今時今日應有既服務態度 (2013年8月10日)

上星期五喺Lakeland網站見到依套世界6大地標曲奇模，
我即時變咗心心眼 ，好想即時擁有!
網站註明依套模將會停售(discontinued)，
所以而家減到半價來清貨，
佢地一向話discontinued就真係會discontinued，
賣哂就唔會再有貨!我知道佢地夏天清貨大減價已經水尾，
確係形勢危急，手快有手慢無!!
所以第二日星期六Mr.T朝早返office，
我跟埋佢去愛丁堡，第一件事就係仆去買依套模!

愛丁堡全店有2層都搵唔到套模，
於是去櫃台問一問........
一位好年輕叫做Katie既staff serve我，
佢話套模依間分店(愛丁堡市中心店)已經賣哂唔會再入貨，
於是我叫佢幫我訂貨，我即時先付款，貨到後通知我改去Glasgow分店取貨~

平時Lakeland的確有依項服務，我已試過幾次!唔知Katie係唔係新來? 佢似乎唔知可以咁做，
不過佢即時請示另一位阿嬸店員，
阿嬸直接同我講 - 佢地公司電腦系統正update緊，
暫時唔可以幫客人訂貨，叫我返屋企自己上網訂.......

不過Katie先幫我check咗Glasgow分店，都係無貨~
隨即問我仲有邊幾間分店我會比較方便，
話咁快又check到2間最近 + 尚有存貨既分店，
咁我打算等埋Mr.T，即日去愛丁堡另一間分店Melville取貨，
Katie就即時自動自覺幫我打電話去Melville分店確認真係有貨，叫對方幫我留貨!

只係一盒減價後幾英鎊既曲奇模，
不過依位叫做Katie既店員有禮真誠，
盡心盡力去幫客人之餘，
做事仲話頭醒尾，非常有條理乾淨利落~
阿V躝街敗家資歷悠久，閱盡各大小店舖無數店員，
年輕又有咁好服務態度既店員喺英國實屬罕見! Mr.T同我會合後就去咗Melville分店取貨~
開心帶住盒曲奇模返到屋企，我做咗一件從未做過既事...........

去Lakeland FB 留言表揚Katie!
稍後Lakeland回覆，
佢地會將我既feedback轉告Katie + 佢既manager~

遇過太多問佢乜乜有無貨，但you can tell對方發緊夢根本唔知你問乜，
又或者對方完全無check過，就即時答你"無"既店員，
真係好耐未試過買一件貨架上無既物品買得條氣咁鋸!
我希望Lakeland會珍惜咁好既員工，
身為顧客既我幫襯佢地買得開心，
實在抵佢地d野賣得咁貴，都有本事分店開完一間又一間!!


讚完人~ 講返我咋敗物...........

依套曲奇模包括世界6大著名landmark:
1. 巴黎鐵塔
2. 倫敦大笨鐘
3. 紐約自由女神像
4. 比薩斜塔
5. 悉尼歌劇院
6. 埃及金字塔

附圓形鐵盒一個，盒底墊一張印上6大地標相片既紙.........

每次用完個模只要對返相同地標位置來放，
咁就唔會放到亂糟糟，非常聰明既設計，容易儲存，完全唔阻訂!

6個曲奇模之中以巴黎鐵塔最常見，

我早幾個月去烘焙展都買咗套大中小巴黎鐵塔模尚未開光.......
不過其他餘果5款我從未見過，
而家半價買到依套模真係好開心~ 


Lakeland平時d野貴，不過一減價就會充滿驚喜!

依3本8月號食譜雜誌.........

有2本定價£3.80;

依本我最想要既Cake Decoration Heaven要£3.99呢!

3本雜誌本來要差不多£12先買得到，
不過而家大劈價每本只49p，3本夾埋只£1.50仲有得找!
反正食譜 + 整蛋糕技巧又唔會"過期"既!! 依嘻嘻~~~~


今個星期我仲買咗.........

20cm甩底撻模
我本身已有一個多年前喺Lakeland買既同款同size甩底撻模，
記得當時買要成£10! 但最近發現個甩底唔知去咗邊?
好彩比我喺Home Bargains，
撞見依個£1.49既replacement! 呵呵~~~~~

粉藍點點cupcake盒
一包3個盒，每個盒可放4個cupcakes，
不過我係用來放月餅!

£1店雪條模
雪糕就整過好多次，但從未整過雪條，
想趁夏天完結前試吓整~

3D人形翻糖/朱古力模
充滿肢解feel.......有點creepy!
依套模係為咗一個特別既project而網上訂既，
不過未知效果如何，等完成後先同大家分享吖~


題外話.........
最近決定逐步分類整理一下書櫃，首先整理食譜書~

原來買下一本買下又一本........不知不覺竟然買咗咁多!
好過份啊~~~~ 我絕對有必要刻制一下!!

Mr.T放工返到來見我擺到一地食譜書，
閒閒地講咗句: 得咁多至咩? 我覺得應該唔止咁少喎......