二人世界三餸一湯 - 2013年5月14-15日 (附食譜)

最近唔知點解成日都好想食雞!
連續幾餐都食雞，但食極都好似唔厭.........

5月14日: 蕃茄煎蛋免治牛肉湯; 金針雲耳紅棗蒸雞; 清蒸比目魚; 炒菜心

是日午餐一人前，
來個"厚切brioche多士半熟肉眼扒配火箭菜 + 蒜蓉蛋黃醬三文治"!
睇來我真係食brioche多士食上咗癮~
原來用甜甜地既brioche來做三文治都好襯果喎!!

我屋企係無多士爐既! 咁我點整多士呢?
多士爐對我來講，係眾多廚房gadget之中最多餘最阻訂!
整多士我會直接用焗爐，每次都烘得剛剛好，
唔會太燶亦唔會烘得唔夠，而且麵包我想要幾厚就切幾厚都得!!

夜晚Mr.T放工返到來就來個三餸一湯.......

好耐無飲過湯水，不過是日天氣熱唔多想煲老火湯~
咁滾湯啦! Mr.T最鍾意依個滾湯!!
蕃茄煎蛋免治牛肉湯食譜click here~

早一晚食咗冬菇蟲草花蒸滑雞，
有點意猶未盡........是晚再食蒸滑雞，
只係換咗配料，異曲同工!
金針雲耳紅棗蒸雞食譜click here~

Tesco魚檔見到大條又好新鮮既lemon sole，
(Google Translate竟然將佢譯成"檸檬鞋底"! 吹脹.......)Lemon sole一向肉厚且滑，
連一向厭惡累骨既Mr.T都好鍾意食~

依條lemon sole仲好有驚喜 - 肚裡面有大孖魚春呢!

5月15日: 冬南瓜摩洛哥塔吉鍋燜雞

連續第三晚食雞! 而且都係雞肶.......
不過我自己唔悶，都怕Mr.T會悶~
所以是晚整吓異國口味!

今次無落鷹咀豆，整咗3隻雞肶，份量啱啱好一餐清哂!
冬南瓜摩洛哥塔吉鍋燜雞食譜click here~