是咁的......
話說Mr.T上星期一(10月24日)突然有事要到Birmingham 出trip 一日，原定計劃星期二晚就返來......
點知星期二朝早Mr.T 喺Birmingham 打電話返來話要留到星期六(29日)!
佢好冤氣地話好掛住我，想我過去Birmingham 陪佢~
平時我唔會跟老公出trip，因為佢要做野都無時間陪我!
今次唔同既係 - 老公話Birmingham 市中心有個好大既室內市場!!
老公做緊野時我可以去行街......好鬼吸引喎~~~~
老公原本想我即日(星期二)過去Birmingham，
不過如果我決定過去，就要星期六晚先返，
問題係我前一日已經預備咗星期二既午餐 + 晚餐，
就咁即時走咗去會好浪費啊......
於是我決定用一日時間清哂雪櫃裡面唔可以留到星期六既食物，
星期三先過去Birmingham!
星期三我拉住行李搭巴士去Manchester......
無錯係Manchester!
因為too short notice 訂巴士票，
早班次去Birmingham 既巴士票已經sold out，
唯有先搭去Manchester，
Mr.T 去Manchester 巴士站接我，再渣車去Birmingham~
約4pm 到咗Manchester，
不過Mr.T 喺Manchester City Centre 塞緊車，
我周圍行吓街等到5點幾先見到Mr.T!
見到Mr.T 時已好鬼肚餓!
等唔切去到Birmingham 先食野......
於是即時喺車站附近既韓國餐廳食完飯先起程去Birmingham!
等緊上菜都要做野既Mr.T......
(我覺得Mr.T 個"事業look"好有型啊~~~
)講返餐韓國野......
雜錦天婦羅 - 粉漿好輕身而且唔油膩;
我既辣海鮮豆腐湯配飯~
個湯上菜時仲不停滾呀滾......
裡面有豆腐、魚肉、蝦、魷魚 + 1隻蛋，
香辣惹味又足料!
依個...要翻!!
老公既辣醬炒豬肉配飯~
係人都知韓國所謂辣醬並唔多辣，
反而甜甜地，用來炒五花肉幾好送飯呢!
食飽飽後我地就起程去Birmingham......
又塞咗一大輪車先到Birmingham!
去到Birmingham 好多店啱啱收咗工，
去Chinatown 附近行咗一陣......
喺一間賣台灣 + 韓國零食既小食店買咗咋野食~
有我最鍾意既太陽餅呢!
之後老公返office 交帶少少野，
買埋宵夜我地就返酒店嘞......
味道同外表唔成正比既椒鹽豬扒飯~
依份係老公既，雖然豬扒其貌不揚又好鬼細份，
但味道竟然非常好!
我既蠔仔粥 + 油炸鬼~
依個蠔仔粥好鮮甜!
雖然蠔仔沉哂底睇唔到，但非常足料~
我決定短期內一定要翻一翻依個蠔仔粥!!
至於油炸鬼，雖然係凍既但仍然好脆，
至少食得出唔係現成急凍野，不過不失啦~
食飽飽後就沖涼覺覺豬咯!
(基本上Day 1半日用來搭車，其餘半日全部都係食野!
)
餐韓國菜好似好得!!!
回覆刪除[版主回覆10/31/2011 20:05:51]係好得! 正宗韓國人開既店，正宗韓國味道~ ^^
一日不見如隔三秋，如果咁多日唔見，Mr.T肯定掛住妳啦!
回覆刪除[版主回覆10/31/2011 20:07:06]佢今年大大話話出咗3、4次trip 嘞! 次次都成個星期......
嗰海鮮豆腐湯好正，見到辣辣既湯，已經忍不住想食一大碗^^
回覆刪除[版主回覆11/01/2011 04:38:08]個湯真係好正! 所以我買咗韓式湯底料準備來個老翻~ ^^
呢個出走...黎得好突然呀~~~Mr. T好鬼SWEET....見少一陣都唔得呢!!
回覆刪除[版主回覆11/01/2011 04:40:23]佢出trip 突然; 比預期中要留耐d又係突然; 我決定跟埋去再好突然! 突突突....
原來妳鐘意食太陽餅架?佢係台中特產!!妳係咪鐘意食原味架?下次寄盒比妳^^
回覆刪除[版主回覆11/01/2011 04:42:17]係呀~ 我第一次去台灣買咗太多手信，咪開盒太陽餅來試吓囉，估唔到咁鬼好食果喎!! ^^ 我無食過其他味道，不過我唸我都係鍾意原味呢~ =) thanks Gaile! xxx
真係走得好急喎...但你急得黎都仲係食物行頭先...哈哈....
回覆刪除[Sydney回覆11/01/2011 15:39:07]Like.
