神秘Cath Kidston 軟尺

前言 
行街好多時我都會度野.......
e.g. 買傢私買廚具，尤其係烘焙工具，
通常焗盆招紙上印住既size，同實際size有好大出入!
(朋友話因為好多焗盆size計埋條邊!)
不過唔係每間店都好似IKEA咁有紙尺提供，
所以我手袋裡面會長備一卷尺~

以前我用裝修工人用果種tape measure，不過果舊野實在好重，
而且由細到大我都覺得裡面條鋼尺好危險，好怕會界到手!
雖然從來都無試過.......

上次返香港時喺Jusco 12蚊店搵到個粉紅色熊仔頭軟尺，
撳吓熊仔個鼻軟尺就會自動捲返好，又輕又方便!
不過熊仔軟尺好鬼化學，
唔夠一年就比我跌壞咗個鼻，撳極都捲唔返條尺.......

無耐之後個熊仔頭仲散埋，個殼唔知去咗邊，只剩返條尺~

一直無打算買過個定點.......
只係將條軟尺求其塞喺散紙包裡面，
間中Mr.T問我攞散紙泊車，
會投訴把軟尺好麻煩，攞錢好唔方便!



後語

上星期日行完街返到屋企，食飽飽同Mr.T一齊睇緊電視........

我: Hon~ 早幾日我網上睇到話原來用紅色銀包會好大洗架(八卦野)，我想換返個舊銀包來用，你覺得LV定Gucci好d呀?

我而家用緊一個紅色既LV銀包，
我另外仲有一個啡色LV + 一個黑色Gucci~

Mr.T: 邊個銀包有埋散紙包?我: 我個個銀包都有散紙包架啦! 不過我嫌細 + 會整到個銀包變型，所以先用Wapity Case來放散紙囉~
Mr.T: 係喎......妳個Wapity Case 係France or Spain造架?我: 話時話我用咗咁耐都無留意過喎!於是我攞個Wapity Case check 吓係邊度造......

即係咁樣拉開拉鍊打開裡面睇~

我: Hon~ 係Made in France 呀! 之後我拉返拉鍊，將散紙包求其放喺枱上，
依個時候我隱約留意到Mr.T呆望散紙包約3秒.......

Mr.T: 依個野咁細隻，放得多唔多散紙架?我: 唓~ 你成日都攞來泊車架啦，你唔知有幾大咩?Mr.T: 唔知放滿咗會有幾多嘛!我: 咁要睇吓銀仔銀碼幾大果喎!

Mr.T: 我覺得放滿都唔會有好多!!我: 都唔係架~ 我唸放滿咗會好重架! 咁你係咪嫌佢唔夠大，想送個大d比我吖?

我攞起散紙包拉開拉鍊，
準備show 比Mr.T睇吓裡面有幾大，
心唸: 如果Mr.T再同我拗大細，我就要佢負責填滿我個散紙包!!!

點知我一打開，就見到裡面有卷Cath Kidston!
(Cath Kidston 既花花實在太容易認嘞!)


Mr.T: Oh honhon I cant believe you! Sometimes you're really....

平時認叻兼自認醒目既我只係不停笑.......
我甜笑，因為覺得好窩心;
我傻笑，因為覺得自己好笨!

我唸唔到Mr.T究竟幾時走去買卷軟尺?
我唸唔到Mr.T究竟幾時偷偷將卷軟尺放入我個散紙包??
我更加唸唔到有咩理由我第一次打開散紙包時會見唔到卷軟尺???
超級發雞盲!

除咗有cm.......

仲有埋inch! (熊仔頭兩面都係cm 來!)

依卷Cath Kidston 比熊仔頭更細更靚更方便更好用，
我真係好鍾意! Thank you Hon~


同場加映........

聖誕時Mr.T漏咗幾份我既聖誕禮物喺office (網誌)，
終於都攞咗返來嘞!