我(又)拗柴了!
星期六(8月3日)朝早Mr.T要去愛丁堡office整少少野，
咁啱早一日Edinburgh Festival Fringe(愛丁堡邊緣藝術節)開咗幕，
於是我跟埋Mr.T去愛丁堡office，
等佢攪掂工作後，一齊去睇藝術節.........
臨出門口前我去關睡房門，
一下唔留神比條門罅好似碌信用卡咁一野車過左腳腳趾尾! 拉返腳趾尾出來時，有點扁扁地，果種歸心既痛令我登時眼淚直標~~~~~
Mr.T連問幾聲"Are you OK Hon?"，
我痛到完全出唔到聲答佢!
最後都照原定計劃出門口，不過腳趾尾腫哂粗咗double，
我著唔到密頭鞋，要著夾腳趾.......
等Mr.T完成工作期間，我為咗暫時忘卻肉體上既痛楚，
我用咗最原始既治療法 - Retail Therapy是也! 嘻嘻~~~
先去Lakeland既水尾夏日大減價!
Cameo曲奇模~ 原價£3.99，減價£1.99;
可以批蕃茄皮既雙邊批皮器~ 原價£2.99，減價£0.99;
唔知原價幾錢，不過見佢減價個牌印住£2.49，
點知比錢時只計£1.99!
3樣野夾埋£5有找! 嘻嘻~~~
去書店打咗45分鐘書釘.........
今次買咗依本比較特別既非洲菜~
我發現Poundland不同分店，賣既貨品都有少少唔同.......
是日愛丁堡Poundland兩個收穫，
喺其他Poundland分店無見過!
一set2隻的式甜品玻璃杯好可愛~ £1兩隻好抵啊!
Belkin係英國出名電子產品配件品牌，
依個彈性針織套case本身係for電子書閱讀器Kindle........
不過用來放我部7吋tablet good fit到如同度身訂造!
躝慣街已格價成精既我一見牌子，
再一摸此套質地就知道佢係一個好套來.......
不出我所料，Belkin官網竟然賣緊£12.99!
(仲要另加£5.99 p&p.......
)依個紫色官網已sold out，只剩其餘3個色有售~
不過我果日去既Poundland齊哂4個色架，
有興趣既英國扑友快快行動嘞!
周圍都有減價，行到John Lewis.........
見到依隻心心咖啡杯半價........
其實我prefer佢係心型純白色仲加好........
不過原來此杯有亁坤 - 倒入熱飲會變色!
拼出"I ♥ YOU"既字樣~
Well~ 我都係prefer隻杯純白多d.....
不過心型既杯實在少見，照殺!!
剛好Mr.T完成手頭上工作同我會合.......
Mr.T巧遇認識既餐館老闆，老闆索性坐埋落來吹水，
仲請我地食甜品，我唔好意思猛咁影相啊........
飲完茶我地去咗Royal Mile睇藝術節既街頭節目，
原本仲想睇夜晚既免費show........
加上周圍人迫迫，Mr.T怕我比其他途人再踩親就大件事，
堅持要我返屋企休息!
反正藝術節舉行至月尾，我唯有乖乖聽Mr.T話~
第二朝星期日(8月4日)一早，
Mr.T起身第一件事捉住我隻腳來研究.......
腳趾尾顏色變到好醜惡!
Mr.T嘖嘖稱奇我隻腳趾咁車法都無破皮流血........
腳趾尾腫脹充血，瘀腫擴散.........
於是Mr.T要我去醫院睇急症!
出發前先去pub食個早餐...........
發現pub新既早餐餐牌竟然有egg benedict!
啱哂我! 最近好想食~
依餐美味程度不遜於Carluccio's果餐好鬼貴早餐，
而且價錢只係Carluccio's果餐既一半~
不過我份egg benedict.......又係只得一隻水煮蛋係流心!
睇來真係要我自己出馬咯!!
食完早餐去到醫院急症室，登記後等咗15分鐘，
護士走來問我需唔要需要止痛藥?
因為要等3至4粒鐘先輪到我!
其實一早我都唔想去醫院，
大好星期日點可以喺醫院等白白浪費?
於是我苦苦哀求Mr.T帶我行街，
起初Mr.T唔肯架! 不過我應承佢星期一會去睇GP，
軟功終於奏效~
雖然腳痛唔去得遠只行咗一陣，收穫亦只得少少，
但總算唔洗喺醫院白等嘛!
米色心型碗2隻
淥麵專用筲簊
意大利彩虹pepper小樽~
(初時以為右邊果樽係香草，
返到屋企睇清楚先知原來都係mixed pepper來.......
)
香味乾淨好聞，Q10抗氧化深層滋潤得來唔油膩，
價錢仲超平 - Wilkinson £0.59 each, 2 for £1!
真正又平又正!
