復古Feel (2010年10月3日)

99星期二晚喺Glasgow Mitchell Theatre 又有篤篤撐表演!

我依個"得獎業餘攝影師"新抱又係時候出動嘞!!  (自從我攞咗業餘攝影比賽第3名，老公成日叫我做"prize winning photographer"! 哈哈~~~ )

經過上次影影吓中途camcorder + DC 輪住來無電  (網誌); 今次我地要未雨綢繆，晨早摷哂所有架生出來 - 1部 camcorder, 2部DC, 加埋我個DSLR，一次過叉飽哂佢地!

仲比我摷返部咁既野出來 - Polaroid Joycam~

唔知有無網友都玩過依部野呢?

我唸好多網友可能見都未見過依部野~ 因為依部野除咗係N年前既出品，仲已經停產咗N年! 

已經唔記得買咗幾耐?  只記得依部野好鬼平!  果時我買咗之後，仲毒埋好多朋友齊齊買來玩!! 嘻嘻~~~~

 我只保留咗少量當時用Joycam 影既相，因為好多時影完相，即時將相分發比哂朋友!

 Joycam 可以話係我用過最易用既相機!

雖然好大舊，但好鬼輕，似小朋友玩具多過相機!!

發現部Joycam 裡面原來仲有幾張菲林喎!

 不過第1張影出來完全無料到!

 另外2張仲得喎! 不過變到黃"禁禁"，好有懷舊復古feel~~  (不過有d一撻撻.......)

Polaroid 喺2007年已經全線停產即影即有相機 + 菲林，改為生產數碼相機，所以我依部Joycam 得返個殼，得物無所用~

09年中Polaroid 曾經公佈今年會復產菲林，不過唔知最終有無實行到? 因為佢地既產品仍然絕跡英國......

但係..........

 我仲有1包未開既Joycam 菲林喎! 呵呵~~~~~~

 不過有效期係2005年2月.......

我估應該都仲影到!  最多唔知係咩feel 既啫!! 哈哈~~~~