2011年10月7日星期五

廚房通告: 十九幾萬個不情願...升級! (2011年10月7日)

上星期二(9月27日)收到Yahoo Blog 團隊send 來一個email......


Email 內容大致上係通知我 - 下星期三(10月12日)Yahoo Blog 就會全面進入升級既第二階段,到時所有未升級既blog 只可瀏覽不可update;

另外就係 - 佢地由9月29日至10月7日期間,會為個別人氣blogger 升級時設有特別監察維護服務~

而"La Cuisine De Veronica"亦喺佢地人氣blogger 特別監察維護服務名單之上云云.....



收到依個特別通知email 時,唔清楚佢地個特別監察維護服務其實做乜?

於是用email 裡面提供既連結send 咗個message 問清楚佢地,

出乎意料之外第二日9月28日英國時間8.49am 收到Yahoo 長途電話,

有位專人同我解釋係咩一回事 + 即時回答我既問題!

無唸過我住喺英國Yahoo 都會親自打電話來,

姑勿論佢地係咪只係做樣或得個講字,

At least 表面上我覺得佢地都叫做有誠意想留住用戶~



查實由知道Yahoo Blog 要升級果一刻開始,極唔想升級既我一直逃避佢地所有關於升級既消息,

最主要係因為現時新平台仍然有大咋未解決既問題!

唔想知,唔想理,話之佢...(天真地)希望升級依個惡夢會喺眾blogger 反對之下自動消失......

不過事到如今升級已經係不可改變既事實!



7月尾最初知道Yahoo Blog 要升級,當時我的確打算搵個新地方搬竇,

不過後來忙於各大大小小瑣碎事,眨吓眼2個月咁就過咗去!

我曾經睇過其他blog 網站,但發現格式來來去去大同小異 - 一樣咁死板! 基本上同新版Yahoo Blog 無分別!

何必多此一舉呢?



今日(10月7日)係人氣blogger 特別監察維護服務既最後1日,

不過我打算用到盡舊平台 - 過咗12號先去升級!

到時大家要記住關注我啊!!!!






23 則留言:

  1. 一定會記得關注妳的 .
    [版主回覆10/07/2011 18:16:00]多謝ak! 我都會互相關注啊~
     
     

    回覆刪除
  2. 我的朋打算今晚12点後(8/Oct)幫我搬...都唔知点嫁?????
    [版主回覆10/07/2011 18:15:00]靚婆婆又唔洗太擔心!
     
    其實大部份用戶不滿新平台醜樣無變化,其次係功能上仍然有問題未解決...不過有咁多用戶,佢地點都要搞返掂既!
     
     

    回覆刪除
  3. 我尋晚終於都升咗喇... 不過到而家差唔多一日都仲未叫做 complete, 不過之前有朋友升咗, 同埋我另外用一個 yahoo blog (荒廢咗嘅) 嚟試過 upgrade 都叫做順利, 把心一橫升鬼埋用開嗰個... so far 今日出咗幾篇 blog, 啱啱用會冇咁順手, 用用吓上咗手都 ok 啦, 係冇舊 version 咁靚囉....
    [版主回覆10/08/2011 23:46:00]我見有人話升級升咗10日先搞掂!  我依d高產量既,到時升級都唔知升幾耐.....
     
    遲吓我可能會有多一個新竇! 等落實咗後再同大家公佈~
     
     

    回覆刪除
  4. 我一定會關注你架 雖然UPDATE左YAHOO BLOG之後我冇咩動力再去打BLOG(因為真係好醜樣,所以冇咩心機) 不過我都依然有繼續睇BLOG架,不過呢排比較忙,所以少左留言
    [版主回覆10/08/2011 23:45:00]Thank you 布丁!  醜樣就緊架嘞,不過始終唔捨得寫咗幾年既心血,唯有硬食啦......
     
    遲吓我可能會有多一個新竇! 等落實咗後再同大家公佈~
     
     

    回覆刪除
  5. 嗯!一定支持和關注你的!我是 imagery 啊,你記得我麼?
    [版主回覆10/08/2011 23:43:00]Thank you imagery!  我緊係記得妳啦~
     
     

    回覆刪除
  6. 一定要關注你啊 ! 不過關注左有什麼作用架?
    我開左另一個新版blog黎試用, 又關注左一些blog友, 不過大部份都收不到他們的最新更新 ! 新版簡單好廢,  
    [版主回覆10/08/2011 23:40:00]Thank you 芹菜!  
     
    聽聞舊平台既blog 友 + 訂閱,喺新平台會合併為關注!
     
