2013年8月22日星期四

魚與熊掌 (2013年8月17 + 18日)


我...我...我......又買鑊......今次仲買咗2隻!
是咁的.......

3個月前我需要一隻
我可以單手拎得起既易潔鑊,喺無做任何research既情況下,心急又貪牌子,
買下依隻Stellar
(自稱)易潔鑊~ (網誌)

我從未用過一隻易潔鑊好似依隻咁快熱 + 咁勁鑊氣 + 咁易炒燶餸!
我用電爐,就算用細火來炒野都會有太大火
炒燶餸既效果,
只用咗2次已經燒黑咗,仲開始黐底.......
Again我從未用過
一隻易潔鑊咁快就玩完會黐底!!

我最初以為自己個爐太勁或我使用方法錯咗先會攪成咁,
點知上網一check吓review,
竟然發現個個用家都有我咁既情況!!!

於是我又要再次展開"尋找易潔鑊的故事".........

星期六我先買咗依隻德國Beem雲石鑊~

幾年前我已經好恨雲石鑊!
當時香港好興韓國雅X牌,
不過見好多人彈3、4個月後會黐底~

果時無耐後Lakeland就有雲石鑊賣,
不過係德國製既,但太貴我唔捨得買......


依隻Beem係舊年先出既改良版雲石鑊,
同之前既雲石鑊有d唔同 - 之前既滑面,而依隻改良版係"鞋"面!
不過因為新出,暫時無咩人用過,
我網上只搵到2個用家review,仲要2個都勁讚好用比5粒星!!


本來問題不大~ 因為佢符合哂我要求 - 夠哂輕身又夠大既易潔鑊,
加上網上有用家讚好.......雖然只得2個,
但至少可以肯定唔會用2次就玩完! 不過........

第二日星期日我再次躝街,
比我喺TK Maxx搵到依隻比正價平法國Tefal Red Spot!
 photo _106.gif

首先我對Tefal依個牌子比較熟悉,雖然我未用過紅點,
但以前都曾經用過
Tefal覺得唔錯~
而且我記得曾經網上睇過有professional廚師讚紅點好用!
於是我有少少後悔早一日買咗雲石鑊........
不過雲石鑊未拆盒,可以搵返去退貨,
隻紅點一千零一隻,唔捨得放低.........

一時間決定唔到,於是把心一橫索性帶埋佢返屋企!


就係咁我買咗2隻鑊返屋企慢慢研究!  photo 26.gif

喺屋企拿住2隻鑊研究咗一晚(發神經!),我越來越confused!
2隻都好鍾意啊~~~~~~
Mr.T見我咁舉棋不定,佢就叫我2隻都keep住.......
不過賢妻實在過意唔去........
Well anyway, long story short......
最後我太貪心...決定2隻都要哂,魚與熊掌兼得! 哇哈哈~~~~  photo _1272.gif




星期六喺愛堡等緊Mr.T時,去咗逛市中心藝墟,
喺一檔賣木製品既檔攤,對依枝手造心心木牛油刀一見鍾情!  photo _106.gif



造型可愛,加埋天然杜松子木紋(juniper)........


仲有我最愛既心心~~~~ 點忍到手?




不買不買......還需買! 依本翻榶蛋糕技巧書內容真係好正~  photo 29_3_16.gif
而且我仲有一張書店循環再用至10月底先到期既9折卡.......
Oops! 又失守了~




想買一套英文字母及數字既模for整翻糖蛋糕好耐,
不過字型一係太大,一係太細; 再唔係就太貴.........
終於比我搵到依套字型size剛剛好仲好平~



仲有個膠桶仔裝住! 整整齊齊~



依個都係一個整翻糖必備既工具!


星期日Mr.T朋友喺Glasgow攪咗個漫畫展,
我地去撐場支持吓!



其中一個攤位,
有位叫做Neil Slorance既Glasgow獨立圖文插畫作家,
我非常鍾意佢簡樸可愛既畫風~


於是買哂佢現場4本作品!

