霸王花無花果煲豬腱; 京蔥獨子蒜爆羊肉; 清蒸滑水蛋 & 蠔油菜心
本來唔係想煲霸王花湯既，
不過原本想煲既湯，我又買漏咗紅蘿蔔，
最近又成日落大雨，大風大雨唔想為咗幾條紅蘿蔔特登出街~
於是搵吓屋企有咩玩成湯料，
反正好耐無飲過霸王花湯，就煲霸王花啦!
最近天氣越來越涼，係時候食羊肉嘞!
第一次食獨子蒜，果然比普通蒜頭香好多喎~~~~
本來依餐只得2個餸，但臨煮飯前突然好想食滑滑既蒸水蛋......
於是快手整咗個只有清雞湯、少少胡椒粉、蔥花、熟油 + 豉油既蒸水蛋~
滑滑如豆腐花非常好味，老公一路食一路話好正!
結果依大碟有5隻蛋既蒸水蛋最快清場!!
霸王花無花果煲豬腱食譜click here~
京蔥獨子蒜爆羊肉食譜click here~
生滾肉丸粥 - 依個係尋晚(10月19日)既晚餐~
原本d粥係白雪雪煲得好靚，
但我一個唔留神就煲燶粥所以煲粥黃哂......
不過煲粥有陣"飯焦香"，都幾好味呢! 哈哈~~~~
生滾肉丸粥食譜click here~
依d係前幾晚食既......
10月10日: 梅菜蒸肉餅 &清炒菠菜
是晚Mr.T 晏少少返，不過我忍唔住肚餓，
所以我自己先開飯~ (加咗2磚腐乳!!)
梅菜蒸肉餅食譜click here~
10月12日: 外賣咖喱
好耐無食過咖喱，
我唸因為最近天氣涼咗，所以想食咖喱!
食完暖笠笠嘛~~~~~
就來比Yahoo Blog 激死!
我先前先話新版無我想像中咁差，
但轉個頭用落就發現新版越來越多問題!
而且問題仲係嚴重程度果隻!!
最差既就係插圖功能!
寫一篇得幾張相既網誌，
插入圖片後，一係無顯示; 一係死圖!!
千辛萬苦插咗十九幾廿次圖後終於叫做d相齊哂......
XYZ一發表d相又全部無Q哂!!!!
明明已經set 好哂d字係大，
成日無啦啦失驚無神跳返去default settings!!
Jeez!!!!!!!!!!!
插相問題我都有出現 所以攪到寫一篇blog 花左好多無胃既時間>"< 開頭我仲以為係自己部pc有問 =.=ll
回覆刪除[版主回覆10/21/2011 19:15:39]最火滾係有時編輯時齊哂相，一發表後10張有8張都死圖! 要再重新編輯過! 填表佢地又話檢查後運作正常....係正常我就唔洗填表啦!! 吹脹!!!
我都覺得昇級版好麻煩，放相放極都放唔到，好多野要重頭set添喎 *~*
回覆刪除[版主回覆10/21/2011 19:17:31]新版又難用又多問題又醜樣! 好心佢地未搞掂就唔好迫用戶用啦!!
我都覺得新版好麻煩 唔知點解仲成日食晒我的相 .... 搞到我要續張upload添 ~~ C得 ~~
回覆刪除[版主回覆10/21/2011 19:18:55]我upload 相就完全無問題，但編輯時真係好難加入圖片!!
我都覺得D圖勁煩.....
回覆刪除一insert得多,就唔係好掂~__~
[版主回覆10/21/2011 19:20:08]係呀! 我試過一次過加7、8張，緊有一兩張出唔到架! 真係好煩!!
我會放晒圖片後先寫文字
回覆刪除[版主回覆10/21/2011 19:26:22]試過嘞! 加哂圖後一用佢個預覽或HTML，d相就會自動消失或死圖! 就算齊哂相，有時一發表又死圖!! 乞人憎到無人有!!!
而家寫一個blog真係要用好耐時間~~upload相又慢喎~~
回覆刪除[版主回覆10/21/2011 19:27:17]我upload 相就完全無問題，但寫網誌時加入圖片有好大問題!!!
蒸水蛋係致愛。。。。 個新平台真係超煩。。。。成日打完都無晒 d 相。。。打到人都炆。。。。
回覆刪除[版主回覆10/23/2011 02:39:55]根本佢地個新平台仲有好多bugs 未搞掂，佢地死都要人升級無辦法，但最少都搞掂個新平台先要人升吖!!
咦?~呢老公遲返﹐我幫你食D肉餅丫~碟菜我都岩架~~我係咪好好意思呢?~
回覆刪除[版主回覆10/23/2011 02:41:15]哈哈~~~ 佢遲返咋，不過佢叫我留飯比佢呀! XDDDD
所以我遲遲都唔升 , 好怕麻煩...><
回覆刪除[版主回覆10/23/2011 02:43:17]除非妳放棄已寫咗既blog + 以後唔再寫blog，否則妳而家唔升，遲吓都一定要升!
嘩.....真係估唔到你兩個人碟蒸水蛋要用五隻蛋咁犀利呀
回覆刪除[版主回覆10/24/2011 20:31:01]我用1:1既清雞湯 + 雞蛋來蒸水蛋 - 一包細清雞湯250ml 相等於大約5隻蛋! ;-) 蒸出來又輕又滑好似豆腐花架! =)