    至於妳話關注咗blog 友但收唔到最近更新,我唸係其中一個Yahoo 仲未解決既新平台問題!  (好心佢地未搞掂就唔好迫用戶用啦!! 明知實比鬧!!!!)
     
     

    回覆刪除
  7. 一定支持到底
    [版主回覆10/08/2011 23:37:00]Thank you cpoo2001!
     
     

    回覆刪除
  8. 阿V, 無論係新級定舊級, 我地一樣會關注妳架~~~
    [版主回覆10/08/2011 23:37:00]Thank you SweetCandy!
     
     

    回覆刪除
  9. 一定會關注妳,我已訂閱妳
    [版主回覆10/08/2011 23:36:00]Thank you 晶晶!
     
     

    回覆刪除
  10. 我都唔想搬.... ....但...但........遲得一日得一日啦......
     
    [版主回覆10/08/2011 23:36:00]我唸根本無用戶想搬!
     
     

    回覆刪除
  11. 如果萬一失散咗,我地係facebook相見啦)))
    [版主回覆10/08/2011 23:35:00]點會失散呀?  我會照用返"La Cuisine De Veronica" 做blog 名架!
     
     

    回覆刪除
  12. 跟你~
    [版主回覆10/08/2011 23:35:00]Thank you 一生一愛!
     
     

    回覆刪除
  13. 我12號等佢自動 升級雖然係好唔想
    [版主回覆10/08/2011 23:34:00]12號後佢地會有2個options 比用戶: (1) 選擇備份 - 但備份後網誌唔會搬到新平台,而舊平台戶口會自動消失! (2) 選擇升級~
     
     

    回覆刪除
  14. 我頭先都開始升級,不升不升還須升 
    [版主回覆10/10/2011 04:13:00]咁妳有無打算寫返blog 呀?
     
     

    回覆刪除
  15. Vca.... 我都唔想搬啊~~ 不過..... 如果會冇左a/c. 咁真係硬食..... 我會關注定你!! 旦禾! XDD PS, 白痴問題一問, 我而家訂閱/FD左果D, 係咪會有返晒? 定係要我逐個去關注返?
    [版主回覆10/10/2011 04:12:00]佢地話訂閱 + Blog 友名單會照搬到新平台 - 不過佢地係咁講咋,我都唔知堅定流?
     
    我遲吓可能會喺另一個website 多個新竇,不過仲未落實! 如果落實咗又覺得Yahoo 新平台唔好用,我會全面搬哂過去新竇~
     
     

    回覆刪除
  16. 都唔明點解要 升級好鬼煩
     
    [版主回覆10/10/2011 04:09:00]最討厭係升級後強逼人要公開個人資料! 如果唔公開就show 唔到頭像!!!
     
     

    回覆刪除
  17. 我條頸實在太硬喇﹐我寧願唔要我個BLOG~ 受威脅既感覺好噁心~
    [版主回覆10/10/2011 04:08:00]妳真係放棄唔再寫嘞? 唔好啦妹妹妹~ 我唔捨得妳啊!!!
     
     

    回覆刪除
  18. V女,我會十萬分關注妳!我好驚揾唔到妳,都時唔知點算好!
    [版主回覆10/10/2011 04:06:00]多謝Cooking Mama 支持啊!  唔洗驚搵唔到我,因為我會用返"La Cuisine De Veronica" 做blog 名架~ 我升咗級記住留言比我相認啊!!
     
     

    回覆刪除
  19. 之前我都發覺新BLOG好有問題,不過宜家好似都幾smooth,所以唔洗擔心
    [版主回覆10/10/2011 04:04:00]唔係擔心新平台有問題,有問題未搞掂自然大把用戶鬧到佢地整好為止!
     
    只係唔鍾意新平台咁鬼醜樣,好影響分享心情!
     
    不過遲吓我可能會開多一個新竇,到落實咗先再同大家公佈!
     
     

    回覆刪除
  20. i saw cheung c 9 blog, found out that for famous blogger, they will following up closely for smooth transition.  i was hoping you can make use of this chance and tell them to fine-tune all the problems you found before... hahaha (greedy me )!!!!! as for myself, i will just wait until the last moment....

    回覆刪除
  21. 我都已經被迫升左級啦 ,   你記得關注我呀 ” Wing L 我一定會十萬分關注妳!

    回覆刪除
  22. 其實而家新Blog都OK架,我8月中搬咗到而家,中間真係想放棄,因為支援不足,好多嘢要改但改得好慢,功能做唔到等等,但經過兩三月,剛剛好似攪好咗D啦。希望你12日搬Blog成功啦,到時再見。

    回覆刪除
  23. 我一定關注妳架

    回覆刪除

Related Posts Plugin for WordPress, Blogger...