美國 - 老翻Domino's Meltdown Pizza

Pizza 喎! 點解唔係意大利會係美國?
因為Domino's Pizza 係一間美國連鎖餐廳，
佢地自創既招牌pizza 自然係美式口味架嘞!

美國 - Buffalo Wings 水牛城雞翼

正宗既Buffalo wings 其實應該係炸既!
不過我唔鍾意食炸或脆既雞翼，
所以我唔加麵粉 + 改用焗既方法~

蘇格蘭 - Balmoral Chicken (哈吉斯羊雜碎釀雞胸配威士忌胡椒汁)

前篇介紹過haggis 係傳統蘇格蘭食品來(網誌)，
Burns Supper 除咗食haggis, neeps and tatties 之外，
仲好常食依個Balmoral Chicken，一樣有haggis!
雖然其他地方未必買得到haggis，
但不妨試吓以其他材料代替haggis 來做依個釀雞胸吖~

芝士煙三文魚洋蔥炒飯

素炒粒粒

屋企現成既材料就地取材既快手小炒素食!

Burns Night 的免費Haggis (2013年1月25日)

每年1月25日係Burns Night - 紀念蘇格蘭詩人Robert Burns 既日子!
Robert Burns 係乜水?
相信大家對"Auld Lang Syne"依首歌應該好熟識，
"Auld Lang Syne"就係出自Robert Burns 手筆架嘞~

唔明"Auld Lang Syne"點解?
唔出奇~ 因為唔係英文來!
而係Scots Leid, aka Lowland Scots - 一種蘇格蘭方言，
即係好似我地既客家話、潮州話......之類~

嘔心Preserved Lemons (2013年1月23日)

早前整摩洛哥塔吉鍋燜雞時，
提過我喺愛丁堡Harvey Nichols 食品部見到有preserved lemons 賣.......

就係依隻嘞! 每樽承惠約£6~

Afternoon Tea@Mercure Hotel Edinburgh + Dinner@Saigon Saigon Edinburgh (2013年1月23日)

星期一晚Mr.T 臨時去咗Birmingham 開會，
原本話南下落大雪會議除消，
後來臨時臨急又話back on......
Mr.T星期三清晨先返到屋企，
瞓到晏晝叫我陪佢一齊返office~
去到愛丁堡太晏食lunch，但又太早食dinner......

於是去咗歎Afternoon tea!

DIY環保酵素

我發現人既口味真係會隨住年齡而改變....... 
10歲前我同其他所有小朋友一樣食飯時多數係"誓願"，
只鍾意食餸唔食飯;
但而家既我變成咗一個飯桶!
一定要有飯先食得落餸，無飯食仲會軟手軟腳~

Spaghetti with Roman Cauliflower & Anchovies 羅馬椰菜花鹹鯷魚意粉

羅馬椰菜花原產意大利，當然要用返道地意式煮法啦! 

罕有

話說之前買比Mr.T既lunch box，
佢已經唔見咗九萬幾年，買過個新既比佢......
我要搵一個材料手工都要好，又要無毒入得叮叮爐;
仲要符合Mr.T心水顏色大細......
 

咁啱聖誕過後Asda 清貨，比我搵到個減價BPA free黑色lunch box! 

秋葵火腿蛋炒飯

二人世界2013第一餐三餸一湯 - 2013年1月16日 (附食譜)

唔知大家有無睇新聞知唔知道英國有大風雪呢?

當英國各地大風雪到交通癱瘓學校停課既時候........

Glasgow 無落大風雪交通無癱瘓之餘，仲陽光普照好好天! 

Glasgow 無落雪咩?
其實有架! 仲已經落咗2次添!! 
氣溫一直持續零度或零下，根本凍到係應該落大雪既天氣，
但偏偏谷住谷住落唔出，最終落得出果2次就得d屎咁多，
地面只鋪咗一層薄薄既積雪，第二朝太陽一出曬一陣就無哂，
十足十便秘咁既款......

叮噹的神奇新法寶

我知...我知......改咗名吖嘛! 

而家叫做"多啦A夢"吖嘛!! 

不過喺以前我日日放學後開電視睇卡通片既年代，

依隻藍色明明唔似貓但又話佢係機械貓既物體係叫做"叮噹"，

大雄d friend 叫做靜宜、阿褔 + 技安......

所以，我係唔會改口既! 

我死都要叫佢做叮噹!! 

