二人世界食自己 - 2010年10月21日 (附食譜)

雙寶飯(燻蹄鹹蛋飯) & 椒鹽胡瓜魚(sprats)

依餐得我一個食自己，不過其實我食飯時Mr.T 喺我隔離打緊機!

因為Mr.T 對燻蹄麻麻地! 而且佢食肉類一定要食熱既......

所以佢放工時打電話比我，知道尋晚食燻蹄後，
佢就自行去Burger King 買包食咗先返屋企~

 隻燻蹄包到好似碌粉葛!

不過今次唔知係咪我發軟蹄包得唔夠實? 還是我雪得唔夠耐呢??  (應該要雪過夜! 但我尋日只雪咗幾個鐘頭......) 切得有少少散散地......

 不過今次隻燻蹄更加入味!  (掛住食唔記得就咁影碟飯......)

 因為我為咗剷除依大枝唔好味既台灣豉油，倒咗唔知幾多喺鹵燻蹄既鹵水裡面!

(已剷除咗大半枝，仍需繼續努力!!)

應承咗網友影張鹹蛋黃close up 佢睇吓.....

 係咪好靚呢?

 將鹹蛋切半時仲漏黃油喎!
今次樽鹹蛋好成功啊! 呵呵~~~~

 星期二果日喺Morrisons 買咗pack sprats，因為尋日到期，要快手食咗佢!!

(老公一路打機一路偷食我碟sprats~ 香口野啱哂佢! )

題外話......

 經過我年多既努力，我終於搞掂咗右邊果大枝巨型美極嘞!!


是咁的......舊年7月尾我同老公去玩二人BBQ~ 我食燒茄子 + 燒翠玉瓜時一定要加美極，但屋企果枝啱啱用鬼哂...... 

於是當日出發前去泗和行走咗轉 - 偏偏佢地果日無正常size 既美極!

由於趕時間，唯有焗住買咗枝巨型裝! 世估唔到竟然食咗年幾先食得哂......

見過鬼怕黑......

 無正常size 既美極，寧願買枝正常size 既家樂牌鮮露頂住檔!


 五香燻蹄食譜click here~

 自製鹹蛋(鹽水浸製法)click here~

 椒鹽胡瓜魚食譜click here~