我小學時代V媽媽舖頭斜對面有間越南餐廳，
有一種一抽抽吊起，用油甘葉包紥成圓條狀，
外型似迷你粽，打開似豬肉腸既即食小食，
叫做Nem肉 (越南酸肉)~
第一次食到Nem肉既美味，
彈牙豬肉夾雜住爽口豬皮絲......
味道酸酸地，加埋強勁蒜頭 + 魚露既香味........驚為天人!
後來餐廳結業，其他越南餐廳無賣Nem肉，
就無再食過Nem肉......
經此一別大約10年後去加拿大旅行，
喺唐人街一間越南人開既小食店重遇Nem肉，
記得果次搏哂命食返夠本!
不過之後我同Nem肉又再一次分離.......
加拿大之後又隔咗十幾年........
不過味道口感都麻麻地，但總好過無，
可惜可能無乜demand，買過一次後就無再見過......
直至星期日貪就腳去一間我極少去既中超買出前一丁.......
幸好打開包裝後，仍然係果陣久違得來好熟悉既香味~
味道雖然唔夠我細個時喺香港果間越南餐廳，
甚至加拿大越南小店既Nem肉咁好味;
不過我記得早幾年喺泗和行買既Nem肉係由越南入口，
但相比之下，今次依隻比泗和行果隻好食好多喎!
對我來講已經足夠，可以喺蘇格蘭食到依種味道我已經好滿足!!
有朋友話我知，佐敦舊樓區文英樓附近，
有一間賣越式法包但唔起眼既小店有Nem肉賣!
(詳細地址或店名不詳......
)有興趣試吓Nem肉滋味的話，
不妨去佐敦碰碰運氣吖!
喔....没听过也没吃过，等我在sheffield 找找看，如果找到，我寄给你吃！！
回覆刪除[版主回覆01/11/2013 03:09:34]唔洗煮架，剥開包裝就食得架嘞!
先多謝月兒~ 不過就算妳搵到都唔洗寄比我嘞，我依度有得賣嘛!
[yoong回覆01/09/2013 22:39:48]想问，这东西是怎样吃的，要拿去煮吗？？
上次同事去越南玩買番黎請我地食，好似小食咁唔洗煮..真係好好味!
回覆刪除[版主回覆01/11/2013 03:08:25]樓上yellow c比咗小店既資料link~
http://www.openrice.com/restaurant/sr2.htm?shopid=9069
回覆刪除[版主回覆01/11/2013 03:07:31]Thanks for the information yellow c!
我食過啦.. 我覺得好得意酸酸地辣辣地(因為佢地放一片辣椒向面)...
回覆刪除個樣同你上面圖一粒粒咁個款差唔多, 不過就紅色D, 好似深粉紅色咁...
我一細舊好似一隻麻雀咁大粒, 不過厚度只有麻雀的一半...
[版主回覆01/11/2013 03:02:16]我依條都有一隻辣椒喺裡面架
一粒粒果款我只買過一次就無再見過，不過我覺得果隻麻麻地
其實九龍城賣泰國食品的鋪頭好多都有得賣呀...
回覆刪除不過就係泰國出的唔係越南...
[版主回覆01/11/2013 03:00:33]係呀? 我未試過泰國出既，唔知味道會唔會有唔同呢.....下次返香港試吓先! thanks
成日好鬼happy既Mrs. T.
回覆刪除-我鐘意越南依d nam 肉.
-依個一條條獨立包裝, 衞生又方便. 就咁切片食or 夾下麵包都好美味!
-新一年祝你身體健康,生活愉快.
[版主回覆01/11/2013 02:59:16]我食過所有nem 肉都係獨立包裝果喎! 我未試過夾麵包，每次都係就咁空口食~
Thank you Vicky! Happy 2013~
我住係 Vancouver 咁耐都唔知有呢個 Nem 肉買，呢邊越南超市同餐廳很多，抄咗呢個名問吓越南朋友邊度有得買！
回覆刪除[版主回覆01/11/2013 02:57:31]我唔記得果次去加拿大係喺溫哥華定多倫多唐人街見到.....不過妳有越南朋友就啱哂，佢地一定知!
Will you try to make it yourself later on? It looks so yummy ah.
回覆刪除[版主回覆01/11/2013 02:56:14]no i wont, it's too much of a hassle to make this myself.
睇完真係好想試下 , 我會去佐敦八下 , 多謝你的介紹呀 !
回覆刪除[版主回覆01/11/2013 02:48:52]唔洗客氣! 希望妳都鍾意啦~
樓上yellow c 有條link，有果間越南小食店既地址啊!
我都勁鍾意食呢隻肉, 我都係而家先知係叫NEM肉, 我多數係D泰式鋪頭度買, 幾乎架架都有賣架, 佢個PACKING係一粒粒個款, 真係好好食
回覆刪除[版主回覆01/15/2013 00:08:54]咁妳平時去買叫佢做乜架?
明明係越南食品，泰國舖頭有得賣，越南餐廳反而唔見.....