Preserved Lemons 鹽醃檸檬

Preserved Lemons 係印度及北非菜式中常用既材料，

尤其係摩洛哥地道菜式，

e.g. 飯、咖喱、沙律、tagine...etc 都好常用得到~ 
Preserved lemons 唔算普遍，
所以英國一般超市未必買得到，
我暫時只見過Sainsbury's + Harvey Nichols 食品部有得賣，
不過買唔到都唔緊要，
因為自己醃製preserved lemons 非常容易! 

神秘Cath Kidston 軟尺

前言 
行街好多時我都會度野.......
e.g. 買傢私買廚具，尤其係烘焙工具，
通常焗盆招紙上印住既size，同實際size有好大出入!
(朋友話因為好多焗盆size計埋條邊!)
不過唔係每間店都好似IKEA咁有紙尺提供，
所以我手袋裡面會長備一卷尺~

以前我用裝修工人用果種tape measure，不過果舊野實在好重，
而且由細到大我都覺得裡面條鋼尺好危險，好怕會界到手!
雖然從來都無試過.......

上次返香港時喺Jusco 12蚊店搵到個粉紅色熊仔頭軟尺，
撳吓熊仔個鼻軟尺就會自動捲返好，又輕又方便!
不過熊仔軟尺好鬼化學，
唔夠一年就比我跌壞咗個鼻，撳極都捲唔返條尺.......

去年的聖誕禮物

過完新年，仍然收到朋友越洋寄來既聖誕禮物!

1月4日收到卡通精寄來一張好靚既立體聖誕咭，
Thank you Wan!

大減價日誌

之前2年既聖誕 + 新年都喺香港渡過，
返到來英國時，大減價已經結束得七七八八......
今年留喺英國過聖誕 + 新年，
當然要把握返機會啦!

雖則話要把握機會，但其實我真係無咩特別需要或想買......
不過依點非常容易解決，只要我屹起身去躝街就一定會有收穫!
哈哈~~~~~~
 
先講返29號我牛一果日，食生日晚飯前去躝咗一陣街.......

聖誕theme 曲奇模

基本上我 + Mr.T都唔食餅乾既，我本身亦無乜興趣整......
但聖誕期間喺FB見到大家整既糖霜曲奇好鬼靚，
攪到我又心思思想整埋一份!

不過一我無聖誕曲奇模，二聖誕已經過咗......
過咗聖誕就啱哂嘞 - 因為聖誕野一過聖誕就會即時減價!

Lunch@Rogano (2013年1月6日)

星期日同Mr.T去咗Glasgow 其中一間我地最鍾意，
但好耐無去過既餐廳 - Rogano 食lunch~

Beef Bourguignon 法式紅酒燉牛肉

星期日同Mr.T食咗一餐超好味既lunch，
Mr.T點既Beef Bourguignon 好食到不得了!
急不及待又要翻一翻!!

醃檸檬青橄欖摩洛哥塔吉鍋燜雞 Moroccan Chicken Tagine with Preserved Lemons & Green Olives

今次依個chicken tagine，

用咗一種市面比較少見既材料"Preserved Lemons"，

係印度、北非及中東菜色中常用既材料~

越南酸肉 Nem Chua

我小學時代V媽媽舖頭斜對面有間越南餐廳，
有一種一抽抽吊起，用油甘葉包紥成圓條狀，
外型似迷你粽，打開似豬肉腸既即食小食，
叫做Nem肉 (越南酸肉)~

二人世界New Year - 2012年12月31日 + 2013年1月1日 (附食譜)

之前連續2年既Christmas + New Year 都返咗香港渡過，
今年留喺英國過聖誕 + 新年，
隆重其事提早唸定聖誕 + 新年兩個大日子食乜!

之前都提過英國每年既12月25日 + 1月1日所有超市食肆都唔開門，
不過我要食材新鮮，
我唔興洋人習慣買定大堆食材塞喺雪櫃食個幾兩個星期，
所以煮聖誕 + 新年餐我都係平安夜 + 大除夕先去買材料確保新鮮~

平安夜果日我晏晝先去超市買餸，
雖然多人搶購，不過staff 不停補充貨架，
一早寫定購物單既我兜一個圈好快就買哂我要既野!
(雖然返到屋企後發現攞錯野 + 漏買2樣野要出去換......)

雖然平安夜買餸買得咁順利，但大除夕我都唔敢咁老定，
10點零鐘我已經去超市入貨，
點知今次咁早去，已經有好多貨架空哂!!

西蘭花得返兩個，即時立咗一個;
黃色燈籠椒剩返三個咁大把，有一隻開始爛爛地;
走地雞胸無哂，連corn fed 既都無，唯有買普通雞胸;
包裝新鮮紅酒gravy 無哂，轉買樽裝;
Extra Special 既cheddar cheese 賣哂，買普通cheddar cheese.....