Neil逐本親筆簽名,仲私人醒咗隻火箭過我! 哈哈~~~



啱啱好齊頭唔洗找錢,仲要咗2個可愛襟章!




勁鍾意依個cute版蜘蛛俠! 仲要得一千零一個呢~




連卡片都可愛過人,竟然有中文! 呵呵~~~~

當晚我一口氣睇哂4本小書,
當中有2本係Neil自己既旅行遊記,類似高木直子果類~
可能係文化差異,坦白講佢既敍事技巧比較平鋪直敍,
唔算好吸引! 不過as I said before我好鍾意佢既畫風,
所以我依然好enjoy! 將來Neil再有新作品,我都一樣會支持!
有興趣睇Neil作品既網友,不妨去佢個人網頁參觀吓吖~


Neil Slorance: http://www.neilslorance.com




已經斷咗好多期無買既Cake Decorating Magazine........
因為好多時所附贈既工具,一係我已經有,一係我無興趣,
所以而家我只會揀有我想要既贈品先會買!



今期依個花紋翻糖印好啱我心水呢!







Photobucket

13 則留言:

  1. 花紋翻糖印真係好靓呀
    [版主回覆08/23/2013 18:26:31]依d印喺英國烘焙用品店單買好貴架! 依本雜誌幾好,每期都會送一個工具,而且訂價又平,所以算賺咗~

    回覆刪除
  2. 快D post下你既翻糖作品啦!
    我屋企用梗果隻易潔鑊同易潔煎pan只係當年喺百佳用印花換既美亞牌, 用左3年都OK喎, 冇黐底, 雖然唔係日日用...
    [版主回覆08/23/2013 18:25:07]過埋weekend 下星期開工!

    易潔鑊用到3年好好喎! 不過無黐底還無黐底,都要留意吓有無刮花~

    回覆刪除
  3. 真係好鑊難求呀,我媽煮左幾十年飯,都買唔到一隻好鑊....>_<
    睇你買左好多翻糖工具喎...幾時有成品出呀...期待中~~~
    [版主回覆08/23/2013 18:21:17]其實我本身已經搵到好鑊 (德國鑽石易潔鑊),不過太重我單手攞唔起,所以我想要一隻我單手攞得起既易潔鑊! 而且有時煮開幾個餸有汁,咁咪唔洗下下洗鑊囉! 今次隻雲石鑊好好用!
    過埋weekend 下星期開工!

    回覆刪除
  4. I am using Tefal Red Spot which is very good.
    [版主回覆08/23/2013 18:16:00]great! i havent used it yet, cant wait~

    回覆刪除
  5. 我都想買只隻好鑊...還在尋找中
    [版主回覆08/23/2013 18:11:58]記住買前先做多d research啊!

    回覆刪除
  6. 我用緊隻滑面嘅雲石鑊....大半年喇...都冇痴呀.....
    你快D試完話我哋知兩隻鑊好唔好用吖
    [胡李媽媽回覆08/24/2013 15:20:00]
    [版主回覆08/23/2013 18:09:15]雲石鑊已開光用咗2次,好正好好用!
    不過紅點仲未開光~

    回覆刪除
  7. Pandaki PIXNET Net2013年8月23日 上午2:30

    HEEHEEHEE 買左咁多整翻糖既工具
    幾時大顯身手比我地睇??????????
    [版主回覆08/23/2013 18:03:53]過埋個weekend下星期開工嘞!

    回覆刪除
  8. Mrs T how's your toes? Are they all recover yet?
    [版主回覆08/27/2013 21:14:40]it's ok though not fully recovered yet, still have to wear sandals. thanks VWai

