Afternoon Tea@Mercure Hotel Edinburgh + Dinner@Saigon Saigon Edinburgh (2013年1月23日)

星期一晚Mr.T 臨時去咗Birmingham 開會，
原本話南下落大雪會議除消，
後來臨時臨急又話back on......
Mr.T星期三清晨先返到屋企，
瞓到晏晝叫我陪佢一齊返office~
去到愛丁堡太晏食lunch，但又太早食dinner......

於是去咗歎Afternoon tea!

今次去咗位於愛丁堡大街Princes Street 既Mercure Hotel~

餐廳樓面好大!
可能因為係閒日，計埋我 + Mr.T 只有大約4、5枱客人~

2人份既earl grey，雖然係茶包，不過茶好香~
茶壺好鬼大隻啊!

2人份afternoon tea 份量唔太多啱啱好~

下午茶餐牌上有三種finger sandwiches，
不過落order 時發現原來每人只限選其中一種，有d失望......

我選咗tuna mayo;
Mr.T就選咗smoked salmon & cream cheese，
可幸既係每種有3件，而且仲好好味!

有3種甜點，每種2件.......
見到依3種蛋糕時我心唸: 一定好鬼甜! 尤其係啡色果片!!

一眼望落去，我直覺覺得自己最唔鍾意依塊Vanilla Slice......
意外地佢並唔太甜，而且中間既忌廉非常light，
味道同我想像中相差好遠!
不過仍然係3種之中我最唔鍾意既蛋糕，
因為我唔鍾意頭+ 底果兩塊千層酥~

迷你Victoria Sponge 好light 如食空氣，
我鍾意佢中間忌廉多過jam，甜度啱啱好，好好食!

食之前我唔知依塊蛋糕係咩口味，
只係覺得佢個樣唔靚，估佢會太乾 + 太甜，點知.......
原來佢係咖啡味，咖啡味仲啱啱好唔會太濃，
甜度對我來講直情係完美，最意外既係 - 佢竟然好moist!
真係估佢唔到依塊其貌不揚既蛋糕竟然好食成咁!!
美中不足太細塊! 好食到比夠一條我都食得落呀!!!

Fruit scones 2件，仲有少少暖暖地，
味道唔錯，不過都係我自己整既scones 正好多! 哈哈~~

依餐afternoon tea 好平，二人份只£14，
雖然食物賣相平平，但水準有過之而無不及~
淨係佢塊咖啡蛋糕，
已經可以令我肯定地講一句: 我一定會再幫襯!!

Mercure Hotel Edinburgh: http://www.mercureedinburgh.co.uk/afternoon-tea-for-two.html


Tea 完Mr.T要返office 一陣，我就去行街~
行到咁上下去office 等Mr.T放工，
話咁快又到晚飯時間嘞!

癲拿去咗Saigon Saigon......
咪睇佢個名叫做"西貢"就以為係食越南野，
查實係一間中國餐廳來!

以前佢地只做中式自助餐，我地已經幫襯過好多次，
佢係我見過唯一一間有任食燒鴨既中式自助餐，
亦係我食過最好既中方自助餐!
不過而家改為無燒鴨 + 只做中午既自助餐，
晚市就改為晚飯小菜(主打東北菜) + 夜茶點心~

是晚本來想飲夜茶，因為好耐無食過中式點心......
但睇完餐牌後決定叫餸食飯!

兩個人點咗3個餸~ 得3枱客人極速上菜.......

東北鍋包肉
粉漿稍嫌太厚，糖漿汁少少太甜，不過幾好送飯~

魚香茄子
無用鹹魚 + 帶辣既魚香茄子，天氣凍冰冰，依個送飯一流!

薑汁芥蘭
芥蘭爽甜無渣大大條，食都食得出好有鑊氣去炒果隻!

每人食咗2碗飯，不過3個餸都食唔哂，飽飽滿足打包返屋企~

Saigon Saigon Edinburgh: http://www.saigonrestaurant.co.uk