大閘蟹販賣機

又到咗大閘蟹當造季節嘞! (我已經好多年無食過大閘蟹......)


零食、飲品、香煙、女性衛生用品、甚至係dom dom 都好普遍可以喺自動販賣機容易買得到.....


有無唸過連生猛到腳仔撐撐既大閘蟹，都可以入錢禁個制就買得到呢?

大閘蟹自動販賣機並非出現喺將自動販賣機發展到出神入化既日本喎! 反而出現喺我地偉大祖國既南京!!

依部名為"黃金甲大閘蟹"既自動販賣機位於南京地鐵站裡面~

機內既大閘蟹唔再被五花大綁扎紮到成隻粽咁，而係每隻存放喺特製獨立膠盒裡面! 同時販賣機內溫度保持喺5C，令大閘蟹進入冬眠昏睡狀態確保鮮活~

大閘蟹視乎大小每隻由1.50至7.50美元不等; 而且仲好有品質保證 - 話明顧客若唔好彩買到死蟹既話，死一賠三!!

Cute~~~~~~