罕有

話說之前買比Mr.T既lunch box，
佢已經唔見咗九萬幾年，買過個新既比佢......
我要搵一個材料手工都要好，又要無毒入得叮叮爐;
仲要符合Mr.T心水顏色大細......
 

咁啱聖誕過後Asda 清貨，比我搵到個減價BPA free黑色lunch box! 

打開共有兩大一小共三格，兩邊都可以放食物~ 

黑色飯盒好少見，夠哂型仔~ 
仲可以襯返IKEA買既黑色保溫壺裝埋靚湯比Mr.T帶返工呢!



早排見過巨型1加侖裝既Tabasco 辣椒汁(網誌)......

今次輪到超迷你3.7ml裝，名副其實係"辣椒仔"! 

細細枝勁可愛~ 

依隻零食糖叫做"Candy Corn"~
雖然叫做Candy Corn，不過其實同粟米完全無任何關係......

白橙黃三色既錐狀造型，非常難想像佢竟然係蜜糖味! 

墨西哥製造既Candy Corn，由美國入口，
英國一般超市買唔到，只有專門售賣美國糖果既店先買得到，

手工粗糙唔精美，但312g賣£5.99(約$74HKD)貴到嘔! 
既然咁貴我又唔鍾意食糖，咁我買來做乜呢?
我買來係有特別用途既! 至於係咩特別用途......
等我用咗後有製成品比大家睇時先揭曉啦! 

早幾日Mr.T order Domino's Pizza 外賣時叫咗份雞翼，
雞翼附贈依隻Frank's RedHot sauce 非常好味! 
雖然又係美國入口貨，不過英國好多超市都有得賣，
價錢仲好平呢~ 

一set 4款ravioli stamp cutters~
雖然我好少整ravioli - so far 只整過1次咁大把;
雖然我咁少整都已經有3個ravioli stamp cutters (圓形、三角 + 心形)......

不過依套有4個唔同款，包括我未見過既星形 + 花形，
真係忍唔到手啊! 



每次我整親忌廉蛋糕，有一個step 我覺得非常危險......
就係用刎刀將整好既蛋糕剷起，從轉盆搬到墊底紙板上依個step!
只要手稍微震一下，蛋糕就好易粉身碎骨!! 
蛋糕越大，風險越大.......

所以我買咗依個蛋糕剷，比用刎刀安全得多! 

極少整曲奇既我，最近發現自己原來有好多曲奇模，
足足夠放滿一個膠箱! 

聖誕前見好多人整糖霜曲奇整得好靚，
雖然我唔鍾意食糖霜曲奇，但都心思思想試吓整!
既然我已有咁多曲奇模，搵日要試吓做糖霜曲奇~
睇書話糖霜最好用膏狀食用色素混色......

所以我有藉口一口氣買哂Dr. Oetker 全套8色食用色膏! 

話咁快又就到農曆新年，買咗小盆迷你水仙應應節! 

上次去羅馬旅行時喺超市第一次見到依舊野 - 羅馬椰菜花~
雖然當時已經覺得佢好核突，
但出於好奇，好想試吓究竟係咩野味! 
不過去旅行無理由帶個椰菜花返蘇格蘭架嘛......真係估唔到weekend 會比我喺Morrisons 搵到依舊野喎!

闊別數年，仍然覺得佢好核突! 不過原來佢好好味果喎~
稍後同大家分享食譜! 

聖誕已過咗差唔多一個月，估唔到我仲有禮物收喎!
呵呵~~~