5月頭二人世界晚餐 (附食譜)

一次過update哂成個月既晚餐實在太辛苦嘞!
快快清埋咋晚餐相先........

5月1日: 話梅豬手; 西芹露筍炒蝦球; 午餐肉煎蛋

依餐主要清隔夜餸 + 清清個雪櫃!
身為賢妻當然唔可以浪費啦~

之前一晚食剩既話梅豬手，兩個人兩餐啱啱好攪掂哂!
由於今次唔記得叫butcher幫我斬開隻豬手，
下次先出返個食譜~

之前一晚炒花枝仲有幾條西芹剩低，
喺雪櫃又摷到幾條露筍........不過蝦球係買既!

雪櫃又有半舊食剩既spam; 幾條仔flat leaf parsley;
幾隻過幾日就到期既雞蛋........撈埋又變成一味餸!
午餐肉炒蛋食譜click here~

清倉行動成功!!

5月2日: 話梅雞翼; 雜菌蒸水蛋; 清炒菜心

好鍾意前一晚既話梅豬手!
包話梅開咗用剩幾粒，一於整話梅雞翼用埋佢~
話梅雞翼食譜click here~

我 + Mr.T一向鍾意蒸水蛋!
有蒸水蛋果晚Mr.T必定特別好胃口~
雜菌蒸水蛋食譜click here~

5月3日: 鱈魚香草剪影闊麵

新手整依個闊麵真係好好玩!

手工香草剪影闊麵做法click here~
鱈魚香草剪影闊麵食譜click here~

5月6日: 午餐肉粟米飯

是晚無買餸......不過喺我屋企係唔會有肚餓依回事!
依個超級懶人飯名副其實快手好味又飽肚~午餐肉粟米飯做法click here~