a worse condition than they. Besides, some of those so called social workers or other organisations are helping this group of people in order to get more and more aids from the Govt which annoys a l,ot of HK people now.
回覆刪除[版主回覆08/09/2013 23:11:27]The community care fund - what a bunch of shit!
所以搞到依家 d 新移民個個靠政府養 唔肯捱 ~
回覆刪除拎綜援過萬 打工得8千 點會同妳捱 ~
[版主回覆08/09/2013 23:02:31]而家d人真係有問題! 窮到無錢開飯仲問政府要龍蝦.....
绝对認同你既講法！唔係話唔去幫人，但幫你有個譜，係！不是老馮嘛！中產又買唔到楼，仔女夠要学琴、遊学，又唔見政府幫手！而家都唔知咩世界！
回覆刪除[版主回覆08/09/2013 23:01:06]其實課外活動 + 遊學都唔係必需品，扶貧唔係咁扶法囉! 所以無論係低收入家庭或中產家庭都唔應該有政府資助!
低收入家庭任何時代都有，以前低收入家庭父母正職加兼職，仔女放學自己買餸煮飯做家務照顧細佬妹就有，課咩外活動遊咩學? 更加未見過想要乜都叫政府資助!
oh, in France, almost all Young people (Under 26?) are unemployed ... They wait for family or government help ...
回覆刪除[版主回覆08/11/2013 05:29:44]this is def not a good trend.....
絕對認同你的說法. 現在的香港......
回覆刪除不知道怎樣形容.
以前好想回港,
現在反而不太想逗留香港居住或者旅行.
總覺得香港人太燥, 有時仲無理取鬧. 好怕.
[版主回覆08/11/2013 05:26:13]我好愛香港，所以見到香港變到污煙障氣怨氣衝天，覺得好心痛......
V女我撐你！我睇完你篇章後深感認同！
回覆刪除時下嘅香港人有一有頭暈身興就嗌左同嘈定先，唔會諗下靠自身能力去改變生活條件，同政黨為左拉選票不惜一切去聲援，支持，聲討啲唔合理嘅抗爭！
早排人班年青話自己十八無能力買樓叫政府幫手！睇完真系想講粗口，腦筍都未生埋乜都未捱過就駁命叫，啲家長都唔知點教班兒女，無錢咪同屋人住羅！自己家為一女之母眼見，國內大部份年青人（撇除富二代）都系離鄉背井去讀書同搵食，相比下香港年青就越來癈越來越邊緣化，正好是反面教材，避免被同化！
（
PS:我是你的粉絲，望你的文章猶如追劇一樣，期待你之後的分享）
[版主回覆08/11/2013 05:19:32]早十幾廿年邊有人十八歲就要嗌買樓? 十八買樓要政府幫手，果兩個細過十八既去舖頭買野叫人送比佢或周街叫人買汽水，完全係行緊同一條路......香港究竟咩野事?
多謝妳捧場啊Heidi! 不過唔好叫自己做粉絲啦，係blog友啊~
d人完全扭曲哂扶貧既定義. 綜援係支助日常必需品, 唔代表「送你一個高質數生活」. 無錯, 每個人都想活得更好, 尤其想下一代學多d, 將來多條出路, 但都要睇自己有咩能力ga. 申請綜援唔係叫你依靠哂個靠政府生存囉, 只係比個緩衝期你平衡一下困境! 生常都未搞掂, 重諗更多非必要既野, 花多d時間教下一代處理收入開支, 點樣自食其力重實際啦!
回覆刪除[版主回覆08/11/2013 04:59:50]我真係好唔明，明明有手有腳點解要做社會寄生蟲? 攞綜援好馨香咩? 仲好意思諸多要求，完全唔知個醜字點寫!!
其實點解啲小朋友覺得咁係 OK? 因為父母咁教...
回覆刪除[版主回覆08/11/2013 15:39:29]兩個都讀緊中學架嘞, 仲小朋友?
V女, 我都同你一樣好愛香港，愛自己故鄉，
回覆刪除人在外國定居了，總會懷念香港私美食，家人及朋友，
所以見到香港變到污煙障氣怨氣衝天，
都同樣覺得心痛....
[小雲.jp回覆08/12/2013 16:23:42]都是. 真的好心痛.
[版主回覆08/11/2013 15:37:29]人人顧住出位唔理後果...最近果單就係典型例子
如果我想結婚，要一個好似Cool魔既老公，政府同團體可唔可以幫到手，如果香港所有宅男都話要結婚又話要拍拖，但係要個女朋友都要好似鍾嘉欣BB或樂瞳BB或翠如BB咁，政府同團體又可唔可以幫到手!!!!??????
回覆刪除[版主回覆08/12/2013 22:57:24]遲吓真係唔出奇架! 若早幾年有人話要政府資助低收入家庭子女去遊學，我會覺得係天方夜譚.......