我強力推介比英國既blog友，好似我依種有OCD會成日洗手既煮飯師奶尤其適用~
4日已過去，最終我並無去睇醫生........
睇來應該要著一排露趾拖鞋 + 暫時唔可以跳鄭多燕.........
喺電筒光下.........
不過已開始慢慢消腫，無之前咁粗亦無咁痛~
敗家果然能醫百病! 哇嘻嘻~~~~
我又係長期腳趾尾掃門腳，但未試過腫瘀得咁勁試下查d喜療妥，work ka...個心心杯好正!
回覆刪除[版主回覆08/09/2013 22:46:55]無喜療妥，不過搽咗witch hazel 藥膏!
如果個心心杯係純白色我仲加鍾意~
V，呢段期間你要絕對小心，唔好比人踩親或再整到腳趾尾呀，
回覆刪除否則手尾長，take care！
[版主回覆08/09/2013 22:45:54]Thank you 芝! 我會小心架嘞~ 如果未好返再整多一野既話，我唸我隻腳趾尾切得咯....呵呵~~~
haha....服咗你喇....腫成咁都行到街買到嘢....真係後生可畏 ....連睇醫生食藥都唔使啦....
回覆刪除[版主回覆08/09/2013 22:41:22]之後兩日星期一 + 二行唔到啦，留咗喺屋企休息，Mr.T返工時叫我唔好跳鄭多燕住......)
多謝你腳痛都給這麼多好介紹。你好識買東西，真系幾好像購物指南。希望你D 腳痛快D 好翻啦。
回覆刪除[版主回覆08/09/2013 22:39:10]Thank you 素心!
係喎~ 妳有無搵到Mr.Tea?
初睇文字諗緊你係咪跨張左傷勢...睇埋相...反而覺得你太寫得太輕喇....真係好傷..
回覆刪除另外...我覺得LOVE MUG 好得呀...
[版主回覆08/09/2013 22:38:24]哈哈~~~~ 果日我一個人行街等Mr.T時，d人見我屹吓屹吓就望吓我對腳，望完之後個樣好似恍然大悟咁款! 真係好痛呢~
個love mug 我都好鍾意，不過我覺得如果係純白仲靚~
有冇搽番啲去瘀膏?
回覆刪除[版主回覆08/09/2013 22:35:04]有呀~ 有搽witch hazel 藥膏呀!
快D搽D藥酒或特強喜療妥之類的去瘀膏喇!!
回覆刪除[版主回覆08/09/2013 22:34:59]有呀~ 有搽witch hazel 藥膏呀!
Take Care Veronica, 出街要多多小心~By the way, 隻心形杯設計好特別
回覆刪除[版主回覆08/09/2013 22:34:02]Thank you Zita! 我會小心架嘞~ 如果未好返再整多一野既話，我唸我隻腳趾尾切得咯....呵呵~~~
哈哈....拗柴依句字..只係for : 扭傷腳咋喎...你夾親就唔叫拗柴啦.....kaka..
回覆刪除你啲瘀傷出晒尼,都唔洗睇醫生囉...搽吓啲去瘀膏,多啲輕輕按摩下,等佢血氣行得快啲,啲瘀血快啲散,咁就無事架喇..
[版主回覆08/09/2013 22:29:55]Mr.T驚我尾趾骨裂呀! 所以佢想我睇醫生
要浸熱水 去瘀先快好 祝早日康復
回覆刪除[版主回覆08/09/2013 22:29:05]多謝嘉麗!
我都試過企晌凳上跌落嚟，隻腳字公直插落地，搞到又腫又瘀，成個星期先散。
回覆刪除[版主回覆08/09/2013 22:27:55]手指腳趾一般都係要比較耐先復原
望見都感覺痛到入心入肺, 你家中有沒布荳蔻油,
回覆刪除可以有幫助, 我在巴塞隆納遊樂時, 情況與你的腳趾差不多,
就是荳蔻油助我, 祝你早日好返
[版主回覆08/09/2013 22:24:30]Thanks grandmom!
我無荳蔻油，不過有witch hazel~
有冇搽去瘀膏或碌雞蛋呀? 見到都痛入心呀! 祝你早日康復!
回覆刪除我早排都買左兩隻甜品杯, 不過要12蚊一隻囉...你呢對激平呀!! 心心碗好靚呀!! 心心杯會變色, 如果送俾人會好sweet囉~ 睇到我都心心眼
[版主回覆08/09/2013 22:21:43]Thank you 貓小玲! 碌雞蛋 + 浸熱水囉~ 瘀血散得七七八八，但仲未完全消腫~
屋企越來越多mugs......不過隻隻都好鍾意!
oh dear, it looks so painful,get well soon.
回覆刪除[版主回覆08/09/2013 22:18:05]Thank you mummy of two!