    回覆刪除
  9. 緊張大師-小女人2013年8月24日 上午1:21

    Mrs.T你的腳趾點呀?抱歉現在才來問候.你真係好鐘意買東西喎,有福氣有個好老公.
    [緊張大師-小女人回覆09/05/2013 08:17:06]明白,咁你要萬事小心啦,有時不不留神後果嚴重,萬事要安全為上,免Mr.T擔心你又肉痛,那你一有新地方要告訴我們呀,謝謝
    [版主回覆09/04/2013 22:00:42]可能我天生論盡.....不過我無咩事架嘞! 有心啊緊張大師~
    我唸不能留言係因為對方已打包備緊份,Yahoo 好似話備份時唔可以更新及加入新資料!
    不過我決定新竇後,會喺備份前再更新等大家知道我既新網址~
    [緊張大師-小女人回覆09/04/2013 08:44:11]Mrs.T你真係要好小心喎,咁點得架,仲有無去看醫生呀,你要多休息唔好行咁多,每晚用跌打酒或葯膏輕輕去按下,每日都要呀,好快退腫的,你咁撞痛在你身就痛在Mr.T心呀,小心好好保重,希望新家見到你啦,我怕入唔到來留言,因好多友已不能留言啦
    [版主回覆08/30/2013 20:29:32]唉.....實不相瞞緊張大師......我隻左腳趾尾到今日仲未好返,weekend 又撞到右腳眼(都係未好返!); 今朝一起身撞到個上腹 (即胃果個位置),而家我個肚又有一撻瘀咗......都唔知自己做乜鬼!!!!!!
    [緊張大師-小女人回覆08/30/2013 11:33:08]仲未消腫就小心些唔好再弄傷啦
    [版主回覆08/27/2013 21:10:46]腳趾仲未消哂腫,仍然有少少痛,我唸仲要著多一排涼鞋...多謝緊張大師問候!

    哈哈~~~~ 係女人都鍾意買野架啦!

    回覆刪除
  10. 我上次去英國探表姐時佢都係用Tefal Red Spot煎蛋好正喎~
    攪到我都好想買番個
    [版主回覆08/27/2013 21:07:27]我啱啱先發現原來紅點都有好多款!
    香港都有紅點賣架~

    回覆刪除
  11. 我都係用Tefal, 我果套叫Tefal Titanium pro,我覺得好好用。而且感覺比一般易潔硬淨。無咁易花。
    [版主回覆08/27/2013 21:06:58]我啱啱先發現原來紅點都有好多款! 我依隻叫Specific,相比其他紅點,我依個鞋身,其他款滑身,感覺鞋身都好硬淨 + 唔易花~

    回覆刪除
  12. 我都用緊呢款 Tefal 紅點鑊,唔貴,而且都耐用架
    你隻牛油刀好正吖,又係心心〜 嘻嘻
    [版主回覆08/28/2013 20:46:54]我啱啱先發現原來紅點都有好多款! 我隻暫時仲未開光,不過隻雲石鑊好正~

    把牛油刀真係好特別,我好鍾意~

    回覆刪除
  13. 我對各種鑊嘅研究都比別人多 .
    甚麼 "雲石鑊" 都只不過係 d 掩眼法、"舊酒新瓶"、呃呃氹氹 !!!
    最初嘅 "雲石鑊" 只係 PTFE (即係 teflon) 溝 d 石粉 .
    近期嘅 雅窗 "雲石鑊" 就改用咗 陶瓷易潔塗層 (即係 妳個 berndes ceramic pan 嗰類) 嚟溝 石粉 .

    妳嗰隻 stellar 應該係 碳鋼鑊身 + PTFE 塗層 .
    呢隻鑊係衰在怕 咗 d 用家嫌佢用 碳鋼 會太重身 , 所以佢就 偷薄咗 材料 嚟減輕重量 .
    但鑊身太薄 就會熱力唔平均 , 由於 太薄弱 以致 非常之容易燒到變形 !!!
    變形之後 , 鑊底 只得好少 area 直接 contact 到 hot-plate , 所以 就只有 有 contact 嘅位置受熱澎漲 , 加劇變形 , 同埋 受熱點 容易燒燶 、 燒壞塗層 .

    stellar 應該知衰 , 所以 佢有 d "heavy gauge" 嘅厚身 碳鋼 pan , 係唔會有上述問題 .

    其實 , 薄身嗰隻 pan 如果係用 gas 明火爐 就唔會咁易有妳講嗰 d 問題㗎嘞 ~

    回覆刪除

Related Posts Plugin for WordPress, Blogger...