真係好痴線，我睇到呢個報導，心裡面都係xzyqwy&*^@#%&!^ 一萬次。
回覆刪除我唔知點解你要拎宗援，但尊重政府批得比你，一定係你有咁既需要。但please... 宗援係for 日常生存既應用... 並唔係要你去「享受」.... 無錢仲要去旅行去學琴去遊學????? 無錢就努力搵錢囉... 點解要有能力既人比錢你去「享受」呀? 有能力既人都唔係話去旅行就去旅行啦.... 好嬲!!!!
[版主回覆08/12/2013 22:52:20]社會福利係必需，我亦相信唔係每個攞綜援既家庭都咁無恥，最嬲既反而係果班肚滿腸肥既政棍攪攪震，成日美其名"幫低收入家庭爭取"，實質只係不斷搾乾中產幫自己拉票
不勞而獲！老鬼都想，呢啲野發下夢就可以！盲目既福利主意只會挍死呢個彈丸之地
回覆刪除[版主回覆08/12/2013 22:47:46]人有我又要有咁先叫做扶貧，我真係覺得好荒謬!
低收入家庭唔再係教子女爭氣發奮，爭取自己想要既野改善自己將來既生活...而係想要乜就靠政府資助，所以先會去買野叫人送 + 叫陌生人買汽水....惡性循環!
我聽完都覺得d所謂既關愛貧窮人士既團體不知所謂咩都話要俾他們體驗,講真得過10幾日遊學都只係俾他們玩姐,我就唔信遊完後成績會突飛猛進囉!而且我們真係要去旅行什麼都要諗過計過,依家他們一句話要公平d咁就又要用我們d錢俾他們去體驗生活,講出黎個個都無腦既!
回覆刪除[ok回覆08/16/2013 14:23:36]我都覺得係..
[版主回覆08/12/2013 22:35:21]根本成立關愛基金就係一個錯既決定!
有道理
回覆刪除[版主回覆08/13/2013 21:35:03]唉......可惜依個道理唔係人人都懂 / 覺得啱!
我地真係唔會知點解D人會覺得政府需要為你地嘅生計負責, 唔好講話上一代佢地1人養家7個人食飯個D家庭都唔會諗綜緩呢樣野, 就算我自己都好,年年要交稅, 除咗我阿女有9年免費教育, 牙科保健之外, 政府任何褔利都享受唔到, 日日做到無停手, 連自己個女都未能有時間照顧, 日常生活要靠我阿媽睇住, 學業要靠補習老師, 只有週末同佢傾吓計, 跟進吓佢嘅成長............ 但眼見阿女身邊同學仔父母攞綜媛, 住公屋, 大把時間同佢溫書去玩...... 真係曾經聽過佢地講: 點解要做得咁辛苦唶, 家下都有萬幾蚊剩洗費, 幾好呀.........
回覆刪除我唔可以左右大人嘅想法, 但會為小朋友悲哀, 你咁樣係會完全扭曲晒小朋友嘅價值觀!
[版主回覆08/13/2013 21:33:57]只可以講上一代既人比而家依代有骨氣 + 責任感! 我覺得政府亦太軟弱太容易妥協就範，睇上次財爺派6000就知啦.......
妳阿女同學仔父母攞綜援抱住咁既心態，妳講得無錯真係要為佢地小朋友悲哀! 佢地而家就覺得好歎好梳乎，小朋友以佢地做榜樣，將來咪又變到好似佢地咁囉! 唔洗等好耐，而家已經見到惡果，就好似我舉果2個例子一樣!!
雖然我唔想「一竹杆打一船人」, 但我都好想鬧爆呢班「注米大蟲」, 嚟到香港只識得攞著數, 仲有個D政黨, 幫佢地爭取呢D、爭取個D, 佢地以為乜都可以依賴政府, 飯來張口, 我地細個時都唔會要求咁多野, 有本事佢地上返去, 以後唔好落嚟
回覆刪除[版主回覆08/15/2013 01:39:57]講開又講，果個死人施麗珊都忽忽地，竟然話應該取消住滿7年先可以申請公屋綜援 + 投考公務員! 如果真係取消咗住滿7年政策，香港就大檸樂嘞! 班納稅人真係跳樓都唔掂!!
投考公務員? 你估公務員咁易考架? 講真有米既個個去外國炒樓唔會申請去香港，批親落香港既大部份書都無讀過幾年，唔係想睇死佢地，只係就算比佢投考佢地有資格考咩?
絶對同意你的說法，香港現在實在一團糟，雖然我們人在外地也覺心痛，那些強國出來的人，只識生仔郤不想到要養，希望政府做老豆養起全家。
回覆刪除[版主回覆08/21/2013 03:42:54]我唔明點解會有咁多團體幫佢地爭取越來越多? 更加唔明點解政府要有求必應??