妳好忍得痛呀 ~~~~
回覆刪除祝妳早日康復
[版主回覆08/09/2013 22:17:06]Thank you babymama! 唔係我忍得痛呀，而係敗家真係有效架~
Take care
回覆刪除[版主回覆08/09/2013 22:15:56]Thank you Vic!
你果度有無一隻balm系叫 Zam Buk?我見我e度d黑鬼白鬼一整瘀同紅腫就會擦e樣野，而且真系好快就消腫。Zam Buk系phamacy有得賣，好似一個扁灌裝既Vicks甘架。good luck & hope ur bruise disappear very soon!
回覆刪除[版主回覆08/11/2013 04:30:46]Thanks Jacqueline! 有呀~ 多謝推介~ 我三日唔埋兩日就撞到依度果度，真係應該買返一盒仔傍身.....
沒有找到mr T, 我比較不大有耐性。大部份時間我都系買衣服。
回覆刪除[版主回覆08/11/2013 04:26:24]英國d衫好悶! 一興某個款式style，就間間店都係果咋款式style.......
腫得好犀利 take care !!
回覆刪除Hand cream 超吸引
[版主回覆08/11/2013 04:24:05]Thanks Florence! 瘀血已散得七七八八，不過仍未消腫，今日試過著密頭鞋都係著唔落......
隻腳好番d囉。心心杯，真特別。買嘢真係良藥。
回覆刪除[版主回覆08/11/2013 04:23:21]瘀血散得七七八八，不過仍未消腫，著密頭鞋仍然好痛.......
我都中意個心心咖啡杯
回覆刪除[版主回覆08/11/2013 04:21:57]如果係純白色仲好
阿V, 見到你既腳傷真係完全感受到出事果刻有幾痛!! 希望你快D無事:)
回覆刪除[版主回覆08/11/2013 04:21:15]Thanks 吉比太太! 瘀血已散得七七八八，不過仍未消腫，今日試過著密頭鞋都係著唔落......
你隻腳趾都好嚴重, 小心小心!! 你都尋寶買到好多寶物啊!
回覆刪除[版主回覆08/11/2013 04:19:23]Thank you 珍妮花! 其實由細到大依隻腳趾尾撞過好多次，不過今次真係最勁，我到今日仍然著唔到密頭鞋......
我躝慣街自然對邊到買到筍野瞭如指掌!
點解你成日買d野都咁吸引gaaaa 就算euro, 對返港幣都平過香港買同類既野!!!
回覆刪除我成日好似你咁整到, 但未試過咁嚴重, 見到都痛...你真係多多留意啊!! 輕輕按摩先快d消ga^^
[版主回覆08/11/2013 04:11:58]英國係用pound 唔係euro!
妳覺得我買既野兌返港幣都平過香港買同類既野，係因為我識揀識買! 其實任何地方買任何野都係平有平買，貴有貴買~
Thanks ADL! 瘀血已散得七七八八，但仍未消腫，今日試過著密頭鞋都係著唔落......
十趾痛歸心，take care
回覆刪除[版主回覆08/11/2013 14:56:50]thank you CC! 已好返好多, 不過仲要過多一排先著到密頭鞋
回覆刪除咁我又唔係話香港無平既好野, 實有既, 但比起以前真係少之有少. 因為依家普通鋪頭仔都唔平呀 我意思係比起外國, 香港選擇比較少.
就算消左腫, 但最好等完全好哂, 抖多兩日先著密頭鞋啦~ 唔係好易又會積返d瘀血ga!!
[版主回覆08/11/2013 14:52:55]其實我最少都一年返香港一次, 所以如果妳覺得買平野香港比起外國選擇少的話, 我唸妳來到英國會好失望!
其實好簡單 - 英國舖頭清貨係真正清貨, 減價會真減價, 清哂貨妳想買多件唔會有貨, 唔似得香港所謂減價前會先整高價錢再減, 話清貨後倉存貨可能仲有幾箱貨咁取巧! 我買親都係減上減既水尾貨, 咁啱又啱妳口味, 咁妳咪覺得我依度木野又平又多choice囉! 查實面果咋野, 有好多如果唔係減價我根本唔會買......…
原來係咁！我未去過英國，唔清楚，只係睇你近幾篇都買到平野，以為好似加拿大咁，好鬼多平價店ga(雖然重有間連鎖dollarama但有d重貴過出面
回覆刪除[版主回覆08/11/2013 16:31:33]無話好唔好彩, 鍾意買野既人乜野都買一餐架啦! 尤其我鍾意整野食就會鍾意買廚具, 要搵野來買無難度~
好似間中有d香港扑友會同我講乜乜香港無得賣, 妳買到就好啦...根本就唔係咁! 好多時我連香港邊度有得賣 + 幾多錢都講得出~ 有時甚至住喺UK既扑友都係咁, 其實根本唔係無得賣, 只係佢地根本無去行街搵過, 連上網查吓邊度有得賣都無查過就話無....我買平野都係一樣, 係要行街要搵既!
