，佢一接電話我已經感覺到佢正處於好勞氣既狀態! 平時佢聽到我把聲好開心架嘛......V媽媽: 唉! 我就來比妳爹哋激死!!!!!!!!!
我: 咩樹?
V媽媽: 我尋晚用個湯煲炆咗一煲牛腩，頭先返到來見到湯煲個蓋反轉咗我都覺得奇怪......一睇成個湯煲係空既! 成煲牛腩唔見咗!!?!?
一定係妳爹哋啦!!聽到依度我已經估到發生咩事!
好心痛~~ 因為V媽媽炆牛腩好鬼正架!!! 
V媽媽: 打電話問妳爹哋做乜倒咗我煲牛腩，佢竟然答我"哎吔~ 我以為係湯渣，唔怪之尋晚倒時咁香啦......."
聽到依句我忍唔住笑死咗~~~~~
V媽媽: 阿妹~ 妳唔好笑啦!
妳知靚既牛腩好難買架嘛!!我: 我都知.......
(
)V媽媽: 我仲放咗2塊30年既陳皮落去炆，一舊都未食過成煲就咁比妳老豆搞掂咗......邊有人好似妳爹哋咁架!!!?!??!
>>>>>>>>>>>>>>>>>>>>>>>>>>>>>>>>>>>>
其實V爸爸已經唔係第一次架嘞......
有次我返香港賴咗野發燒
，V媽媽叫V爸爸返來時買兜鹹瘦肉粥比我食，V媽媽就話要食淨雲吞......V媽媽咬咗一粒雲吞後: 有無搞錯? d蝦臭既!!!!
(變壞咗~ 
)咁緊係唔要啦! V媽媽順手將剛呻完鼻涕果隻"雲吞"掟埋入兜，蓋埋個蓋放咗喺度......
兜鹹瘦肉粥我食咗2啖就無胃口食唔落
，咁我就蓋返蓋話留返兜粥第二朝先食......第二朝起身我好鬼肚餓，唸住攞兜鹹瘦肉粥整返熱佢來食......
我唸大家應該估到咩事......
唔知係咪個個男人都咁粗心大意?
好似我成日都會串Mr.T 係一隻"患咗Alzheimer 既squirrel"! (老人癡呆症既松鼠!)
呢~ d松鼠好鍾意將搵返來既食物埋喺地下，遲下先摷返出來食架嘛! Mr.T 就好似d松鼠咁，成日將一d好重要既野收埋~ 不過佢唔止收埋佢自己d野喎! 我既野佢會照收......
但一隻患咗老人癡呆症既松鼠係點既呢?
即係佢收埋咗d野，遲吓叫佢攞返出來，佢會唔記得放咗喺邊!!
雖然Mr.T 都係傻傻地
，但我唸佢應該無V爸爸咁離譜會將牛腩當湯渣既! 最慘既係佢地並唔係有心特登咁做去辣慶妳......
所以鬧佢地又唔係，唔鬧佢地度氣又頂住!!!!
沒有留言:
發佈留言