[版主回覆11/01/2011 04:44:24]Mr.T 出trip 係做正經野，但我過去不外乎只係食、玩 + 買，又唔係緊要事，我唔想為咗去玩浪費食物呀! =)
辣醬炒豬肉個樣好辣喎!
回覆刪除[版主回覆11/01/2011 04:45:00]得個樣架咋! 韓國辣醬唔辣架~ ^^
aiya, 一見你話黎咗BIRMINGHAM,仲想話約你見下面食個飯,不過你地只係留到SATURDAY.....
回覆刪除[版主回覆11/01/2011 04:48:48]原來大笨象小姐住喺Birmingham 架! ^^ 今次臨時決定過埋去，事前完全無計劃...我地下次有機會再約過吖~ =)
原來Mr.T個番工look好靚仔噃>>>>he...he....
回覆刪除[版主回覆11/01/2011 04:50:09]我覺得佢任何時候都係最靚仔架! 不過佢集中精神做正經野時就仲加型仔 + sexy! XDDDD
下次如果有離家出走到sheffield,一定要通知我呀！！我们这里有一个很大的indoor shopping centre( http://www.meadowhall.co.uk/website/) 还有很多好吃的餐馆呢！！
回覆刪除[版主回覆11/01/2011 22:16:33]來來去去都係果咋連鎖店真係好鬼悶! 所以我去新地方時鍾意行d細shop 仔! ^^
[yoong回覆11/01/2011 22:14:46]你说的对，英国的shopping centre来来去去都是那几家！！
[版主回覆11/01/2011 04:54:41]嘻嘻~~~ 我唔係講shopping centre 呀，係室內市場呀! (街市) 其實英國d shopping centre 無論大細來來去去都係果咋shops......不過如果我有機會到Sheffield，一定會約妳架! ^^
Mr T looks so pro. I understand why you loves him so much. XDDD
回覆刪除[版主回覆11/01/2011 04:56:02]Thanks yanyan! to me, Mr.T is perfect! ^^
我好認同! ======>.T 個"事業look"好有型啊~~~) 因為佢d相好少咁正經!
回覆刪除[版主回覆11/01/2011 22:23:38]佢d相好少咁正經! </// 其實佢係受我影響! ^^ 我初初同佢拍拖佢仲正經呀! 連去旅行都要帶套西裝....吹脹~~~~
我都好鍾意飲韓式辣豆腐海鮮湯架! 好容易煮架咋~ 一定要翻一翻呀!!
回覆刪除[版主回覆11/01/2011 22:25:11]我住果邊只得一間韓國餐廳，多數食燒烤~ 我今次特登買咗2包辣豆腐海鮮湯料唸住翻依個! ^^
個天婦羅好正wor!!
回覆刪除不過個身好似好多炸料咁ge??
[版主回覆11/01/2011 22:26:17]係2隻蝦多少少炸粉，不過個炸料好好好light! ^^
事業型嘅男人係好愛老婆&好愛家人架。sweet sweet
回覆刪除[版主回覆11/01/2011 22:26:57]事業型嘅男人係好愛老婆&好愛家人架 </// 中喎! super like~ ^^
韓國餐唔錯唔錯...好吸引!
回覆刪除[版主回覆11/01/2011 22:32:17]正宗韓國人開既餐廳，至少食物味道正宗! ^^
係呀！我都好唔鍾意浪費食物，同埋唔鍾意D人望住食物苦口苦面！
回覆刪除[版主回覆11/01/2011 21:46:23]食野對我來講係天下第一樂事! 所以我同妳一樣 - 唔鍾意浪費 + 唔鍾意d人苦口苦面對住食物~
*口* 太陽餅呀~~~我好掛住佢同埋恨食左好耐啦..平日行開D唐人鋪都唔見有.. 珮夫人
回覆刪除[版主回覆11/01/2011 21:45:30]我喺英國都係第一次見咋!
o now 油炸鬼 also have the frozen one?
回覆刪除[版主回覆11/01/2011 21:44:59]我買過來食，好垃圾!
我覺得Mr.T 個"事業look"好有型啊 <--- I agree!哈哈哈!我覺得成功嘅男人係好有味道嘅^.^
回覆刪除好一句翻一翻，你真的令我佩服。XD
回覆刪除[版主回覆11/03/2011 18:02:23]我出街食到好味既食物，會盡量嘗試自己翻一翻佢...如果買到哂所需材料既話! 咁咪唔洗出街都有得食囉~ ^^
我鐘意你個辣海鮮豆腐湯配飯呀~~~我都覺得韓國所謂既辣根本唔算辣~我聽到椒鹽豬
回覆刪除扒呢幾個字真係流晒口水~
[版主回覆11/18/2011 00:07:02]我都係鍾意我個辣海鮮豆腐湯多過老公碟炒豬肉! ^^ 果椒鹽豬扒賣相雖然麻麻，不過好好味!!