如果加拿大d野妳都覺得貴, 妳更加唔會覺得英國既野平!
都岩. 地方咁大, 鋪頭咁多, 有心搵總會有. 最緊要係因為唔知你係舖頭清貨時買, 所以先會咁誤會!
回覆刪除(呀, 頭先我意思係話加拿大d野唔貴啊, 消費都比較平. 只係提外題話講果間連鎖dollarama有時搵笨 因為佢係一蚊店, 但有d十幾蚊既野係貴過其他鋪仔).
[版主回覆08/12/2013 22:33:12]其實£1店都有好多日用品賣得比超市貴e.g. 細號洗潔精，超市買根本£1有找~ 所以唔係£1店就一定抵買
[ADL回覆08/11/2013 16:56:32]哎呀, 可能我講野唔好, 成日詞不達意sorry>_<
Hello Mrs T 好耐無留言了 因為我的yahoo sign in出現問題. 妳好嗎?(apart from you hurt yourself)
回覆刪除Shopping真的很開心 特別是買到平靚正東西!! Newcastle的poundland無咁多好貨. 有時見妳post的東西我呢度找不到
Well hope your feet will get well soon.. Remember take good care of yourself
[VWai回覆08/12/2013 22:53:34]That's why I change C to V
[VWai回覆08/12/2013 22:52:54]Glad u feel better Mrs T
lol my Chinese name is C=Sze and my English name is Vanessa. Hahaha
[版主回覆08/12/2013 22:26:42]im fine, thanks VWai! (點解妳由C轉咗做V既?)
係呀~ 佢地d貨唔係間間店都有架! 所以無論我去到邊行街，見到有分店都會入去打個轉!
最緊要冇骨折或碎，消腫需要時間，濕平真是最好治療法，祝妳早日健步如飛，濕多啲平靚正比我們看
回覆刪除[版主回覆08/12/2013 22:24:20]Thanks SK! 其實可能有骨裂咗，因為某2個位特別痛~ 一般撞傷腳趾都要3至6星期先復原~
妳隻腳指好番哂未呀 ?!
回覆刪除[版主回覆08/12/2013 22:22:22]無咁快啊babymama! 瘀血散咗但未完全消腫，仲未著到密頭鞋，一般撞傷腳趾可能要3至6星期先好返架~
wow, you must hit your fifth toe really hard???? are you ok now??? what are you going to do with the chocolate mold? Just to make chocolate for decorations?
回覆刪除[版主回覆08/12/2013 22:20:31]im ok but still cant wear shoes, only sandals! it may take up to 6 weeks to fully recover.
dont know what to do with the chocolate moulds yet, havent thought abt it.
睇完你描述都覺得好痛呀，希望你快點好起來。
回覆刪除[版主回覆08/13/2013 21:22:53]Thanks Mrs. Kwong! 瘀血已經散咗但未完全消腫，仲未著到密頭鞋，我唸今次要3星期左右先會好返......
take care 好嚴重啊！
回覆刪除[版主回覆08/13/2013 21:22:35]Thanks Sawdogdog! 瘀血已經散咗但未完全消腫，仲未著到密頭鞋，我唸今次要3星期左右先會好返......
我見你都好似鐘意買心心既野播！我早兩日都買左好多心心野，不過重未 post 上黎
回覆刪除講起非洲菜，我都有食過，你呢本非洲菜食譜睇黎都有好多款式喎！我之前食既係家庭式既非洲家鄉菜，係幾個住響香港既非洲人整架！有一次佢地請左我上佢地屋企開餐，都幾好食，不過辣左啲，重有就係食左啲白色，一 pat pat（要用手食的）好似糯米咁既野，佢地話係用某種植物整出黎的，真係唔係好多人接受到 law,不過我都 ok
你隻腳趾尾真係瘀到嚇死人吖，重好腫 Tim 呀，真係陰公豬啦，消唒腫同瘀血末呀？
下次真係要小心啲至得啦你
[版主回覆08/13/2013 21:20:57]心心係我7大死穴來嘛! (Pikachu、SpongeBob、心型、豬型、Russian Dolls、黃膠鴨 + 花花) 不過我都要睇吓個心型靚唔靚先決定買唔買~
Glasgow都有間非洲菜餐廳，我第一次食已經上癮!
http://blog.yahoo.com/_CGP6UH62KANBDKVGXW7MOFHWQQ/articles/113665
瘀血散咗但未完全消腫，暫時仍然著唔到密頭鞋，不過我今次都預咗最少3星期先會完全好返.....我下次會小心d架嘞! thanks Joey~