Mr.T好手勢 - 水波蛋雜菌威爾特郡火腿法國牛油吐司

個名係咪好長呢? 其實已經簡化咗!
英文名更長更詳細......"Poached Eggs & Wild Mushrooms Over Wiltshire Cured Ham & Toasted Brioche with Garlic & Herbs Dressing"~

Mr.T好手勢? 無錯......
依碟野係基本上完全唔識煮野既Mr.T，
一手一腳親自整比賢妻V食既!

第一次整水波蛋竟然可以整得咁鬼靚...真係有d唔鬼抵得佢!!
依d咪叫做"真人不露相，露相非真人"囉!



1. 法式牛油麵包(即係brioche loaf~ 我唔鍾意叫佢做"布野歐"! )厚切，一面塗上牛油，放入焗爐180C烤成吐司。

P.S. 焗爐唔需要預熱! 直接放入焗爐，其他材料煮完後吐司就啱啱好架嘞!!


2. 野雜菌用微濕廚房紙抹乾淨，剁碎備用。


3. 新鮮parsley適量剁碎備用。


4. 燒熱鑊燒溶牛油，下少許橄欖油防止牛油燒焦。


5. 下野雜菌炒熟，以海鹽和黑胡椒調味，盛起保溫備用。


6. 煮滾一鍋清水(鍋子不要太小 + 太淺! 我用20cm單柄鍋，大約1.5L清水~)下3湯匙白醋拌勻，轉中小火保持水中小滾。

P.S. 白醋可以令蛋白在水中加快凝固~ 如果無乜把握的話，白醋既份量不妨酌量加多dd，因為煮蛋過程中白醋好快會揮發哂，完全唔會影響水波蛋食味!


7. 用勺子攪拌鍋中水使中間造成漩渦，在漩渦中打入雞蛋1隻(我用粉藍雞蛋! )，繼續輕手攪拌，待蛋白變白完全包住蛋黃，在水中煮至你喜歡既生熟度後撈起。


8. 鍋中下extra virgin 橄欖油(多d!)，加蒜泥爆香，熄火加入(3)，再加入檸檬汁拌勻。


9. (1)的吐司上碟，在吐司上鋪上一塊Wiltshire Cured Ham(威爾特郡火腿)，再放上(7)的水波蛋2隻。


10. 放上(5)炒好的野雜菌和火箭菜(wild rocket)，最後淋上(8)的汁即成。

作為早餐/brunch/light lunch佳宜!