Verona (Italian) - 2011年10月2日

尋日同Mr.T 試咗Glasgow 一間新開既意大利餐廳......

有幾新?

餐廳尋日新開張!

 而且我 + Mr.T仲係餐廳第一枱顧客呢!!

事源Mr.T 早幾日放工時渣車經見到依間新餐廳......

 佢見到餐廳個名"Verona"就唸起佢老婆 - 即係我個英文名"Veronica"~

於是Mr.T 今日帶我去試吓!

1pm 去到餐廳門口見裡面一枱客人都無，只有著制服既侍應，仲以為餐廳未開門呢......

依個時候一位老闆娘型既意大利女士過來開門歡迎我地 + 同我地講 - 餐廳今日開張!

 老闆娘好友善! 佢話我 + Mr.T 係餐廳first customers，所以請我地飲free drinks!

 餐廳樓面好大，裝潢好classy，坐位亦好舒服~

對餐廳既第一印象非常好!

不過一間餐廳最重要始終都係食物!!

咁食物水準又如何呢?

 我地仲睇緊餐牌，侍應奉上餐前小食 - 油漬橄欖, 香草蕃茄乾麵包配黑醋橄欖油~

我經常都買油漬橄欖當口痕小食~ Verona 既油漬橄欖絕非超市貨式! 非常好味;

香草蕃茄乾麵包 - 新鮮香軟;

黑醋橄欖油 - 香濃 + 香甜，高品質既味道~

連依份送既餐前小食都咁講究，已經知道餐廳好有誠意!

 Mr.T 既頭盆 - Dry Cooked Chicken Wings with Homemade Sauce~

老公好鍾意; 我就覺得普通咗少少，但都係好味既~ 不過反而拌碟果咋淋咗意大利陳醋既沙律仲精彩!!

 我既頭盆 - Chicken Liver Pate~

無錯我係話過自己學識整雞肝醬後，去街就唔再點雞肝醬......不過我發現真係好難抗拒呢! 而且我覺得試新既意大利餐廳點都要試吓個雞肝醬......

結果証明我既選擇係完全正確既!

出街食雞肝醬好少會唔好食~ 不過喺我既"好味指數"之中又分有好多層 - 而依碟雞肝醬絕對係喺超班好味果一層!!

 Mr.T 既主菜 - Calzone~

裡面有芝士、雜菜、牛肉丸 + 雞肉; 因為我暫時唔食牛肉，所以無試到~

但according to Mr.T - 依個Calzone 係佢喺英國食過所有Calzone 最正宗最好味既!

  睇吓幾鬼大份!!

 我既主菜 - Lobster Ravioli~

一到見到份Ravioli 蕃茄醬加埋火箭菜，紅紅綠綠賞心悅目且香噴噴，雖然啱啱食咗兩舊膽固醇，即時胃口再次大開!

 portion 好大份，每一塊Ravioli 裡面都裝滿龍蝦肉餡，每一啖都充滿龍蝦香味!

每食一啖都想快快吞咗可以再食下一口......

 無唸過主菜portion 咁大份，所以另外叫咗個芝士蒜蓉包~

好食! 不過因為我地太飽，所以只麻麻地enjoy......



依餐無論環境、服務 + 食物水準都一流!

希望佢地會一直保持高水準既服務 + 食物質素，或更進一步!!

臨走時老闆娘親自送我地出門口話: Hope to see you again~

依餐我 + Mr.T 非常滿意，我地一定有回頭!